Awos. 30:12 - Ebaibul

¹² “Ani imari iyoŋ Ŋisirael, emaikina ŋinituŋanan inak ainakinet neni ke Ekapolon aŋuna ka alakunia akiyar keŋ. Emam ŋican iryamasi ka ikes kidau iyoŋ akimar ikes.

Awos. 30:12 Iomraidhean Croise

1 Ŋakiro a ŋirwa 21:1

Tolosik Satan Ŋisirael, ido abu inak Daudi atametait ŋina ka akimar Ŋisirael.

1 Ŋakiro a ŋirwa 21:12

Emaikina mono yaunae ŋikaru ŋiuni ŋulu ke eron; kori ŋilapyo ŋiuni ŋulu ikimunyaryata ŋimoe kus a ŋileŋia itoreut iyes, kori ŋirwa ŋiuni ŋulu ikiarya iyes Ekapolon a ekileŋ keŋ, ŋirwa ŋulu elomunia adyaka anakwap, ŋina inyasia emalaika ŋolo ke Ekapolon ŋinakibois daadaŋ alo Isirael.’ Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋakiro a ŋirwa 21:14

Aŋun, abu Ekapolon kiyakiya edeke neni a Ŋisirael, ido apotu ŋituŋa ŋalipyo ŋatomonikanikaarei totwaka.

1 Ŋakiro a ŋirwa 21:3

Nai abu Yoab toboŋok Daudi tema, “Emaimai ayoŋ Ekapolon kiyatak ekimar a ŋasigarya todolo amiat ŋarwa amiat. Meere mono ikes daadaŋ ekapolon erwosit kaŋ ŋituŋa ŋulu ipukat iyoŋ a? Kaanukiro icamitor iyoŋ ekapolon kaŋ akitiya ŋun? Kaanukiro icamitor iyoŋ ayaun akiilit ŋina ka asecit neni a Ŋisirael?”

1 Ŋakiro a ŋirwa 27:24

Abu Yoab lokoku a Seruia kisyak akimar ŋikilyok, nai abu nyirikak akimar, kikote neni daŋ, abu anyunyura ka Akuj min neni a Ŋisirael aŋuna ka akimar, aŋun, aponi nyigiri ekimar ŋolo eyookino lokitaabo ŋolo egiri erwosit Daudi ŋakiro a ŋirwa a ŋulu epukator iŋes.

2 Ŋakiro a ŋirwa 24:6

Aŋun, abu Yoas tonyarau Yeoiyada esacaradoti ŋolo Apolon nooi, tema neni keŋ, “Kaanukiro eriŋaakar iyoŋ nyiŋita ŋilepi acunun alo Yudaya ka Yerusalem ocur ŋolo koloŋ abu Moses eketiyan ŋolo ke Ekapolon kaapei ka atukot a Ŋisirael kicika ŋituŋa alemunun aŋuna ke eema a ŋolo ka Asaduku a ŋina ka Acamunet?”

2 Ŋakiro a ŋirwa 24:9

Aponi nai kiserakinae ŋakiro Yudaya ka Yerusalem, ikotere ŋituŋa tocunut ŋisiliŋa neni ke Ekapolon ikwapei ocur ŋolo koloŋ abu Moses eketiyan a Ekapolon tolimok Ŋisirael apaki ŋina ayakatar naloŋisat alemunun.

Yob 33:24

ido torimaaniar emalaika ŋol aneni a ituŋanan tema, ‘Toiu kare ca iŋes nyeloma nakibois a ŋikatwak, adau ayoŋ aryamun ibore ŋini elakunia iŋes akiyar keŋ,

Yob 36:18

Toceite, nyikiinak anyunyura iyoŋ alomar nadakanu, ido nyicamak alalau ŋina a ŋakaluŋuluŋui ikitooliyori iyoŋ aneni ka Akuj.

Ŋikiru. 49:7

Emam ituŋanan elakuni ituŋanan ŋinice a akiyar keŋ, emam ibore einakini ituŋanan Akuj aŋuna ka alakun akiyar keŋ,

Awos. 30:11

Tema Ekapolon neni a Moses,

Ekim. 31:49

Tolimokis iŋes temasi, “Emari isua ŋikilyok ŋulu epolokinitoe isua ka aryamun atemar eyakasi daadaŋ.

Ekim. 31:50

Tosodi eyaunitae isua ainakinet neni ke Ekapolon, ŋiboro lu ŋulu abu ŋinituŋanan kosi toryamu: Ŋiboro ŋulu etiyaunitae ke egolid, ŋinapen anakan, ŋiriko, ŋikabobooe, ŋikadoŋidoŋ, ŋinapen alodokolei aŋuna ka amookunor alokiŋaren Ekapolon.”

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mar. 10:45

Anerae pa abunit Lokoku a Ituŋanan akitiyanakino, nai abunit akitiyanakin ka akijal akeekiyar, toiunere ŋituŋa ŋulu alalak.”

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.