Awos. 33:3 - Ebaibul

³ Apesi kitipeiyosi nakwap ŋina elelyaata ŋakile ka ao. Nai nyikilosi ayoŋ ka iyes, acepaki apedori ayoŋ amunyar iyes alorot, anerae irae iyes ŋituŋa ŋulu egogoŋ ŋakyes.”

Awos. 33:3 Iomraidhean Croise

2 Ŋirw. 17:14

Nai apotu nyiirasi, towout icasito lopite ŋolopei ecasitotor atapapaa kec akiirar. Apotu atapapaa kec towout akinup ŋakiro ŋuna ke Ekapolon Akuj kec.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Awos. 13:5

Ani ikitodoli iyes Ekapolon nakwap a Ŋikanaani, a Ŋiitaiti, a Ŋiamori, a Ŋiipi ka a Ŋiyebusi, nakwap ŋina abu iŋes kikoŋ neni atapapaa kus ainakin iyes, nakwap ŋina elelyaata ŋakile ka ao emaikina iyes totamununuyete akitiya ŋasuban nu elap lo.

Awos. 23:21

Tomitakinito akiirar ŋakiro ŋuna irworo iŋes, nyiŋero iŋes, ani kiŋero, nyikisyoni iŋes iyes, anerae ayoŋ eyakuunit iŋes.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 32:14

Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Awos. 33:5

anerae aris Ekapolon ketema neni a Moses, “Tolimok Ŋisirael ebe, ‘Irae iyes ŋituŋa ŋulu egogoŋ ŋakyes; ani kerae orukorete ayoŋ ka iyes kidiama ama tari apaki ŋina euruwuana, kapedo ayoŋ amunyar iyes. Tolacasi tokona ŋinapito ŋulu isiritotor iyes, ido oanyu nai ayoŋ ŋuna etiyakini neni kus.’ ”

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Yer. 11:5

ikotere esiyookini ayoŋ akikoŋiet kaŋ ŋina abu ayoŋ ekoŋ neni atapapaa kus, abu ayoŋ ekoŋ ainakin ikes akwap ŋina elelyaata ŋakile ka ao, lopite ŋolo eyakar nakoloŋit na.” Abu nai ayoŋ oboŋok iŋes otema, “Okoe Ekapolon, kitiyakinosi ŋakiro lopite ŋolo ilumunio iyoŋ”

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Yona 3:4

Kisyaki Yona alosit keŋ, toloma lotaun, todau apaaran apei elosi. Kiserau tema, “Ŋirwa ŋatomoniomwon bon idoŋito kikamarae Ninepe!”

Ekim. 13:27

Tolimokis ikes Moses temasi, “Adoli isua nakwap ŋina ikiyakiyarit iyoŋ isua; eleleete ŋakile ka a ao anakwap a ŋin, ŋaraito keŋ ikes nu.

Ekim. 14:12

Amunyari ayoŋ ikes a edeke, nyeruworosi nabo ikes ŋituŋa kaŋ ka etolomuni ayoŋ aneni kon ŋituŋa ŋulu egogoŋ ka eyakaunotor epedor ŋina iloit ŋina kec.”

Ekim. 14:8

Ani kikijokak iwon aneni ke Ekapolon, ikiyai iŋes iwon nakwap ŋin ka ikiinakini iŋes iwon akwap ŋin ŋina eleleata ŋakile ka ao.

Ekim. 16:13

Itami iyoŋ atemar epataka ŋakiro ŋuna ikiyaunia iyoŋ isua alo Ijipit, anakwap a ŋina aleleata ŋakile ka ao aŋuna ka amunyar isua analoŋisat ka icamit tokona iyoŋ aruwor ekepukan kosi daŋ a?

Ekim. 16:21

“Totyakaros anatukot a na, ikotere omunya ayoŋ ikes daadaŋ alotooma apaki ŋina euruwuana.”

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’