Awos. 30:15 - Ebaibul

¹⁵ Nyemaikina ŋikabarak tolemut ŋulu alalak akilo atutubet apei ŋina ke ecekel ka nyemaikina ŋikulyak tolemut ŋulu ekudyoko akilo atutubet ŋina ke ecekel, apaki ŋina iyauniata iyes neni ke Ekapolon ŋainakineta ŋuna elakunere akiyar kus anasecit.

Awos. 30:15 Iomraidhean Croise

2 Sam. 21:3

Kiŋit Daudi Ŋigibeoni tema, “Anukiro emaikina ayoŋ etiya aŋuna kus? Alipite alemarya ayoŋ asecit, ikotere iyes igatakinete ŋarereŋisyo neni a ŋituŋa a ŋulu erae ŋituŋa a Ekapolon?”

Yob 34:19

Ŋini nyeriito ka ŋikepukak, kori nyemina ŋikabarak akilo ŋikulyakanotin, anerae erae ikes daadaŋ ŋisubuna keŋ a?

Awos. 30:12

“Ani imari iyoŋ Ŋisirael, emaikina ŋinituŋanan inak ainakinet neni ke Ekapolon aŋuna ka alakunia akiyar keŋ. Emam ŋican iryamasi ka ikes kidau iyoŋ akimar ikes.

Awos. 30:14

Ituŋanan daadaŋ ŋini adaun akigir ŋini erae ŋikaru keŋ ŋatomoniarei, kori ŋatomoniarei ka ŋice, amaikina tolemu ainakinet neni ke Ekapolon.

Awos. 30:16

Kijaununu ŋisiliŋa ŋul aneni a Ŋisirael, ido kituruwo ŋulu itiyaere etic alotooma Eema ŋolo iryamununoi. Aŋun, erubakinete Ŋisirael etamunito atemar alaku Ekapolon akiyar kec.”

Awos. 38:26

Ekimar ŋol iŋes apotu ŋituŋa ŋulu aponi kimarunae tolemut, abu ŋinituŋanan tolemu etyae ŋolo acamakinitae, ŋolo ipimitae alopite a ŋolo sek ipimere, a ŋolo ecamunito ŋituŋa daadaŋ. Arae ŋituŋa daadaŋ imarunitae ŋalipyo ŋamiae ŋakanikapei ka ŋauni ka ŋamiae ŋakan ka ŋatomonikan, akisyakin a ŋulu a ŋikaru a ŋatomoniarei toten kidiama.

Ŋakit. 22:2

Erae nu ŋuna eyakatar ŋikabarak ka ŋikulyak: Ekapolon iŋes erae ekasuban kec a daadaŋ.

Esek. 45:16

Emaikina ŋituŋa daadaŋ anakwap a Isirael yaut kaapei ka ekepukan ŋainakineta.

Ŋilep. 17:11

anerae ŋaokot ikes iteyarete ŋinisubuna daadaŋ, ido akainak ayoŋ iyes ŋaokot a ŋisubuna amookunia akiyar kus alokidiama namuroet; erae ŋaokot akiyar ikes emookunere akiyar a ituŋanan.

Ekim. 31:50

Tosodi eyaunitae isua ainakinet neni ke Ekapolon, ŋiboro lu ŋulu abu ŋinituŋanan kosi toryamu: Ŋiboro ŋulu etiyaunitae ke egolid, ŋinapen anakan, ŋiriko, ŋikabobooe, ŋikadoŋidoŋ, ŋinapen alodokolei aŋuna ka amookunor alokiŋaren Ekapolon.”

Ŋiep. 6:9

Ŋikapolok, totiŋito ŋipi kus ikwaŋinapei, lopite ŋolo ejok alokiŋaren Ekapolon; tojoŋoto akitukuryan ikes. Toyenete atemar iraakasi iyes ka ŋipi kus ŋulu ke Ekapolon a epei a ŋolo eyai nakuj, a ŋolo etubonokini ŋituŋa daadaŋ alopite a epei, emam atyakatyak.

Ŋikol. 3:25

Ŋini daadaŋ itiyae aronis, isicanio emam atyakatyak aŋuna a ŋakiro a ŋuna aronok a ŋuna itiyae iŋes.