Awos. 34:10 - Ebaibul

¹⁰ Tema nai Ekapolon, “Tokona, ewuakini ayoŋ Acamunet kaŋ ka iyes. Etiyae ayoŋ ŋakiro ŋuna ka aumokin itete ŋituŋa daadaŋ, ŋakiro ŋuna nyitiyakina ŋinapei koloŋ anakwap a daadaŋ neni a ŋakwapin a daadaŋ. Eanyuwarete ŋituŋa daadaŋ ŋulu iboiyete iyes aneni kec ŋuna itiyakini Ekapolon, anerae ŋuna eapi ayoŋ akitiyakin, erae ŋuna etubulok.

Awos. 34:10 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

Ŋikiru. 106:22

ŋina abu kitiya ŋakiro ŋuna ka aumokin anakibois a ŋina ka Am, ka kitiya ananam a ŋina Areŋan ŋiticisyo ŋulu ikitubulete.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 145:6

Iseraete ŋituŋa ŋuna ka apedor a ŋiticisyo kon a ŋulu ka aumokin, ido alimori ayoŋ ŋuna ka apolou kon nooi.

Ŋikiru. 147:20

Emam akwap ace etiyak iŋes ŋakiro ŋun, nyeyenete ŋakwapin ŋunace ŋikisila keŋ. Kipuroe Ekapolon!

Ŋikiru. 65:5

Anakiyookino kon, ikiboŋokini iyoŋ isua a ŋiticisyo a ŋulu ka aumokin, okoe Akuj ŋina irae akaiunan kosi; iyoŋ irae akigeno a ŋituŋa a akwap a daadaŋ ka ŋulu eya tari loculeta ka anam ŋulu alwanak.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 66:5

Potu toyenutu ŋakiro ŋuna etiya Akuj; eumokina nooi ŋakiro ŋuna etiyae iŋes aŋuna a ŋituŋa.

Ŋikiru. 68:35

Okoe Akuj, irae iyoŋ ŋina ailiilon anakibois kon a ŋina asegan; Akuj a Isirael einanakini Akuj apedor ka agogoŋu lotuŋa keŋ. Toyai akipuro neni ka Akuj!

Ŋikiru. 72:18

Akipuro toyai neni ke Ekapolon Akuj, Akuj ŋina a Isirael, iŋes bon itiyae ŋiticisyo ŋulu ka aumokin.

Ŋikiru. 76:12

Einanakini Akuj ŋikepukak ŋulu eturok aruwor ŋulu ecaryooko; ekerito iŋes ŋirwosi ŋulu ka akwap.

Ŋikiru. 77:14

Iyoŋ Akuj ŋina itiyae ŋuna ka aumokin; idau iyoŋ akitoodikin apedor kon neni a ŋituŋa a ŋakwapin.

Ŋikiru. 78:12

Abu Akuj kitiya ŋakujuwuanisya iteete atapapaa kec, anakwap a Ijipit, anakibois a ŋina a Soan.

Awos. 34:27

Tema nai Ekapolon neni a Moses, “Kigir ŋakiro ŋun, anerae erae ŋakiro ŋun ŋuna ikicamunor ayoŋ ka iyoŋ ta Ŋisirael.”

Awos. 34:28

Abu Moses kiboiyoto ke Ekapolon alokidiama emoru ŋapaarasya ŋatomoniomwon ka ŋakuwarisya ŋatomoniomwon emam akimuj imuji, kori ŋakipi emasi. Abu Moses kigir namoru ŋunadapal ŋun ŋakiro ŋuna ka Acamunet, ikes Ŋakiciketa ŋunatomon.

Isa. 64:3

Apaki ŋina itiyaa iyoŋ ŋiticisyo ŋulu etubulok, ŋulu pa atamakinitae isua atemar itiyakini iyoŋ, ibu iyoŋ totiyaun kwap, apotu ŋimoru tomaranikis ikiŋolikinete iyoŋ.

Yer. 32:21

Ibu iyoŋ iyau ŋituŋa kon Ŋisirael anakwap a Ijipit itoodianakini ikes ŋakujuwuanisya ka ŋaumonokineta ka a apedor kon a ŋina apolon ka a akan kon a ŋina agogoŋon ka anakiro a ŋuna ikitubulete,

Mika 7:15

Ekapolon, kitiya ŋakujuwuanisya aŋuna kosi, lopite ŋolo ibunio iyoŋ kitiyaa apaki ŋina ikiyaunia isua alo Ijipit.

Ŋikis. 10:21

Ekapolon iŋes erae akipuro kus, iŋes erae Akuj kus, ŋina etiya aŋuna kus ŋakiro ŋuna apolok ka etubulok ŋun ŋuna iŋolikis iyes a ŋakonyen kus.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Ŋikis. 4:13

Abu iŋes itolimok iyes acamunet keŋ ka iyes ŋina ikicik iyes akiwuap, acamunet ŋin iŋes ŋakiciketa ŋunatomon, ŋuna abu iŋes kigir namoru ŋunadapal ŋaarei.

Ŋikis. 9:19

Akuryana ayoŋ aŋuna ka aŋoit ke Ekapolon a ŋina enyunyurar iŋes ka eyakar apedor ŋinamunyaret iyes. Nai abu Ekapolon kiira adyekitoi kaŋ apaki ŋin daŋ.

Yos. 6:20

Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.