Awos. 30:13 - Ebaibul

¹³ Ainakinet ŋina emaikina ŋinituŋanan igiryo yau iŋes na: Atutubet apei ŋina ke ecekel ŋina ipimim lotyae ŋolo epimere ecekel ŋolo aayeneneeo tooma Eema ŋolo iryamununoi (Arae ŋin atutubet apei alotooma ŋatomoniarei ŋuna ke ecekel.) Arae atutubet ke ecekel ŋin ainakinet neni ke Ekapolon.

Awos. 30:13 Iomraidhean Croise

Akisy. 23:15

“Ekapolon kaŋ, kiira ŋakiro kaŋ; nyo mono tokona epoida a ŋalup a ŋuna erae egyelit kec ŋicekelya a esilipa ŋamiae ŋaomwon aneni kaŋ ka iyoŋ? Ape tonuk akatwan.”

2 Ŋirw. 12:4

Kirworik Yoas neni a ŋisacaradotin tema, “Kidyatakisi ŋisiliŋa daadaŋ ŋulu eyaununuyo Kai ka Akuj apaki ŋina emurore. Acunio ŋisiliŋa ŋul apaki ŋina imarere ŋituŋa, apaki ŋina ikoŋeneneere ka ŋulu eauni ituŋanan Kai ka Akuj anacamit keŋ.

2 Ŋirw. 12:5

Amaikina ŋolosacaradoti daadaŋ tolot neni a epei a ŋulu eŋadaete ŋisiliŋa, kijau ŋisiliŋa, yau kisitiyae asubakinia neni daadaŋ emunaara alo Kai ka Akuj.”

Awos. 30:14

Ituŋanan daadaŋ ŋini adaun akigir ŋini erae ŋikaru keŋ ŋatomoniarei, kori ŋatomoniarei ka ŋice, amaikina tolemu ainakinet neni ke Ekapolon.

Awos. 38:24

Arae apotis ke egolid a daadaŋ a ŋolo apotu ŋituŋa yaut ikwapei ŋainakineta ŋuna edukere Eema ŋolo iryamununoi ŋakiloi aliput, ipimitae alopite a ŋolo sek ipimere a ŋolo acamunito ŋituŋa daadaŋ.

Awos. 38:26

Ekimar ŋol iŋes apotu ŋituŋa ŋulu aponi kimarunae tolemut, abu ŋinituŋanan tolemu etyae ŋolo acamakinitae, ŋolo ipimitae alopite a ŋolo sek ipimere, a ŋolo ecamunito ŋituŋa daadaŋ. Arae ŋituŋa daadaŋ imarunitae ŋalipyo ŋamiae ŋakanikapei ka ŋauni ka ŋamiae ŋakan ka ŋatomonikan, akisyakin a ŋulu a ŋikaru a ŋatomoniarei toten kidiama.

Esek. 45:12

Emaikina ŋiboorei ŋulu ipimeta iyes apotis erae ikes lu: Ŋigeras ŋatomoniarei, erae ecekel epei, Ŋicekelia ŋatomonikanikapei, erae Emina epei.”

Ŋilep. 27:25

Emaikina epite ŋolo etubunitere ŋicekelya ŋulu isitiyao anakibois a ŋina asegan, ecamunito ŋituŋa daadaŋ.

Ŋilep. 27:3

ekile ŋolo erae ŋikaru ameun ŋatomoniarei tari ŋatomonikanikapei, emaikina etyae ŋolo elakunere iŋes erae ŋicekelya ŋulu ke esilipa ŋatomonikan alotyae a ŋolo ecamunito ŋituŋa daadaŋ isitiyao anakibois a ŋina asegan.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Ekim. 18:16

Ilokonyunio ŋikiyae ŋul eriŋa erae apolou kec elap epei, ilokonyunio ikes a etacit a ŋolo etubunitoe, a ŋolo erae ŋicekelya ŋikan ŋulu ke esilipa, ipimere ecekel a ŋolo ecamunito ŋituŋa daadaŋ isitiyao anakibois a ŋina asegan.

Ekim. 3:47

emaikina iyoŋ kijau aŋuna a ŋinikoku ŋicekelya ŋikan, ipimitae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan.

Ekim. 7:67

Ŋainakineta ka Aieser ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋun ainakinet ŋina a ŋikinyom,

Ekim. 7:86

ŋabakuli ŋatomon ka ŋaarei ŋuna etiyaunitae ke egolid, ŋuna eleleba ekinyate, aapiyarit apotis a ŋinabakuli atutubet apei a akilo ka arae ŋakiloi apotis a egolid a daadaŋ a ŋolo etiyaunitere ŋabakuli ŋun akilo apei;

Mat. 17:24

Ani epote Yesu ka ŋikeekasyomak Kaperenaum, toloto ŋikerirak ocur ŋolo ka Akai ka Akuj neni a Petero kiŋita iŋes temasi, “Etacenene mono eketataman kus ocur ŋolo ka Akai ka Akuj a?”

Mat. 21:12

Toloma Yesu Kai ka Akuj, kirita ŋituŋa ŋulu agyelanarete ka ŋulu agyelete ŋiboro alo Kai ka Akuj. Tobuburiyana ŋimesae a ŋulu esyecete ŋisiliŋa ka ŋikicoloŋo a ŋulu agyelanarete ŋakuryo;

Mat. 27:24

Ani eanyuni Pilato atemar, agogoŋioto ŋakiro nooi, aŋuna ageunia aruruma, tolemu ŋakipi kilota ŋakan keŋ alokiŋaren ŋituŋa tema, “Nyekekamunito ayoŋ ŋuna ka atwanare ke ekile a lo! Erae ŋun ŋuna kus!”