Awos. 32:6 - Ebaibul

⁶ Aŋun, apotu ŋituŋa tonyout taparacu sek akoloŋit ŋina atupakini ŋin, yaut ŋainakineta kec ŋuna apeyo ka ŋamuronisya ŋuna ke ekisil. Kiboikinos ŋituŋa nen kimuja ka tomata, ido tonyout tobolyata.

Awos. 32:6 Iomraidhean Croise

Awos. 32:5

Ani iŋolikini Aron ŋakiro ŋun, abu todukok Namuroet kiŋaren itaok ŋin, ido tolimok ŋituŋa ebe, “Emaikina iwon moi taparacu etiyata ŋasuban neni ke Ekapolon.”

Amos 2:8

eperete ikes alodiyete ŋamuroeta daadaŋ enapito ŋilowi ŋulu ijaunitae ituŋanan aŋuna a ŋamicae, ido emasete alo Kai ka Akuj kec epiini ŋolo itelemunio ituŋanan ŋini esecit.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

1 Ŋikor. 10:7

Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.”

Akis. 11:10

Elakarosi ŋituŋa a ŋakwapin aŋuna ka atwanare a ŋuluarei a ŋul. Imomworete ikes ka kiyakiyanakinos ŋainakineta, anerae apotu ŋikadwarak ŋul yaut ŋican lotuŋa.