Awos. 32:15 - Ebaibul

¹⁵ Abu nai Moses toboŋu, totiyaun alomoru edakit ŋamoru ŋunaarei ŋunadapal ŋuna ka Acamunet. Egiritae ŋiwaetin daadaŋ a ŋamoru a ŋun, iŋes atemar kiŋaren ka kaku.

Awos. 32:15 Iomraidhean Croise

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Awos. 16:34

Abu nai Aron kitiya lopite ŋolopei alimokinitor Moses iŋes, tosipok amot ŋina ayai Manna kiŋaren Asaduku ŋina a Acamunet, ikotere kidarae a nen.

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 24:18

Toloma nai Moses tooma lodou apaki ŋina adokarya kidiama emoru. Kiboi Moses alomoru ŋapaarasya ŋatomoniomwon ka ŋakuwarisya ŋatomoniomwon.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 32:16

Arae Akuj etiyat ŋamoru ŋun edapal ka arae Akuj egirit ŋakiro namoru ŋun, icieanakinit.

Awos. 34:29

Ani etiyaun Moses alomoru Sinai edakit ŋamoru ŋuna ka Acamunet ŋunadapal ŋunaarei, pa ayeni iŋes atemar ecai ereet keŋ aŋuna sek kebunio iŋes kirworikinos ke Ekapolon.

Awos. 40:20

Tolemu Moses ŋamoru ŋunadapal ŋunaarei; kiwuak tooma Asaduku ŋina ka Acamunet. Kirepak ŋipirin neni aorori asibit ŋikabobooe a Nasaduku, ido torapak akibois ŋina a akisyonio kidiama Asaduku ŋina ka Acamunet.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

Ŋikis. 5:22

Abu Ekapolon tolimu ŋakiro ŋun ke etoil a ŋolo apolon neni ka atukot kus a daadaŋ alomoru; abunit etoil ŋol anarira, alodou ka anakiryonut a ŋinakiryonon cuc, ido abu nyiatak ŋakiro ŋace. Abu iŋes kigir ŋakiro ŋun namoru ŋunadapal ŋaarei, ido okoinak ayoŋ.

Ŋikis. 9:15

Aŋun, abu ayoŋ otiyaun alomoru ka anoki akim alomoru apaki ŋin; atiŋit ayoŋ anakan kaŋ ŋamoru ŋunaarei ŋunadapal ŋuna egiritae Acamunet.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Akis. 5:1

Abu ayoŋ eŋolik ekitaabo anakan a ŋina aloteten a ŋolo eboi alokicoloŋ; egiritae ekitaabo ŋol ŋiwaetin daadaŋ ka epucitae a ŋakipuceta a ŋakanikaarei.