Awos. 32:32 - Ebaibul

³² Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Awos. 32:32 Iomraidhean Croise

2 Sam. 18:33

Tobul erwosit nooi, tolot todoka kidiama nalapatu ŋina alo kidiama epuke, kigwor a nen; ani elosi iŋes, abu tema, “Okoe lokoku kaŋ Abusalom, lokoku kaŋ, lokoku kaŋ Abusalom. Nyo pa araakar ayoŋ atwani akilo iyoŋ; okoe Abusalom lokoku kaŋ, lokoku kaŋ!”

Ŋikiru. 139:16

Aris iyoŋ kikiŋolik ayoŋ eriŋa ayoŋ nyidouno. Aris kigiri lokitaabo ŋirwa daadaŋ ŋulu ekemarakinitae ayoŋ, eriŋa tari apei daŋ nyimarakina.

Ŋikiru. 56:8

Iyeni iyoŋ epite ŋolo ekelolikinitere ayoŋ; iyeni iyoŋ etyae ŋolo a ŋakiyo kaŋ, emam mono ikes alokitaabo kon a?

Ŋikiru. 69:28

Kikisa ikes alokitaabo a ŋolo ka akiyar, nyemaikina ikes igiritae kaapei ka ŋulu iyookino.

Awos. 32:10

Kimyekinae ayoŋ, ikotere etonomo ka omunya ikes a aŋoit a ŋina eyai lotau kaŋ. Nai eketuruwori ayoŋ iyoŋ ka ŋiletok kon ŋituŋa ŋulu alalak nooi.”

Isa. 4:3

Ituŋanan daadaŋ ŋini eesikinio alo Sion, ido torubak iboi alo Yerusalem daadaŋ ŋulu igiritae aneni a ŋulu iboiyete alo Yerusalem enyarao iŋes ŋini asegan,

Esek. 13:9

Esicani ayoŋ ŋikadwarak ŋulu iŋolyanakinete ŋuna ka alyokonu, ido edwarete amodiyo. Nyeruwor ikes ŋituŋa ŋulu ka atukot kaŋ, kori nyigiryo ŋirorwa kec neni igiritae Ŋisirael, kori nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon Akuj.

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Amos 7:2

Ŋina adaunia emaase ŋol akirikar ŋakwii a ŋikito ka ŋinya anakwap a ŋin, abu ayoŋ ekalou otema, “Okoe Ekapolon, ekelipit, kisyoni ŋituŋa kon. Alipite eyaryata ŋiletok a Yakob? Epalag ikes.”

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Ekim. 11:15

Ani kerae lo epite ŋolo ikitiŋitor iyoŋ ayoŋ, tolema akiyar kaŋ atipei, ani kajok ayoŋ alokiŋaren kon, nyikimyek ayoŋ eŋolik ŋican.”

Ekim. 11:25

Abu nai Ekapolon totiyaun eyai lodou kirwor neni a Moses, tolema etau keŋ edyo aneni a Moses inak neni a ŋikasikou a ŋulutomonikanikaarei, ani emini etau a Ekapolon neni kec, apotu ikes todwara. Nai nyedwara ikes nabo.

Ekim. 14:19

Kisyoni aronis a ŋituŋa a lu ikwapei analalau amina kon a ŋina nyiryaŋiryaŋa. Kisyoni ikes lopite ŋolo idaunia iyoŋ akisyonenen ikes ameun anakwap a Ijipit tari tokona.’ ”

Luk. 10:20

Nai nyilakarosi aŋuna ireuniata iyes ŋipyan, nai itemokino iyes tolakara aŋuna igiritere ŋikusirorwa nakuj.”

Luk. 23:34

Kirworik Yesu tema, “Papa kisyoni ikes, anerae nyeyenete ŋuna itiyaete.” Tokora ikes ŋikeelowi ka akilamilam ŋisigirya.

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

Ŋikis. 25:19

Aŋun, ani kedau Ekapolon Akuj kus akisieŋun iyes alomoe kus a daadaŋ ka alowaetin kus a daadaŋ, anakwap a ŋina ebuni Ekapolon Akuj kus ainakin iyes aruwor ŋina kus, tomunyasi ŋituŋa daadaŋ ŋulu ka Amelek anakwap, nyetamun ikes nabo jik; nyikimuryak akitiya ŋun.

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 9:14

Kimyekinae ayoŋ, ikotere amunyari ikes, etoŋopiya ekiro kec anakwap, ido eketuruwo iyoŋ papa a ŋituŋa a ŋulu agogoŋok ka alalak akilo ikes.”

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Akis. 17:8

Ayari koloŋ etyaŋ ŋol, nai tokona nyeriŋa eyari; eapi iŋes alomun anakipany a ŋina aoyan a ŋina nyesalunit alokwap, tolot nai toarae. Eumokinete ŋituŋa ŋulu koloŋ pa keponi kigirae ŋirorwa kec lokitaabo ŋolo ka akiyar ameun anasubunet akwap, apaki ŋina iŋolikiniata etyaŋ. Anerae ayari koloŋ, tokona nyeriŋa eyari, nai etakanuni nabo.

Akis. 21:27

Nai emam ibore ŋini aronon elomari neni keŋ, emam tari idiotuŋanan ŋini itiyae ŋuna a ŋileec ka ŋuna ka alyokonu. Ŋituŋa ŋulu igiritae lokitaabo ŋolo ka akiyar ŋolo a Imesek, ikes bon elomarete tooma etaun ŋol.

Akis. 22:19

ani kelema ituŋanan ŋakiro ŋace anakiro a ŋuna edwaritae alokitaabo a lo, elemari Akuj aneni keŋ arait ŋina etemokino iŋes toryamu alokitoe a ŋolo ka akiyar ka nyelomari iŋes lotaun ŋolo apolon ŋolo ka Akuj.

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.