Awos. 33:14 - Ebaibul

¹⁴ Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Awos. 33:14 Iomraidhean Croise

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 95:11

Aŋun, ananyunyura kaŋ, abu ekoŋ otema, ‘Nyelomarete ikes jik nakwap ŋina amaikina ayoŋ esieŋunia ikes.’ ”

Awos. 13:21

Ani elosete Ŋisirael naparan, eŋarenikinit Ekapolon ikes esibit adis eyai kiŋaren kec itoodikinit ikes nenikitoro. Ani nakwaare, eŋarenikinit Ekapolon ikes esibit arira itoodikinit ikes nenikitoro, ikotere ikes epedorete alosit naparan ka nakwaare.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 31:2

Abu ayoŋ esyoni analoŋisat ŋulu apotu topuunos alokileŋ, apaki ŋina eitanitotor ŋituŋa a Isirael akieŋun,

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Dan. 12:13

Nai iyoŋ Daniel, torubak irae ŋolo ikinyoma tari nasalunet, tari kitwana daŋ, iyaruni iyoŋ ikotere iryamuni eropit kon akoloŋit ŋina esidyon.”

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Ŋikis. 25:19

Aŋun, ani kedau Ekapolon Akuj kus akisieŋun iyes alomoe kus a daadaŋ ka alowaetin kus a daadaŋ, anakwap a ŋina ebuni Ekapolon Akuj kus ainakin iyes aruwor ŋina kus, tomunyasi ŋituŋa daadaŋ ŋulu ka Amelek anakwap, nyetamun ikes nabo jik; nyikimuryak akitiya ŋun.

Ŋikis. 3:20

Ani isieŋuni Ekapolon ŋiyeneta kus ka toryamut ikes daŋ akwap ŋina eruwor ŋina kec ikwapei iyes, akwap ŋina einakini Ekapolon ikes alokekwaye Yorodan, epedori ŋinituŋanan kus aboŋun nakwap ŋina adau ayoŋ ainakin iyes.”

Ŋikis. 31:8

Ekapolon iŋes ikiŋarenikini iyoŋ. Eyakaun Ekapolon ka iyoŋ, nyikimyekini iŋes iyoŋ, kori nyikiŋeri iŋes iyoŋ. Nyikuryaniar, kori nyikibul.”

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 21:44

Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

Yos. 22:4

Aŋuna nai tokona, adaunia Ekapolon ŋolo erae Akuj kus akisieŋar ŋikaitotoi kus ejie lopite ŋolo eikinitor iŋes ikes, toboŋosi nai tokona nakwap kus ŋina abu Moses eketiyan a Ekapolon ikiinaki iyes alo Kide, alokekwaye Yorodan.

Yos. 23:1

Ekaku kelunyar apaki ŋina aoyan, kedau Ekapolon akisieŋun Ŋisirael alomoe kec alowaetin a akwap kec a daadaŋ, toris daŋ Yosua kemojoŋ nooi,