Awos. 31:13 - Ebaibul

¹³ “Kirwor iyoŋ elope neni a Ŋisirael tema, ‘Emaikina iyes totamunito akoloŋit ŋina a Sabato, anerae erae Sabato akoloŋit ŋina itoodiunit acamuna kaŋ ka iyes ananyameta kus a daadaŋ, akoloŋit ŋina abu ayoŋ okoinak iyes, ikotere iyenunete atemar ayoŋ Ekapolon abu eketuruwo iyes ŋituŋa kaŋ ke elope.

Awos. 31:13 Iomraidhean Croise

Neem. 9:14

ibu kiteyenik ikes Sabato kon ŋina asegan, ido iinak ikes ŋakiciketa, ŋakiro ŋuna etubunitoe ka ŋikisila aneni a eketiyan kon Moses.

Awos. 31:12

Tema Ekapolon neni a Moses,

Awos. 31:17

Erae akoloŋit ŋin ŋina itoodikinit Ŋisirael kaapei ka ayoŋ atemar, abu Ekapolon tosub nakuj ka akwap, ido abu kieŋu akoloŋit ŋina a ŋakanikaarei nyitiya etic edio.’ ”

Isa. 56:2

Erereŋ ituŋanan ŋini itiyae nu, ŋini iricakini nu a ŋinapaki: Ŋini itopoloorit akoloŋit ŋina a Sabato, ŋini nyiyanyi akoloŋit ŋin ka ŋini nyitiyae aronis adio akoloŋit ŋin.”

Yer. 17:22

Nyiwoko idiobore anakais kus akoloŋit ŋina a Sabato, kori kitiyata etic edyo, nai kitopoloosi akoloŋit ŋina a Sabato erae akoloŋit ŋina asegan, kitopoloosi lopite ŋolo ecikitor ayoŋ atapapaa kus.

Esek. 20:12

Abu daŋ ayoŋ oinak ikes akoloŋit ŋina a Sabato ikwapei akoloŋit ŋina itoodiunit acamuna kaŋ ka ikes, ikotere eyenete atemar arae ayoŋ Ekapolon ŋolo abu eturuwo ikes ŋituŋa ŋulu asegak.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Esek. 37:28

Eyenunete nai ŋituŋa a ŋakwapin atemar ayoŋ Ekapolon etaleu Ŋisirael, eyenunete ikes ŋun apaki ŋina ewuakinia ayoŋ akibois kaŋ ŋina asegan neni a Ŋisirael ŋikaru ka ŋikaru.’ ”

Esek. 44:24

Ani keyakaun ebura edio, ŋisacaradotin ikes emaikina totubo ŋakiro a ebura a ŋol, emaikina ikes totubo ŋakiro iwuapito ŋuna adau ayoŋ atubun. Emaikina ikes kirica ŋikisila kaŋ ka ŋakiro ŋuna atubu ayoŋ kitiyata ikes anasuban a daadaŋ a ŋuna ainak ayoŋ ikes akitiyaenen. Emaikina ikes torubakis etamunito akituruworit akoloŋit kaŋ ŋina a Sabato ŋina asegan.

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Ŋilep. 19:30

Totamunito Sabato kaŋ, ido kitopoloorito akibois kaŋ ŋina asegan. Arae ayoŋ Ekapolon.

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 23:3

“‘Kitiyata etic ŋirwa ŋikanikapei bon, nai akoloŋit ŋina a ŋakanikaarei erae ŋina a Sabato ŋina ka akieŋun. Erae akoloŋit ŋina asegan ŋina icunakinotor iyes iwapei kilipa. Nyemaikina iyes kitiyata etic edio aneni daadaŋ iboiyoto iyes. Erae akoloŋit ŋin Sabato ŋina ke Ekapolon.

Ŋilep. 25:2

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, emaikina iyes totamunito ekaru ŋolo a ŋikanikaarei aŋuna ke Ekapolon.

Ŋilep. 26:2

Totamunito akoloŋit kaŋ ŋina a Sabato, ido kitopoloorito akibois kaŋ ŋina asegan. Arae ayoŋ Ekapolon.

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Mat. 23:17

Iyes ŋibaŋaanotin ŋulu imudukaka! Nyo epol, egolid kori Akai ka Akuj ŋina iteseguni egolid?

Yoa. 17:17

Kituruwo ikes ŋulu etyakunitae nakirot ŋina a kire; akirot kon iŋes erae ŋina a kire.

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Ŋikis. 5:12

“Totamunito akoloŋit ŋina a Sabato, ido kituruworito iŋes ŋina asegan lopite ŋolo ikicikitor Ekapolon Akuj kus iyes.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo: