Awos. 33:20 - Ebaibul

²⁰ Nai tema Ekapolon neni a Moses, “Nyeketaanyuwari ayoŋ iyoŋ ereet kaŋ, anerae mam ituŋanan ŋini ani keanyuuwa ereet kaŋ, torubak eyari.”

Awos. 33:20 Iomraidhean Croise

Akisy. 32:30

Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 24:9

Toloto nai Moses ka Aron, Nadab ka Abiu ta ŋikasikou a Ŋisirael ŋatomonikanikaarei kidiama emoru.

Awos. 3:6

Tema nabo Akuj, “Arae ayoŋ Akuj a papaa kon, Akuj ka Aburaam, Akuj a Isaka ka Akuj a Yakob.” Kiwua Moses ereet keŋ, anerae abu iŋes tokuryaniar akitere Akuj.

Awos. 33:18

Tema Moses, “Ekelipit ayoŋ iyoŋ, kitoodikinae ayoŋ akica kon.”

Awos. 33:23

olema nai ayoŋ akan kaŋ, kiŋolik iyoŋ akau kaŋ; nai ereet kaŋ, nyiŋolikini iyoŋ.”

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Ŋikis. 5:24

ido ipotu iyes temasi, “Kiŋolikisi, ikitoodik Ekapolon Akuj kus iyes akica ka apolou keŋ ka eirar isua etoil keŋ ŋolo abunit anarira. Nakoloŋit na eŋolikin isua atemar epedori Akuj akirwor neni a ituŋanan, ido erubakini ituŋanan ŋin eyari.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 1:13

Nai nyelimokina Akuj tari epei a ŋimalaikan atemar, “Kiboikin lowae ŋolo aloteten kaŋ akitodol ŋina ewuakinia ayoŋ ŋimoi kon kwap ŋakejen kon, toreu iyoŋ ikes.”

Ŋikat. 13:22

Tolimok nai Manoa aberu keŋ tema, “Kire jik, ikitwaki iwon, anerae eŋolikin iwon Akuj.”

Ŋikat. 6:22

Toyenu nai Gideon atemar kerae ŋol emalaika ŋolo ke Ekapolon, tosodi tema, “Kiŋarakinae ayoŋ, okoe Ekapolon Akuj! Adau ayoŋ akiŋolikin emalaika ŋolo ke Ekapolon ediyediye.”