Awos. 32:30 - Ebaibul

³⁰ Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Awos. 32:30 Iomraidhean Croise

2 Sam. 12:9

Kaanukiro ijamuwarya iyoŋ akirot ke Ekapolon aŋuna itiyaa ŋuna aronok alokiŋaren Ekapolon? Ibu iyoŋ toar Uria Eititait a akileŋ, ido iya aberu keŋ kituruwo ŋina kon.

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Ŋirw. 17:21

Apaki ŋina atyakarya Ekapolon Isirael alo Yudaya, apotu Ŋisirael kituruwosi Yeroboam lokoku a Nebat erwosit kec. Abu Yeroboam kibata Ŋisirael anakiwuapit Ekapolon, tosodi kitesec ikes asecit ŋina apolon nooi.

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 32:29

Tema nai Moses neni kec, “Ikitaleun iyes nakoloŋit na aŋuna ka akitiyanakin Ekapolon, anerae ipotu iyes nyiminakis ŋidwe kus ŋulusapa ka ŋikaitotoi kus. Aŋun, adau Ekapolon akiterereŋ iyes nakoloŋit na.”

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Yona 3:9

Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

Ekim. 16:47

Aŋun, abu Aron kitiya ikwapei alimokinitor Moses iŋes, toŋed atipei kidiŋ atukot neni aris edeke kisyakinia akiar ŋituŋa. Abu iŋes kiwuak ekinyate nisipirya, tomooku ŋituŋa.

Ekim. 25:13

Eruwor aneni keŋ ka aneni a ŋiletok keŋ acamunet ŋin ŋina ka asacaradotonu ŋinaruba, anerae ainakina iŋes aŋuna ka Akuj keŋ, ido amooku iŋes Ŋisirael anasecit.’ ”

Luk. 15:18

Anyouni ayoŋ oboŋo neni a papa kaŋ, olimok iŋes otema, “Papa, asec ayoŋ alokiŋaren Akuj ka alokiŋaren kon;

Luk. 7:47

Aŋun, akalimokini ayoŋ iyoŋ atemar, esyoni ŋasecisya keŋ ŋuna alalak, anerae etoodiu iŋes amina keŋ ŋina epol nooi, nai iŋes ŋini isyoniyo iwadio, edit amina keŋ.”

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Sam. 12:17

Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 12:19

Temasi ŋituŋa daadaŋ neni a Samuel, “Kilip neni ke Ekapolon Akuj kon aŋuna kosi a ŋiketiyak kon, ikotere nyikitwaka, anerae eyatakin isua nasecisya kosi daadaŋ asecit ŋina ikicamitor erwosit ŋolo ikipukae isua.”

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 2:17

Abu asecit a ŋidwe ke Eli ŋin toroniar nooi aneni ke Ekapolon, anerae pa akerito ikes ŋainakineta ŋuna ayaununuyo neni ke Ekapolon.