Awos. 32:2 - Ebaibul

² Tema Aron neni kec, “Tolemutu ŋiboro daadaŋ, ŋulu itiyaunitae ke egolid, ŋulu enapito ŋaberu kus, ŋidwe kus ŋulusapa ka ŋulupesur anaki, iyaut neni kaŋ.”

Awos. 32:2 Iomraidhean Croise

Akisy. 24:22

Ani kedaut ŋikaala akimat, tolemu eketiyan ka Aburaam ŋol ekaboboot ŋolo a ekume ŋolo etiyaunitae a egolid, arae apotis keŋ atutubet ŋina a ecekel, tolemu daŋ ŋasuwa ŋaarei ŋuna a ŋakan, arae apotis kec ŋicekelya ŋitomon, etiyaunitae a egolid, inak apese ŋin.

Akisy. 24:47

Ekaku, abu ayoŋ eŋit iŋes otema, ‘Irae iyoŋ nakoku a ŋae?’ Toboŋok iŋes tema, ‘Arae ayoŋ nakoku a Besuel a ŋolo erae lokoku a Naor, nakoku ka aberu a Besuel a ŋina enyaritae Milika.’ Aŋun, abu ayoŋ oenik ekaboboot lokume keŋ ka ŋasuwa a ŋakan nakan keŋ.

Awos. 20:23

Nyitiyaut aŋuna kus ŋakujo kilipete neni kec, ido kilipete neni kaŋ daŋ, nyemaikina iyes kitiyaut aŋuna kus ŋakujo tari alosilipa, kori alogolid.

Awos. 32:3

Aŋun, apotu ŋituŋa daadaŋ tocunut ŋiboro ŋulu etiyaunitae ke egolid ŋulu anapito anaki, yaut neni ka Aron.

Awos. 35:22

Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon.

Ŋakit. 25:12

Ani kikilimok ituŋanan ŋini aoson ŋakiro, ido kiira kiwuap, ejok nen nooi, ikoni neni ejokya inapit anakit ibore ŋini itiyaunitae a egolid.

Isa. 3:19

ŋinapen ŋulu a ŋaki, a ŋakan ka ŋikitambarae ŋulu a ŋidokolei,

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Esek. 16:17

Ibu daŋ iyoŋ tolacu ŋiboro ŋulu a egolid ka esilipa ŋulu sek isibusitor iyoŋ akuwan kon, ŋulu sek abu ayoŋ okoinak iyoŋ, ido ibu iyoŋ kitiyau ŋakujo kon aloboro a ŋul ka ibu iyoŋ tomalaan anakujo a ŋun.

Osea 2:8

Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.