Awos. 33:12 - Ebaibul

¹² Tema Moses neni ke Ekapolon, “Ikilimonokini iyoŋ ayoŋ ŋinapei paaran ebe, ‘Torik ŋituŋa lu,’ nai nyiteyenikina iyoŋ ayoŋ ituŋanan ŋini iyakiyari iyoŋ orukosi ka ayoŋ; tobali bo iyoŋ, ‘Ayeni ayoŋ ekiro kon ka idau iyoŋ ajokyar aneni kaŋ.’

Awos. 33:12 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

2 Sam. 15:25

Tema nai erwosit neni a Sadok, “Todakasi Asaduku ŋina ka Acamunet, kinyakasi lotaun. Ani kakarimaki ayoŋ Ekapolon, ekenyakuni iŋes ayoŋ eŋolik Asaduku ŋina ka Acamunet ka akibois ŋina iwuakinitae iŋes.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Awos. 3:10

Ekeyakiyari ayoŋ iyoŋ tokona neni a Parao iyau ŋituŋa kaŋ, Ŋisirael anakwap a Ijipit.”

Awos. 3:4

Ani iŋolikin Ekapolon atemar alot Moses diyete nen akiŋolikin, tonyara Akuj iŋes alotooma amoni tema, “Moses, Moses!” Tema Moses, “Ayai.”

Awos. 32:34

Nai tokona, ape ya ŋituŋa nakibois ŋina akalimok ayoŋ iyoŋ; kiira ikiŋarenikini iyoŋ emalaika kaŋ. Kikote neni daŋ, akoloŋit ŋina esicania ayoŋ ŋituŋa ŋul, esicani ikes aŋuna ka asecit kec.”

Awos. 33:1

Tema Ekapolon neni a Moses, “Towotok anakibois a na, iyoŋ kaapei ka ŋituŋa ŋulu ibu iyoŋ kitipeunio anakwap a Ijipit, towoto nakwap ŋina abu ayoŋ ekoŋ ainakin Aburaam, Isaka ka Yakob abala, ‘Ainakini ayoŋ akwap ŋin neni a ŋiletok kus.’

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 45:3

akainakini ayoŋ iyoŋ ebari ŋolo iwuaitae anakiryonut ka ebari ŋolo iwuaitae anakiboisyo a ŋuna emam ituŋanan eyeni, ikotere iyoŋ iyenuni atemar ayoŋ Ekapolon, Akuj a Isirael iŋes ikinyar iyoŋ a ekiro kon.

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Agai 2:5

ikwapei abunio ayoŋ ekeikinia iyes apaki ŋina iponiata iyes alo Ijipit. Erubakinit Etau kaŋ eyai neni kus. Nyikuryaketa!’

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”