Awos. 32:11 - Ebaibul

¹¹ Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 32:11 Iomraidhean Croise

Akisy. 18:27

Tema nabo Aburaam, “Kisyoni ca Ekapolon ayoŋ aŋuna arubakinitor erworo neni kon, orae bo ayoŋ ituŋanan koŋin.

1 Ŋirw. 8:51

(anerae erae ikes ŋituŋa kon a elope, ŋulu idau iyoŋ ayaun alo Ijipit, anakwap a ŋina atiŋitere ikes ka aryenyeo.)

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Awos. 32:7

Tema nai Ekapolon neni a Moses, “Kionyak atipei totiyaar kwap! Adaut ŋituŋa kon ŋulu ibu iyoŋ kitipeunio anakwap a Ijipit akisec ka akiŋer ayoŋ.

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Isa. 63:17

Kaanukiro, okoe Ekapolon ikiinakinia iyoŋ isua aoliyor anakiwuapit iyoŋ, itogogoŋio iyoŋ ŋitai kosi, ido nyeriŋa isua ikitopoloorit iyoŋ? Toboŋu Ekapolon aŋuna a ŋiketiyak kon ka aŋuna a ŋikabilae a ŋulu erae ŋulu kon.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Dan. 9:15

“Nai tokona okoe Ekapolon Akuj kosi, ŋina ibu iyau ŋituŋa kon anakwap a Ijipit a apedor kon a ŋina etiron ka kituruwo ekiro kon ŋolo eyenen alotuŋa tari nakoloŋit na. Ikisec isua ka etiyae isua ŋuna aronok.

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Ekim. 11:11

Aŋun, abu Moses kiŋit Ekapolon tema, “Kaanukiro itiyaa iyoŋ neni a eketiyan kon erono nooi ikona? Kaanukiro pa aryamunitor ayoŋ alakara aloŋaren kon? Kaanukiro ikiinakinia iyoŋ ayoŋ akidaŋidaŋ ŋakiro daadaŋ aŋuna a ŋituŋa a lu?

Ekim. 14:13

Nai toboŋok Moses Ekapolon tema, “Ani kitiya iyoŋ ŋun Ekapolon, iirarete Ŋijipitian, anerae ka apedor kon, ibu iyoŋ yau ŋituŋa lu anakwap a Ijipit,

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 21:7

Apotu ŋituŋa potu neni a Moses a nen temasi, “Ikisec isua aŋuna erworore ŋuna aronok neni ke Ekapolon ka neni kon; kilip kareca neni ke Ekapolon tolema ŋimuno lu aneni kosi.” Aŋun, abu Moses kilip neni ke Ekapolon aŋuna a ŋituŋa.

Ekim. 27:4

Kaanukiro nai elemarere ekiro a papa kosi anateker keŋ aŋuna pa auruunitor iŋes ŋidwe ŋulusapa? Inakinae isua akwap ŋina eruwor ŋina kosi lopite ŋolo aryamuniata ŋiyeneta a papa kosi.”

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.