Awos. 37:17 - Ebaibul

¹⁷ Abu Besalel kitiyau ke egolid bon awoet ŋina a etaa. Kitiyau kwap ka kidiama awoet ŋin ke egolid a ŋolo etyekitae ejok nooi, ido kitiyak ŋiboro lu nawoet ŋin etapakina erae ibore ipei bon: Ŋitorubei a ŋatur a ŋuna esibito ŋikopoi, ŋitorubei a ŋakwii a ŋuna igaŋito ŋatur ka ŋitorubei a ŋatur a ŋuna ebusak nooi.

Awos. 37:17 Iomraidhean Croise

1 Ŋakiro a ŋirwa 28:15

Tolimok etyae ke egolid a ŋolo amaikina kisitiyae akitiyaunia ŋawoeta a ŋitaae, tolimok etyae ŋolo a egolid a ŋinawoet ka ŋitaae keŋ, etyae ŋolo ke esilipa a ŋinawoet ka ŋitaae keŋ, lopite ŋolo esitiyaere ŋinibore anakilip,

2 Ŋakiro a ŋirwa 13:11

Einanakinete ikes Ekapolon a ŋinataparacu ka a ŋinataboŋ ŋainakineta ŋuna epeyo ka icunyete ekinyate. Iwuanakinete ŋamugati lomesa ŋolo asegan ŋolo ke etal ka inokanakinete ŋitaae a ŋinataboŋ anawoeta a ŋitaae aŋuna itiyaunitae ke egolid. Iwuapitae isua ŋuna ikicik Ekapolon Akuj kosi, nai imyekis iyes iŋes.

Awos. 31:8

ikwapei: Emesa ka ŋiboro keŋ daadaŋ, awoet ŋina ke etaa ka ŋiboro keŋ daadaŋ, Namuroet ŋina icunyere ekinyate,

Awos. 37:16

Kitiyau Besalel ke egolid bon ŋiboro ŋulu ewuanakinio kidiama emesa, ikwapei ŋasaani ka ŋakijikoi ŋuna isitiyao alomesa a ŋol akicunyia ekinyate, ŋabakulei ka ŋikalaae ikwapei ŋiboro ŋulu einanakinere epiini neni ka Akuj.

Awos. 37:18

Kitiyak iŋes ŋaten ŋakanikapei ŋuna apetara nawaetin a awoet, ŋauni epeiwae awoet ka ŋauni lowae ŋoloce.

Ŋilep. 24:4

Emaikina Aron tosipok ŋitaae nawoet a ŋitaae ŋina erae egolid bon itiyaunitere, emaikina ŋitaae ŋul tonokete alokiŋaren Ekapolon a ŋinakoloŋit.

Sakar 4:11

Abu nai ayoŋ eŋit iŋes ebe, “Nyo bo ŋikito ka Olipa ŋuluarei ŋul, ŋulu eyai epei teten ka ŋoloce kedyeny a awoet a etaa?”

Sakar 4:2

Abu iŋes ekeŋit ayoŋ tema, “Nyo ite iyoŋ?” Abu ayoŋ otema, “Ete ayoŋ awoet ŋina ke etaa, ŋina erae egolid bon, eyai abesen kidiama keŋ, eyakasi ŋitaae ŋikanikaarei kidiama keŋ, eya lotaae ŋul ŋakiboisyo ŋakanikaarei ŋuna iwuanakinio ŋausyo.

Ekim. 8:4

Erae lo epite ŋolo etiyaunitere awoet a ŋitaae. Etiyaunitae iŋes ke egolid a ŋolo etyekitae ejok; ameun alokwap tari natur keŋ, etyekitae lopite ŋolo etoodikinitor Ekapolon Moses. Epite ŋolo etiyaunitere awoet a ŋitaae iŋes ŋol.

Mat. 5:15

Emam ituŋanan ŋini ani kinokak etaa tosodi tobuburik atuba, nai iwuakini neni ikeuna, ikotere kinuakak ŋituŋa daadaŋ alokai.

Ŋipil. 2:15

ikotere toruworos ŋulu nyisecito ka tosegak alotai ikwapei iraakatar ŋidwe ŋulu ka Akuj ŋulu emam aronis, ŋulu iboiyete alokidiŋ ŋituŋa ŋulu a ŋinyas ŋulu asecak. Itemokino iyes tocayete alokidiŋ kec ikwa ŋikacer ŋulu ecayete alokidiama,

Ŋibur. 9:2

Adukunitoe eema ŋolo aya tooma keŋ ŋagulei ŋaarei: anyaritae ŋina esyaunan Akibois ŋina Asegan. Tooma keŋ ayai awoet a etaa ka ayai emesa ŋolo aya ŋamugati ŋuna alemianakinio Akuj.

Akis. 1:12

Abu oboboŋ akiŋolikin ŋini erworo neni kaŋ, oanyuwa ŋawuoeta a ŋitaae ŋakanikaarei ŋuna etiyaunitae a egolid.