Awos. 33:16 - Ebaibul

¹⁶ Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Awos. 33:16 Iomraidhean Croise

2 Sam. 7:23

Ata ŋae ŋituŋa ikwaan ka ŋituŋa kon, Ŋisirael? Eya mono ŋituŋa ŋice ikwaanatar ikes anakwapin a akwap ŋulu abu Akuj kec tolot alakun ikwapei ŋituŋa keŋ, ido toruunio ekiro keŋ a? Eya mono ŋituŋa ŋulu abu Akuj kitiya ŋuna ka aumokin neni kec anakiritanar ŋituŋa a ŋakwapin ka ŋakujo kec alokiŋaren kec a?

1 Ŋirw. 8:53

anerae iseta iyoŋ ikes a lotuŋa a daadaŋ a ŋulu a ŋakwapin, aruwor ŋituŋa kon a alope, ikwapei iikinitor iyoŋ ikes aneni a Moses a aketiyan kon, apaki ŋina iyaunia iyoŋ atapapaa kosi alo Ijipit.”

Ŋikiru. 147:20

Emam akwap ace etiyak iŋes ŋakiro ŋun, nyeyenete ŋakwapin ŋunace ŋikisila keŋ. Kipuroe Ekapolon!

Awos. 34:10

Tema nai Ekapolon, “Tokona, ewuakini ayoŋ Acamunet kaŋ ka iyes. Etiyae ayoŋ ŋakiro ŋuna ka aumokin itete ŋituŋa daadaŋ, ŋakiro ŋuna nyitiyakina ŋinapei koloŋ anakwap a daadaŋ neni a ŋakwapin a daadaŋ. Eanyuwarete ŋituŋa daadaŋ ŋulu iboiyete iyes aneni kec ŋuna itiyakini Ekapolon, anerae ŋuna eapi ayoŋ akitiyakin, erae ŋuna etubulok.

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Awos. 8:22

Nai akoloŋit ŋin, nyepete ŋicuc ŋul nakwap a Gosen, neni iboiyoto ŋituŋa kaŋ, ŋun nai ikitoodikinete iyoŋ atemar ayoŋ Ekapolon ayakar apedor anakwap.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Ekim. 14:14

ido elimokinete Ŋijipitian ŋituŋa ŋulu iboiyete anakwap a na ŋakiro ŋun. Adaut ikes Ekapolon akiirar atemar irukito iyoŋ ka ŋituŋa lu, anerae ikiteo iyoŋ Ekapolon ka ewoi adis kon alokidiama kec ka iŋarenikinit iyoŋ ikes elosete naparan a adis ka nakwaare a akim.

Ekim. 23:9

Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 4:7

Emam ŋituŋa ŋulu ka akwap ka adio ŋulu itopolooritae, ŋulu eyakatar akuj ŋina eapi aneni kec lopite ŋolo eapiya Ekapolon Akuj yok aneni yok apaki daadaŋ ŋina enyaraere iwon iŋes.