Awos. 30:24 - Ebaibul

²⁴ Tolemu ikitoe ŋini itukukunyi akimuj ŋini enyaritae Kasia. Tolemu ŋin erae apotis ŋakiloi ŋakanikapei; ipimim lotyae ŋolo epimere ainakinet ŋina aayeneneo tooma Eema ŋolo iryamununoi. Tolemu nabo ŋilitae ŋiomwon ŋulu ka akimyet a ŋina ka olipa.

Awos. 30:24 Iomraidhean Croise

Ŋikiru. 45:8

Eyai lokaasoi kon daadaŋ eure ŋolo akukunyon, eure ŋolo a eminae a ŋolo akukunyon ka ŋolo ka akimyet a ŋina akukunyon ta ŋolo a ekitoe a ŋolo enyaritae Kasia. Ilakara iyoŋ aŋuna a ŋieosyo a ŋulu eeoi eramyo ŋiboro ŋulu a ŋiunoi anakais ka apukan a ŋuna isibusitae a ŋikyal a ŋitome.

Awos. 29:40

Ani iyai ikale ŋini ke ekiŋaren, tolemu ŋakirya a ŋaganoi ŋuna ajokak akilo apei, tolemu akimyet ŋina ajokan ŋina ka olipa elita, tolemu epiini ŋolo ajokan elita; ikwapei ainakinet ŋina ka akimuj a ŋina emasyo.

Awos. 30:23

“Tolemu ŋikito lu: Eminae ŋolo akukunyon ŋolo elemyo anakwii a ŋikito. Tolemu ŋol eliit erae apotis ŋakiloi ŋakanikapei. Tolemu ekitoe ŋolo akukunyon ŋolo enyaritae Sinamo erae apotis keŋ ŋakiloi ŋauni. Tolemu ŋakasirim ŋuna akukunyok erae apotis kec ŋakiloi ŋauni.

Awos. 30:25

Kinyalak ŋiboro ŋul daadaŋ, kitiyau akimyet ŋina ke etal, ŋina iosanakinio ŋituŋa, ŋina ikwaan ka ŋina inyalunit eketiyan ŋamyeta ejok. Eruwor akimyet ŋin ŋina ke etal.

Esek. 45:12

Emaikina ŋiboorei ŋulu ipimeta iyes apotis erae ikes lu: Ŋigeras ŋatomoniarei, erae ecekel epei, Ŋicekelia ŋatomonikanikapei, erae Emina epei.”

Ŋilep. 19:36

Kisitiyata ŋakipimeta ŋuna iyookino, ŋakipimeta ŋuna ka apotis, ŋakipimeta a ibore a ŋini eliit. Arae ayoŋ Ekapolon Akuj kus, ŋina abu akoyau iyes alo Ijipit.

Ekim. 15:5

Nabo daŋ emaikina iyes inakis Ekapolon elita epei ŋolo ke epiini, erae ainakinet ŋina emasyo, yaunae kaapei ka ainakinet ŋina epeyo, kori kaapei ka amuronot aŋuna a ŋinimesek.

Ekim. 3:47

emaikina iyoŋ kijau aŋuna a ŋinikoku ŋicekelya ŋikan, ipimitae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan.