Awos. 32:29 - Ebaibul

²⁹ Tema nai Moses neni kec, “Ikitaleun iyes nakoloŋit na aŋuna ka akitiyanakin Ekapolon, anerae ipotu iyes nyiminakis ŋidwe kus ŋulusapa ka ŋikaitotoi kus. Aŋun, adau Ekapolon akiterereŋ iyes nakoloŋit na.”

Awos. 32:29 Iomraidhean Croise

2 Ŋakiro a ŋirwa 35:3

Tolimok ŋilepi ŋulu etatamete Ŋisirael daadaŋ ka ŋulu aris kitaleun neni ke Ekapolon ebe, “Kiwuakisi Asaduku ŋina asegan ŋina ka Acamunet Kai ka Akuj ŋina abu Solomon lokoku a Daudi ŋolo arae erwosit toduk; nyemaikina iyes torubakis iryoŋito iŋes. Kitiyanakisi tokona Ekapolon Akuj kus ka ŋituŋa keŋ Ŋisirael.

Awos. 32:28

Apotu ŋilepi kitiyata ikwapei alimokinitor Moses ikes, ido aponi toarae akoloŋit ŋin ŋituŋa ŋulu aapiyarit ekimar ŋalipyo ŋauni.

Awos. 32:30

Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Sakar 13:3

Ani ketakanu nabo ekadwaran ece, etemarete atapapa kec ka atatoto kec neni kec ebe, ‘Emainina iyoŋ totwan, anerae ikilimokini iyoŋ isua alyokonu alokiro ke Ekapolon.’ Ani kedwar iŋes icumete ŋikauruunak keŋ iŋes toara.

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;