Awos. 30:20 - Ebaibul

²⁰ Emaikina ikes kitiyata ŋun apaki ŋina elomaryata tooma Eema ŋolo iryamununoi, kori apaki ŋina eapuuniata ikes Namuroet akitiya nen, akicuny ainakinet aŋuna ke Ekapolon. Emaikina ikes kisitiyata ŋakipi ŋun akilotarya ŋakan ka ŋakejen kec, ikotere ikes nyetwaka.

Awos. 30:20 Iomraidhean Croise

1 Ŋakiro a ŋirwa 13:10

Toŋo Ekapolon nooi aŋuna a Usa, toar Ekapolon Usa aŋuna abunio totapya Asaduku ŋina ka Acamunet. Totwanik iŋes nen kiŋaren Akuj.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Awos. 12:15

Tonyama ŋamugati kus ŋirwa ŋikanikaarei emam ŋakinyalet; akoloŋit ŋina esyaunan alorwa a ŋul, emaikina iyes tolemasi ŋakinyalet anakais kus, anerae ituŋanan daadaŋ ŋini enyami ibore ŋini eya ŋakinyalet akisyakin akoloŋit ŋina esyaunan tari ŋina a ŋakanikaarei, emaikina iŋes nyimari erae Esiraelit.

Awos. 30:19

Tolimok Aron ka ŋidwe keŋ ŋulusapa kilosete ŋakan ka ŋakejen kec a ŋakipi a ŋun.

Awos. 30:21

Emaikina ikes kilotasi ŋakan ka ŋakejen kec, ikotere nyetwaka. Emaikina ŋun toruwor etal aneni ka Aron ka ŋiletok keŋ ananyameta kec a daadaŋ.”

Awos. 40:31

ido apotu Moses ka Aron ta ŋidwe ka Aron ŋulusapa kisitiyata ŋakipi ŋun akilotarya ŋakan ka ŋakejen kec.

Ŋilep. 16:4

Emaikina iŋes tonap esati, tonap alotooma esati ŋilowi ŋice ŋulu amilimilak; toenik arokoba ŋina amilimilan nacir keŋ, ido nai tonap akopiya ŋina amilimilan. Erae ŋinapen ŋul ŋulu asegak. Emaikina iŋes kiloŋar, ido nai tonap ŋinapen ŋul.

Ŋilep. 8:6

Yau nai Moses Aron ka ŋidwe keŋ ŋulusapa kiŋaren, ido kiloŋa ikes a ŋakipi.

Ŋitic. 5:10

Atipei, topokor Sapira alokiŋaren Petero, totwan alodiyete ŋakejen keŋ. Ani elomunete ŋisorok toryamut iŋes ketwana, yaasi kiŋa, tonuka diyete ekile keŋ.

Ŋitic. 5:5

Ani iirari Anania ŋakiro ŋun, topokor, totwan. Tobul ŋituŋa daadaŋ ŋulu eirarete ŋakiro ŋun.

1 Sam. 6:19

Abu Ekapolon kisican ŋikilyok a Bes-Semes ŋice, toar ŋatomonikanikaarei aŋuna keponiata ikes toripiyasi tooma Asaduku ŋina ke Ekapolon, aya lokimar ŋol ŋikapolok ŋatomonikan, kigworo ŋituŋa aŋuna abunio Ekapolon tomunyarya ŋituŋa ŋulu alalak nooi.