Awos. 34:15 - Ebaibul

¹⁵ Toceito icamunosi ka ŋituŋa ŋulu iboiyete anakwap a ŋina ilosete iyes, anerae ani elosete ikes akilip neni a ŋakujo kec ka yaasi ŋamuronisya nakujo ŋun, ikinyaraarete ikes iyes, ido tonyama iyes ŋamuronisya kec.

Awos. 34:15 Iomraidhean Croise

1 Ŋakiro a ŋirwa 5:25

Nai apotu ikes tomwaŋa Akuj ŋina atapapaa kec, tomalaana aneni a ŋakujo a ŋituŋa ka akwap a ŋin, a ŋituŋa a ŋulu sek aris Akuj kirita alokiŋaren kec.

Esir 6:9

Emaikina inakinae ikes ibore daadaŋ ŋini iitanito ikes emam awoun, kerae ŋimoŋin ŋulu atumak, ŋimesekin, kori ŋamesekin ikwapei ŋainakineta ŋuna epeyo neni ka Akuj a ŋina anakuj, kerae ŋikinyom ŋulu esibito erau, acumbi, epiini, kori akimyet lopite ŋolo iitanitotor ŋisacaradotin alo Yerusalem. Emaikina inakinae ikes ŋiboro ŋul daadaŋ a ŋinakoloŋit,

Esir 9:12

Aŋun, nyipotonosi ŋidwe kus ŋulupesur, alokiitanu neni a ŋidwe kec a ŋulusapa, kori ŋidwe kus ŋulusapa neni a ŋidwe kec a ŋulupesur, irubakinete iyes igogoŋ ka imujete ŋiboro ŋulu ajokak anakwap a ŋin, kimyekis aŋuna a ŋidwe kus erae ibore ŋini eruwor ŋini kec ŋikaru ka ŋikaru.’

Ŋikiru. 106:28

Ani apaki ŋina ayakatar ikes Peor apotu kilipa neni a Baal, kimuja kaapei ka ŋituŋa a Peor ŋamuronisya ŋuna ainakinitae neni a ŋakujo;

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Awos. 22:19

“Ituŋanan daadaŋ ŋini elosi akiryamanakin ka ŋibaren, emaikina toarae.

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Awos. 23:32

Nyicamunosi ka ikes, kori ka ŋakujo kec.

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Awos. 34:10

Tema nai Ekapolon, “Tokona, ewuakini ayoŋ Acamunet kaŋ ka iyes. Etiyae ayoŋ ŋakiro ŋuna ka aumokin itete ŋituŋa daadaŋ, ŋakiro ŋuna nyitiyakina ŋinapei koloŋ anakwap a daadaŋ neni a ŋakwapin a daadaŋ. Eanyuwarete ŋituŋa daadaŋ ŋulu iboiyete iyes aneni kec ŋuna itiyakini Ekapolon, anerae ŋuna eapi ayoŋ akitiyakin, erae ŋuna etubulok.

Awos. 34:12

Toceito icamunosi ka ŋituŋa ŋulu iboiyete anakwap a ŋina ilosete iyes, epedorete ŋituŋa ŋul aruwor aloketait aneni kus.

Yer. 3:9

Aŋuna atakania aneni a Ŋisirael esibit ŋakiro ŋuna ka akilip neni a ŋakujo ŋacaryo, apotu ikes tomunaasi akwap kec, apotu ikes kilipa neni ka amoru ka neni a ekitoe.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Ekim. 15:39

Erae abilet ŋin ŋina ani iŋolikinete iyes iŋes totamut ŋakiciketa daadaŋ ŋuna ke Ekapolon ka kiricakis ikes, ido nyiwuapa ekibure a ŋitai kus, kori ekibure a ŋakonyen kus,

Ekim. 25:1

Ani eriŋa Ŋisirael elomito Sitim, kisyakis ŋikilyok a Ŋisirael akiryamanakin ka ŋaberu ŋuna arae Ŋamoabi.

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

1 Ŋikor. 10:27

Ani kikinyaraiya iyes ituŋanan ŋini nyerae Ekristoit kai keŋ akimuj ka iŋes, ido tocamut iyes, ejoikinit iyes kimuja ibore daadaŋ ŋini ikiinakinio tomam akiŋita, ikotere nyepodosi ŋatameta kus.

1 Ŋikor. 8:10

Iyoŋ ituŋanan ŋini ibala ayakar ayenut; ani mono kikiŋolik iyoŋ ituŋanan ŋini epalag ayenut inyami akimuj alokai a ŋina a ŋakujo a ŋace, nyiburakini mono iŋes aŋuna a ŋakiro a ŋun akinyam akimuj ŋin a?

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

1 Ŋikor. 8:7

Nai emamukatar ŋituŋa ŋulu alalak ayenut ŋin. Anaikis ŋituŋa ŋice ŋakujo ŋace; iŋes nai ani kenyama ikes akimuj ŋina einakinitae erae amuronot nakujo ŋace, eriŋa ikes etamete atemar ilipete ikes neni a ŋakujo a ŋun; epalag ŋatameta kec ka eyenete ikes alotai kec atemar ikisecit.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 31:18

Akoloŋit ŋin, ewuai ayoŋ kire jik ereet kaŋ aŋuna a ŋasecisya a daadaŋ a ŋuna etiyata ikes, anerae ewuapa ikes ŋakujo ŋace.

Ŋikis. 32:37

Etemari nai iŋes neni kec, ‘Ai eya ŋakujo kus, ai eya ŋakujo ŋuna sek arae ŋakaiunak kus,

Ŋikis. 32:38

ŋuna sek anyamete asepwae a ŋamuronisya kus ka amasete epiini ŋolo ibukonokinete iyes namuroeta kus? Kimyekisi ikes potu ikiŋarakis iyes, kimyekisi ikes ikiuryasi iyes!’

Ŋikis. 7:2

ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.

Ŋikis. 7:3

Nyiitanakinosi ka ikes; nyiinanakis ŋidwe kus ŋulupesur toruworos ŋaberu a ŋidwe kec a ŋulusapa, kori nyiitanakis ŋidwe kus ŋulusapa ŋidwe kec ŋulupesur,

Yos. 23:12

Ani kiŋero iyes Ekapolon toruko ka ŋipiya ŋulu a ŋituŋa a ŋakwapin, ŋipiya ŋulu idoŋito nakiboisyo ŋuna iboiyoto iyes ka ani kiitakinosi iyes ka ikes,

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.

Ŋikat. 2:17

Kikote neni daŋ, apotu Ŋisirael nyiirasi tari ŋakiro a ŋikatubok ŋakiro kec, anerae agogoŋ ekibure kec ŋolo ka akiwuap ŋakujo ka akilip neni a ŋakujo a ŋun. Apotu ikes atipei toŋero ŋuna sek ewuapito atapapaa kec ŋulu apotu kiwuapa ŋakiciketa a Ekapolon, nyiwuapa Ŋisirael ŋuna ewuapito atapapaa kec.

Ŋikat. 3:6

apotu Ŋisirael yaanasi ŋidwe ŋulupesur ŋulu a ŋituŋa a ŋul erae ŋaberu kec ka inanakis daŋ ikes ŋidwe kec ŋulupesur aruwor ŋaberu neni a ŋidwe a ŋulusapa a ŋulu a ŋituŋa a ŋul, ido kilipa daŋ neni a ŋakujo kec.