Awos. 34:14 - Ebaibul

¹⁴ (anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Awos. 34:14 Iomraidhean Croise

1 Ŋirw. 14:15

“Isicani Ekapolon Ŋisirael emaranikinete lopite ŋolo iloilookinio ekuwuam eoot anakipi, elemari Ekapolon Ŋisirael anakwap keŋ a ŋina ajokan a ŋina abu iŋes inak atapapaa kec, ido ielari ikes yaye aŋolol ŋina enyaritae Eupurate, anerae apotu ikes kitoŋoa Ekapolon aŋuna etiyauniata ŋitorubei a akuj a ŋina anyaritae Asera.

1 Ŋirw. 19:10

Toboŋok iŋes tema, “Alelakinit ayoŋ nooi Ekapolon Akuj ŋina etiron; anerae emyekis Ŋisirael ŋuna apotu tocamut, abwaŋabwaŋaasi Ŋamuroeta kon, ido adaut akiar ŋikadwarak kon ke ekileŋ. Ayoŋ bon edoŋ ka iwarito ikes akiar ayoŋ.”

Awos. 33:19

Tema Ekapolon, “Emyekini ayoŋ ajokis daadaŋ ŋina ebunit aneni kaŋ kitoru kiŋaren kon, ido alimori ayoŋ ekiro kaŋ ebe, ‘Arae ayoŋ Ekapolon’ ” iyai iyoŋ. Esyoni ayoŋ ŋini acamit akisyon, etimi ŋini acamit akitim.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Esek. 23:25

Ewuakini ayoŋ neni kon alilit ŋina ekemanitor iyoŋ, ikotere ikes ikisicanete iyoŋ ka aryenyeo. Etubutubuyete ikes ŋikumes ka ŋaki kon, earyo ŋituŋa kon ŋulu ebucanarosi. Ikamarete ŋimoe ŋul ŋidwe kon ŋulusapa ka ŋulupesur ka icunyaryo ka akim ŋituŋa kon ŋulu ebucanarosi.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 32:16

Inakis iŋes tolilik ŋakujo ŋunagelae, kitoŋoa iŋes a ŋakiro a ŋuna eŋerit iŋes.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Ŋikis. 5:24

ido ipotu iyes temasi, “Kiŋolikisi, ikitoodik Ekapolon Akuj kus iyes akica ka apolou keŋ ka eirar isua etoil keŋ ŋolo abunit anarira. Nakoloŋit na eŋolikin isua atemar epedori Akuj akirwor neni a ituŋanan, ido erubakini ituŋanan ŋin eyari.

Ŋikis. 5:7

Nyiyakatar ŋakujo ŋace mati ayoŋ bon.

Ŋikis. 6:15

anerae Ekapolon Akuj kus ŋina irukito kaapei ka iyes erae ŋina alilyan. Ani kiwuapa ŋakujo ŋace, eŋoi Ekapolon Akuj kus neni kus ka ikimunyari iŋes iyes anakwap.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”