Awos. 32:14 - Ebaibul

¹⁴ Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Awos. 32:14 Iomraidhean Croise

Akisy. 6:6

Aŋun, kitilil Ekapolon neni koloŋ kesubunia iŋes ituŋanan, toŋo nooi, tonomosi ŋakiro ŋun iŋes.

2 Sam. 24:16

Ani edikino emalaika emunyari ŋituŋa ŋulu alo Yerusalem, abu Ekapolon kilocok ŋatameta keŋ, ido abu tema neni a emalaika a ŋolo aari ŋituŋa a ŋol, “Etemokin! Kisieŋu akan kon.” Apaki ŋin, ayai emalaika a Ekapolon ŋol nalos ŋina ka Arauna a Eyebusit.

1 Ŋakiro a ŋirwa 21:15

Abu Akuj kiyakiya emalaika amunyar ŋituŋa a Yerusalem. Nai ani edikino emalaika itiyae ŋun, abu Ekapolon kiŋolik ŋun, ido abu kilocok ŋatameta keŋ, tosodi tema neni ke emalaika a ŋolo aari ŋituŋa, “Etemokin! Kisieŋu akan kon.” Apaki ŋin, awoi emalaika a Ekapolon ŋol analos a ŋina ka Orenan a Eyebusit.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 106:45

aŋuna kec, abu Akuj totamu acamunet keŋ, ido anamina keŋ a ŋina apolon, a ŋina nyiryaŋiryaŋa, abu Akuj kisyoni ikes.

Awos. 33:13

Ani kajok ayoŋ aneni kon, kitatamae ayoŋ ŋuna icamit iyoŋ, ikotere akayenuni ayoŋ iyoŋ, ido orubak ajok aneni kon. Totamunite atemar erae ŋituŋa lu ŋulu kon.”

Yer. 18:8

ani kimyekis ŋituŋa a akwap a ŋin akitiya aronis, ekaku kalimok ayoŋ ikes akimyekin, emyekini ayoŋ akisican ikes nyedolokis ikes ŋican ŋulu sek atubunit ayoŋ atemar toryamut ikes.

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Amos 7:3

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun.”

Amos 7:6

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun daŋ.”

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Ekim. 14:20

Toboŋok Ekapolon tema, “Adau ayoŋ akisyon ikes ikwapei iŋitar iyoŋ.

Ŋikis. 10:10

Abu nabo ayoŋ eboi alokidiama emoru ŋapaarasya ŋatomoniomwon ka ŋakuwarisya ŋatomoniomwon, lopite ŋolo etiyatar apaki ŋina esyaunan, tosodi abu nabo Ekapolon kiira ŋakiro kaŋ; kimyek amunyar iyes.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

Ŋikat. 2:18

Apaki daadaŋ ŋina eseunia Ekapolon ŋikatubok ŋakiro aŋuna kec, arukito Ekapolon ka ekatubon ŋakiro apaki ŋin ka abu Ekapolon toiu ikes alomoe kec ŋirwa daadaŋ ŋulu eyarya ekatubon ŋakiro ŋol, anerae esyoniyenene Ekapolon ikes anaumen kec aŋuna a ŋimoe a ŋulu aarete ka esicanito ikes.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.