Awos. 34:24 - Ebaibul

²⁴ anerae eritari ayoŋ alokiŋaren kus ŋituŋa a ŋakwapin, ido eyatakini ayoŋ akwap kus, mam ituŋanan ikatakini ademar iyes akwap kus erae kiloto iyes a ŋolokaru kitoodiyaros kiŋaren Ekapolon Akuj kus ŋalosyet ŋauni a ŋolokaru.

Awos. 34:24 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 35:5

Ani eriŋa ikes ewosete, min ekabule lotaunio daadaŋ ŋulu aya nawaetin kec, aŋun, emam ituŋanan abu totupak ikes.

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

1 Ŋakiro a ŋirwa 4:10

Abu Yabes kilip neni ka Akuj a Ŋisirael tema, “Okoe kiterereŋoe ayoŋ Akuj, inakinae ayoŋ akwap ŋina alalan. Oruko ka ayoŋ, ido kiuryarae ayoŋ anibore a ŋini aronon a daadaŋ a ŋini eyauni aryeba neni kaŋ.” Abu nai Akuj inak iŋes ŋakiro ŋuna elipa.

2 Ŋakiro a ŋirwa 17:10

Abu Ekapolon kitubul ŋituŋa a ŋakwapin a daadaŋ a ŋuna edunyatar Yudaya, aŋun, apotu ikes nyelot akitijiore Yeosapat.

Yob 1:10

Iuryarit iyoŋ iŋes alowaetin a daadaŋ kaapei ke ekal keŋ ka ŋiboro daadaŋ ŋulu eyakar iŋes, iterereŋ ŋiticisyo keŋ, ido alalata ŋiboro ŋulu eyakar iŋes anakwap.

Ŋikiru. 120:1

Alotooma ŋican kaŋ, abu ekaloik Ekapolon, ikotere iŋes akaboŋokini ayoŋ. Abu otema,

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Ŋikiru. 80:8

Ibu iyoŋ yau Ŋisirael alo Ijipit; Ibu iyoŋ kirita ŋituŋa a ŋakwapin, ido kiwuak Ŋisirael nen.

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Awos. 34:11

“Kirica ŋakiro ŋuna ekecik ayoŋ iyes nakoloŋit na. Kiirasi, eritari ayoŋ alokiŋaren kus Ŋiamori, Ŋikanaani, Ŋiitaiti, Ŋiperisi ka Ŋiipi ta Ŋiyebusi.

Ŋakit. 16:7

Ani kitalakasi Ekapolon ŋuna itiyaete ŋituŋa, einakini Ekapolon tari ŋimoe kec akiboikin ka ikes isilito.

Ŋilep. 18:24

“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec.

Ŋitic. 18:10

anerae ikirukit ayoŋ ka iyoŋ. Emam ituŋanan epedori akiwan iyoŋ, anerae ŋituŋa ŋulu alalak alotaun a lo, erae ŋulu kaŋ.”

Ŋikis. 12:20

Ani iatakini Ekapolon Akuj kus akwap kus, lopite ŋolo ikiikinia iyes, ido tema ituŋanan, “Alosi ayoŋ akinyam akiriŋ adio,” aŋuna ikimuitor akinyam akiriŋ, epedori ituŋanan ŋin akinyam akiriŋ apaki daadaŋ ŋina imuitor.

Ŋikis. 16:16

Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

Ŋikis. 19:8

Ani kiyatak Ekapolon Akuj kus akwap kus lopite ŋolo ekoŋitor neni atapapaa kus, ido ikiinak iyes akwap daadaŋ ŋina eikinit iŋes atapapaa kus ainakin iyes,

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes