Awos. 3:7 - Ebaibul

⁷ Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 3:7 Iomraidhean Croise

Akisy. 16:11

Tolimok emalaika ke Ekapolon iŋes tema, “Kiira, ipoti iyoŋ, ka idouni iyoŋ isapat; tolimok ekiro keŋ Isimael, anerae eira Ekapolon ŋakiro a ŋican kon.”

Akisy. 18:21

Itemokino ayoŋ otiyaar kwap a ne, oanyu erae kitiyato ikes kaapei lopite ŋolo igworotor, ŋolo adolu neni kaŋ; ani pa kikote nen, ayenuni ayoŋ.”

Akisy. 21:17

Kiira Akuj etoil a idya, tonyara emalaika ka Akuj Agar anakuj, tolimok iŋes tema, “Anukiro ikiryebete iyoŋ Agar? Nyikibul, anerae eira Akuj etoil a idya aneni sek iesikinia iyoŋ iŋes.

Akisy. 29:32

Abu Lea topoti, ido kidou ikoku ŋinisapat, tolimok ekiro keŋ Ruben, anerae abu iŋes tema, “Aŋuna aanyuwarya Ekapolon ŋican kaŋ, kire jik akaminakini tokona ayoŋ ekile kaŋ.”

Akisy. 31:12

Tosodi tema, “Kiŋoliu kidiama toanyuwa ŋikorwa daadaŋ ŋulu esupito ŋibaren erae ŋulububuwo, ŋulumeriyek ka ŋulukoliyek. Acamak ayoŋ nu kitiyakin, anerae eŋolik ayoŋ ŋakiro daadaŋ ŋuna itiyae Laban neni kon.

Akisy. 31:42

Ani kerae nyikirukit ayoŋ ka Akuj a papa kaŋ, Akuj ŋina ka Aburaam ka kerae nyetopoloorit ayoŋ Isaka, kire jik, kikiritarit iyoŋ ayoŋ aneni kon eororete ŋakan. Abu Akuj ikisibura iyoŋ bien nakwaare, anerae abu kiŋolik ŋican kaŋ ka etic ŋolo etiya ayoŋ a ŋakan kaŋ.”

2 Sam. 22:28

Iiununui iyoŋ ŋituŋa ŋulu itiditeuna make, nai itiditeununi iyoŋ ŋiketurok.

2 Ŋirw. 13:4

Nai abu Yeowas erwosit kikalou neni ke Ekapolon, kiira Ekapolon akilip keŋ, anerae abu kiŋolik ŋican ŋulu arukaunito Ŋisirael aŋuna esicanitor erwosit ka Aram ikes.

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Ŋikiru. 106:44

Kikote neni daŋ, abu Akuj kisyoni ikes alocan kec, apaki ŋina eirarya akigworo kec;

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 142:3

Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 22:24

Nyimyekina iŋes ŋituŋa ŋulu isicanitae, kori nyeŋero iŋes amitakin ŋican kec; nyewouna iŋes akiŋarakin ŋini daadaŋ esicanitae. nai abu kiira akigoro kec aŋuna ka akiŋarakino.

Ŋikiru. 34:4

Abu ayoŋ elip neni a Ekapolon, ido abu okoboŋok ayoŋ; abu Ekapolon okolaku ayoŋ, aneni a ŋulu acamito akiteryamun ayoŋ ŋican.

Ŋikiru. 34:6

Abu ayoŋ alocan kaŋ ekaloik Ekapolon, ido abu Ekapolon kiira akigworo kaŋ, abu okoiu ayoŋ alocan kaŋ a daadaŋ.

Ŋikiru. 35:22

Okoe Ekapolon idau iyoŋ aanyun ŋakiro kec; nyililiŋiya ŋakiro ŋun! Okoe Ekapolon, nyikiesik ayoŋ!

Ŋikiru. 9:14

ikotere ayoŋ aeikini ŋikipurisyo kon daadaŋ alopukei a ŋituŋa kon a ŋulu a Sion, olelyan a nen aŋuna ikiiunia iyoŋ ayoŋ.

Awos. 1:11

Aŋun, apotu ikes toseut ŋikapolok ŋulu epolokinete ŋipi alotic a ŋolo ereikinio ŋipi kitiyata. Kituduko ŋikapolok ŋul Ŋisirael ŋitaunio ŋiarei Pisom ka Ramases ŋulu ewuanakini Parao ŋamuja ŋuna ka akwap keŋ.

Awos. 1:8

Ekaku, min lokicoloŋ erwosit ece ŋolo abu kipuka Ijipit. Pa ayeni ekepukan ŋol Yosepu.

Awos. 22:23

Ani kijamuwasi iyes ikes, esyoni ayoŋ ikes apaki ŋina ikalounioto neni kaŋ;

Awos. 33:13

Ani kajok ayoŋ aneni kon, kitatamae ayoŋ ŋuna icamit iyoŋ, ikotere akayenuni ayoŋ iyoŋ, ido orubak ajok aneni kon. Totamunite atemar erae ŋituŋa lu ŋulu kon.”

Awos. 5:10

Aŋun, apotu ŋikapolok ŋulu esitiyaete ŋituŋa ka ŋulu apolokinito etic toloto neni a ŋituŋa temasi, “Ŋakiro ŋuna irworo Parao ikes nu ebe, ‘Nyakainakini ayoŋ iyes ŋanya.

Awos. 5:6

Akoloŋit ŋinapei, abu Parao kicik ŋikapolok ŋulu esitiyaete ŋituŋa ka ŋulu apolokinito etic tema,

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Ekim. 20:16

ido ani ikaloikinio isua Ekapolon, abu kiira akigworo kosi, tosodi kiyaku emalaika keŋ, ŋolo abu ikiyau isua anakwap a Ijipit, ikiya tokona isua ne Kades, lotaun ŋolo eyai lokukoru a akwap kon.

Ŋitic. 7:34

Eŋolik ayoŋ kire epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ka abu ayoŋ aiun ikes. Kiira tokona, ekeyakiyari ayoŋ iyoŋ Ijipit.’

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”