Awos. 34:16 - Ebaibul

¹⁶ Ani kicamunosi ka ikes, ipedorete iyes akiitakin ŋidwe kus ŋulusapa ŋidwe kec ŋulupesur, tosodo ŋidwe kec ŋulupesur ŋulu ilipete ŋakujo kec, kituruwosi ŋidwe kus ŋulusapa ŋulu ilipete ŋakujo a ŋaberu kec.

Awos. 34:16 Iomraidhean Croise

Akisy. 24:3

ido ekesikoŋ ayoŋ iyoŋ alokiro ke Ekapolon a Akuj a ŋina erae nakuj ka akwap ŋuna keŋ, kikoŋ ebe, nyiitakini iyoŋ lokoku kaŋ aberu anapesur a ŋuna eurito ŋituŋa a Kanaan, ŋulu tokona eboi ayoŋ aneni kec.

1 Ŋirw. 11:1

Abu erwosit Solomon kiit ŋaberu ŋuna alalak ŋunamoen kaapei ka nakoku a Parao. Arae ŋaberu ŋun: Ŋamoabi, Ŋaamoni, Ŋaedomi, Ŋasidoni ka Ŋaitaiti.

1 Ŋirw. 21:25

(Kire jik, mam ituŋanan ekwaan ka Aab ŋolo abu tolelaki kitiya ŋuna aronok alokiŋaren Ekapolon, tocamu akiwuap ŋuna abala aberu keŋ Yesebel kitiya.

2 Ŋakiro a ŋirwa 21:11

Abu Yeoram toduk ŋaduketa ŋunakilipet ŋakujo nakiboisyo ŋunamukur alo Yudaya. Abu kibata ŋituŋa a Yerusalem kituruwo ŋulu pa ekinyomito Akuj, apotu ŋituŋa a Yudaya toŋero Akuj.

Esir 9:12

Aŋun, nyipotonosi ŋidwe kus ŋulupesur, alokiitanu neni a ŋidwe kec a ŋulusapa, kori ŋidwe kus ŋulusapa neni a ŋidwe kec a ŋulupesur, irubakinete iyes igogoŋ ka imujete ŋiboro ŋulu ajokak anakwap a ŋin, kimyekis aŋuna a ŋidwe kus erae ibore ŋini eruwor ŋini kec ŋikaru ka ŋikaru.’

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Neem. 10:30

Nyeinakinio isua ŋidwe kosi ŋulupesur kiitarae lotuŋa a ŋakwapin, kori nyiitunio isua ŋidwe kec ŋulupesur aŋuna a ŋidwe kosi a ŋulusapa;

Neem. 10:31

tosodi ani keyaut ŋituŋa a ŋakwapin ŋiboro ŋulu egyelanaryo, kori ŋikinyom ŋidi agyelanar akoloŋit ŋina a Sabato, nyegyelio isua ŋiboro ŋul akoloŋit ŋina a Sabato, kori akoloŋit adio ŋina asegan, nyitaunio isua ŋinyomen ŋidi ekaru ŋolo a ŋikanikaarei ka etacio isua ŋamicae daadaŋ ekaru ŋol.

Neem. 13:23

Alorwa a ŋul, abu daŋ ayoŋ eŋolik Ŋiburaniyae ŋulu kepotu kiitut ŋaberu ŋuna alo Asidod, alo Amon ka Moab,

Neem. 13:25

Abu ayoŋ etoŋoiya ikes ka ecen, ido ebuŋa ikes ŋice orutono ŋitim kec, olimok ikes kikoŋo alokiro a Akuj otema, “Nyemaikina kipotonokis ŋidwe kus ŋulupesur kiita ŋidwe kec ŋulusapa, kori kiitununut ŋidwe kec ŋulupesur aŋuna a ŋidwe kus a ŋulusapa, kori aŋuna kus.

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Osea 1:2

Ani egeuni Ekapolon akirwor neni a Ŋisirael aneni ka Osea, abu tolimok Osea tema, “Ape toryamu aberu ŋina erae amalaat toruwor aberu kon, toryamu ŋidwe aneni a amalaat, anerae etiyata Ŋisirael amalao ŋina apolon aŋuna aŋerioto Ekapolon.”

Ŋilep. 21:15

Erae ŋun ikotere nyeruwor ŋidwe keŋ ŋulu ejamuwaritae alotuŋa keŋ. Arae ayoŋ Ekapolon, ŋolo abu eturuwo iŋes ŋolo eseg.’ ”

Yos. 23:12

Ani kiŋero iyes Ekapolon toruko ka ŋipiya ŋulu a ŋituŋa a ŋakwapin, ŋipiya ŋulu idoŋito nakiboisyo ŋuna iboiyoto iyes ka ani kiitakinosi iyes ka ikes,

Yos. 23:13

toyenete kire atemar nyerubakini Ekapolon kus iloununui ŋituŋa a ŋakwapin a ŋun alokiŋaren kus; nai ikokinete ikes eroko aneni kus auno ŋina elokitae, kori akipany ka ikokinete ikes epipil neni ikiramya ituŋanan ka adaset kaku, kori ikokinete ikes epipil aneni kus ŋikukwa ŋulu ebucakin akirem akoŋu. Erubakinete ŋun itiyasi akitodol ŋina idaunotor iyes anakwap a ŋina ajokan a na a ŋina adau Ekapolon ŋolo erae Akuj kus ainakin iyes.

Ŋikat. 14:3

Nai tolimokis papa keŋ ka toto keŋ Samuson temasi, “Emam mono aberu eyai nateker kus, kori alotuŋa yok a daadaŋ ilosyo iyoŋ aryamun aberu alo Pilistia, alotuŋa a ŋulu nyileŋeritae a?” Nai tolimok Samuson papa keŋ tema, “Kiitakinae ayoŋ iŋes, anerae akaminarit iŋes ayoŋ.”

Ŋikat. 3:5

Aŋun apotu Ŋisirael kiboiyoto kaapei ka Ŋikanaani, Ŋiitaiti, Ŋiamori, Ŋiperisi, Ŋiipi ka Ŋiyebusi;

Ŋikat. 3:6

apotu Ŋisirael yaanasi ŋidwe ŋulupesur ŋulu a ŋituŋa a ŋul erae ŋaberu kec ka inanakis daŋ ikes ŋidwe kec ŋulupesur aruwor ŋaberu neni a ŋidwe a ŋulusapa a ŋulu a ŋituŋa a ŋul, ido kilipa daŋ neni a ŋakujo kec.

Ŋikat. 8:27

Abu Gideon kitiyau etorube a akuj a egolid a ŋol, kiwuak lotaun keŋ Opura, ido apotu Ŋisirael daadaŋ kilipa neni a etorube. Apotu ŋun kitojamakis Gideon ka ekal keŋ akikinyomit Akuj.