Awos. 32:19 - Ebaibul

¹⁹ Adolun Moses diyete alomari bon, kiŋolik etorube a itaok ewoi ka kiŋolik ŋituŋa idoŋaete, toŋo Moses nooi, tonomosi ŋun iŋes etau, kimasa ŋamoru ŋunadapal ŋun, tobwaŋak nakeju a emoru.

Awos. 32:19 Iomraidhean Croise

2 Sam. 6:14

Kidoŋa Daudi itopoloorit Ekapolon ka agogoŋu keŋ a daadaŋ enapit anacir elou ŋolo amilimilan.

Ŋikiru. 119:53

Ani eŋolikini ayoŋ ŋulu aronok ŋulu eŋerito ŋikisila kon, aŋoyenene ayoŋ nooi.

Awos. 15:20

Tolemu nai nakaato ka Aron ŋina arae akadwaran, ŋina anyaritae Miriam ebur, kiwuapakis ŋaberu daadaŋ iŋes etiŋito ŋiburin kidoŋaete.

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 32:18

Nai tema Moses, “Nyerae ŋol ecelet a ŋituŋa a ŋulu adaut akiloun ŋimoe kec, kori ŋolo a ŋituŋa a ŋulu adaun akiloun; apupi ayoŋ ecelet ŋol erae ŋolo ka abolya.”

Awos. 34:1

Tema Ekapolon neni a Moses, “Kicieu ŋamoru ŋunadapal ŋaarei, ŋuna ikote ŋunakuar a ekiŋaren, ido egiri ayoŋ nen ŋakiro ŋunakuar egirir namoru ŋunadapal ŋuna a ekiŋaren, ŋuna ibu iyoŋ tobwaŋ.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Aum. 5:15

Adaun alelyanu alotai kosi; edoŋao paaran isua aŋuna ka alelyanu, nai tokona ikigworo aŋuna ka akiyaloloŋ.

Sakar 11:14

Ekaku, abu ayoŋ obil ebela ŋolo a ŋiarei ŋolo anyaritae “Akimorikina”, ido abu akimorikina a Yudaya ka Isirael tomunaar.

Ekim. 12:3

Arae Moses ituŋanan ŋini etiditeuna bon nooi akilo ŋituŋa daadaŋ anakwap.

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mar. 10:14

Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

1 Ŋikor. 10:7

Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.”

Ŋiep. 4:26

Ani kiŋoa iyes, nyicamut aŋoit kus ikiteseci iyes ka kisila eriŋa akoloŋ nyedoiyoro;

Ŋikis. 10:2

Egirakini ayoŋ namoru ŋun ŋakiro ŋunapei sek ayakasi namoru ŋunadapal ŋuna a ekiŋaren, ŋuna ibu iyoŋ tobwaŋabwaŋa, ido emaikina iyoŋ kiwuak ikes nasaduku.”

Ŋikis. 27:26

“‘Ilamam ituŋanan daadaŋ ŋini nyitopoloorit ŋakiro ŋuna a ŋikisila a lu aŋuna nyiwuapitor ikes.’ “Eboŋokinete ŋituŋa daadaŋ temasi, ‘Kiyookin ŋun.’ ”