Awos. 31:3 - Ebaibul

³ Adau ayoŋ akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore,

Awos. 31:3 Iomraidhean Croise

1 Ŋirw. 3:9

Aŋun inakinae ayoŋ eketiyan kon ŋatameta ŋuna eyenete ŋakiro ŋuna ka akipuka ŋituŋa kon, ikotere oyenunia ŋuna ajokak ka ŋuna aronok; anerae ŋae epedori akipuka ŋituŋa kon lu ŋulu alalak?”

1 Ŋirw. 7:13

Tonyarau Solomon Iram alo Tiro, ido kijau iŋes.

1 Ŋirw. 7:14

Arae Iram lokoku ka apuserut a ŋina alokabila a Naputali, arae sek papa keŋ ŋolo alo Tiro, arae iŋes eketiyan ŋiboro a ŋasuwa a ŋuna a eburonis. Ayeni Iram nooi epite ŋolokitiyaet ka aos, ayeni akitiya ŋiboro a ŋasuwa a ŋuna a eburonis. Abu Iram bu neni a Solomon kitiya etic ŋolo amaikina iŋes kitiya daadaŋ.

2 Ŋakiro a ŋirwa 2:7

Aŋun, kiyakikinae ayoŋ ekile ŋolo eyeni nooi akitiya ŋiboro a egolid, a esilipa, a eburonis, a ŋasuwa ka a ŋiraŋgi a lu: A ŋolo kipurat-areŋan, a ŋolo areŋan puu ka a ŋausi a ŋunapusiyek. Ekile ŋolo itatamitae akicienakin ŋitorubei loboro, ikotere iŋes kitiyata kaapei ka ŋituŋa kaŋ ŋulu eya Yudaya ka Yerusalem, ŋulu abu papa kaŋ Daudi okoinak ayoŋ, ŋulu eyenete nooi akiciere ŋiboro.

Awos. 28:3

Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ.

Awos. 31:4

aramun ejok etorube a ŋinibore, akitiyaun ejok ŋinibore a egolid, a esilipa ka a eburonis,

Awos. 35:31

Adau Ekapolon akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore,

Awos. 35:35

Elelebik neni kec apiiryanut ŋinakitiyaet ŋiticisyo daadaŋ ŋulu egelegelya, ikwapei akiciere ŋiboro, akiram ŋitorubei, akisibus ŋinapito a ŋiraŋgi a lu: A ŋolopus, a ŋolo kipurat-areŋan areŋan ka ŋolo areŋan ta ŋolo amilimilan. Ainaki ikes apiiryanut ŋina edonyioto ŋilowi, ido aruwor ikes daadaŋ ŋulu eyenete nooi akiciere ŋiboro ka akiram ŋitorubei.”

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Isa. 28:26

Itiyaete ikes ŋun, anerae itatamitae ikes ejok; itatami Akuj kec ikes.

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.