Awos. 34:13 - Ebaibul

¹³ Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Awos. 34:13 Iomraidhean Croise

1 Ŋirw. 14:15

“Isicani Ekapolon Ŋisirael emaranikinete lopite ŋolo iloilookinio ekuwuam eoot anakipi, elemari Ekapolon Ŋisirael anakwap keŋ a ŋina ajokan a ŋina abu iŋes inak atapapaa kec, ido ielari ikes yaye aŋolol ŋina enyaritae Eupurate, anerae apotu ikes kitoŋoa Ekapolon aŋuna etiyauniata ŋitorubei a akuj a ŋina anyaritae Asera.

2 Ŋirw. 10:27

Tobwaŋabwaŋata nai ikes epir ŋol ka kinyasut akai a Baal, kituruwosi ecoron kec tari tokona.

2 Ŋirw. 18:4

Abu iŋes tobwaŋabwaŋaiya neni elipeneneere ŋakujo ka ŋipirin. Touko daŋ epir ŋolo etaletoi. Tari emun ŋolo etiyaunitae a eburonis ŋolo koloŋ ewuakini Moses nen, abu iŋes tobilibili, anerae ariŋa Ŋisirael emuroete neni ke emun a ŋol akitodol apaki ŋin. Anyaritae ekiro ke emun aŋol Neusutan.

2 Ŋirw. 23:14

Abu Yosia toukono ŋitorubeei a ŋakujo, totubutubu ŋipirin ŋul, kililyaa ŋapanya.

2 Ŋakiro a ŋirwa 14:3

Abu tolema ŋamuroeta ŋunagelae ka kiela ŋakiboisyo ŋuna adukitoe nenimukur neni elipyata ŋituŋa ŋakujo, toukonok kwap ŋipirin ŋulu a ŋitalyo ka ŋitorubei ka akuj a ŋina anyaritae Asera.

2 Ŋakiro a ŋirwa 15:16

Abu erwosit Asa tolema tari toto keŋ Maaka anaraakau arwosit, anerae kebu toto ka Asa kitiya asiilyo, kitiyau etorube ka akuj a ŋina anyaritae Asera. Abu Asa totubutubok kwap etorube ŋol, kicakicak, ido kicuny ŋanyile anayonae a ŋina enyaritae Kidiron.

2 Ŋakiro a ŋirwa 17:6

Ainakina Yeosapat alotau keŋ akiwuap ŋuna ke Ekapolon, abu daŋ iŋes tolema ŋaduketa ŋuna aya nenimukur ŋuna elipere ŋakujo, tolema alo Yudaya tari ŋipirin ŋulu arae ŋitorubei a akuj a ŋina anyaritae Asera.

2 Ŋakiro a ŋirwa 24:18

Apotu ŋituŋa a Yudaya ka Yerusalem kimyekis Akai a Ekapolon Akuj atapapaa kec, toloto akilip neni a ŋakujo ka lotorubei a akuj a ŋina anyaritae Asera. Abu nai anyunyura ŋina ke Ekapolon bu neni a ŋituŋa a Yudaya ka Yerusalem, aŋuna ka asecit kec a ŋin.

2 Ŋakiro a ŋirwa 31:1

Ani irikakin ŋakiro ŋun daadaŋ, apotu Ŋisirael daadaŋ ŋulu ayakasi nen toloto lotaunio a Yudaya, toukonosi ŋamoru ŋuna asipitoe erae ŋitorubei a ŋakujo, totubutubokis kwap ŋitorubei a ŋakujo a ŋuna anyaritae Asera, tomunaasi ŋamuroeta ka ŋakiboisyo ŋuna aya nenimukur ŋuna elipere neni a ŋakujo alo Yudaya daadaŋ, alo Benjamin ka alo Epuraim ta alo Manase. Ani kedaut amunaar daadaŋ, toboŋosi ŋituŋa a Isirael lotaunio ka nakwapin kec.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

Awos. 23:24

nyemaikina iyes toryediko alokiŋaren ŋakujo kec, kori kilipa neni kec, kori kiwuapa ŋuna itiyao aŋuna kec. Emaikina iyes kinyasut ŋakujo ŋun, tobwaŋabwaŋaasi ŋipirin ŋul ŋulu italetoe erae ŋakujo kec.

Isa. 17:8

Nyikinyomete nabo ŋamuroeta kec ka ŋiticisyo ŋulu a ŋakan kec, ido nyiŋolikinete ikes ŋitorubei ŋulu apotu ikes kitiyaut, nyiŋolikinete ŋipirin ŋulu a ŋitalyo, kori ŋamuroeta ŋuna ecunyere ekinyate.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Ekim. 33:52

emaikina iyes kiritasi ŋituŋa ŋulu iboiyete anakwap a ŋina ilosete iyes ka kinyasut ŋitorubei ŋulu icieto ikes, kinyasut ŋitorubei a ŋakujo kec ŋulu icietae a ŋamoru ka ŋulu itiyatae a ŋasuwa ka tomunaasi ŋakiboisyo kec ŋuna eya nenimukur.

Ŋikis. 16:21

Nyidupakis diyete Namuroet ŋina itiyaunete iyes a ŋuna ke Ekapolon Akuj kus apuŋure ŋina italeoritae,

Ŋikis. 16:22

nyidupakis tari epir ŋolo itiyaunitae a ŋamoru, etorube a akuj, eŋerit Ekapolon Akuj kus ŋiboro ŋul.

Ŋikis. 7:5

Nai emaikina iyes kitiyata nu neni kec: Toritaanasi ŋamuroeta kec, tobwaŋabwaŋaasi ŋipirin kec, kiteleteloosi ŋapuŋurei ŋuna a ŋitalyo kec ka kicunyasi ka akim ŋitorubei a ŋakujo kec;

Ŋikat. 2:2

Nai iyes nyicamunosi ka ŋituŋa ŋulu ka akwap a na, tobwaŋabwaŋaasi ŋamuroeta kec.’ Nai nyiwuapa iyes ŋakiro ŋuna abu ayoŋ ekecik iyes. Kiŋolikisi iyes ŋuna idaut iyes akitiya!

Ŋikat. 6:25

Akoloŋit ŋin nakwaare, tolimok Ekapolon Gideon tema, “Tolemu emaanik a papa kon ŋolo a ŋiarei ŋolo erae ŋikaru ŋikanikaarei, tolot toritak kwap namuroet a Baal ŋina erae papa kon adukokini, toritak kwap epir ŋolo ke etal ŋolo eyai diyete namuroet ŋin,

Ŋikat. 6:26

ido todukok kidiama nanam a namuroet a ŋin namuroet aŋuna a Ekapolon a Akuj kon, todukok namuroet ŋin ejok, tosodi tolemu emaanik ŋolo a ŋiarei, inak erae amuronot ŋina epeyo, tope iŋes a ŋakito aŋuna ke epir a ŋolo ke etal a ŋolo ibuni iyoŋ aritakin kwap.”