Awos. 3:6 - Ebaibul

⁶ Tema nabo Akuj, “Arae ayoŋ Akuj a papaa kon, Akuj ka Aburaam, Akuj a Isaka ka Akuj a Yakob.” Kiwua Moses ereet keŋ, anerae abu iŋes tokuryaniar akitere Akuj.

Awos. 3:6 Iomraidhean Croise

Akisy. 12:1

Abu Ekapolon tolimok Aburam tema, “Toesik akwap kon ka ŋituŋa kon ta ŋulu ke ekal a papa kon; tolot nakwap ŋina eketoodikini ayoŋ iyoŋ.

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 17:3

Toryedik Aburam, kijuuru todol ereet kwap, tosodi Akuj tema,

Akisy. 24:12

Kilip eketiyan ŋol tema, “Okoe Ekapolon, Akuj ŋina a ekapolon kaŋ Aburaam, ekemaimai iyoŋ, ikiinak ayoŋ arereŋu anakiyakit a na nakoloŋit na, kitoodik arimao kon neni a ekapolon kaŋ Aburaam.

Akisy. 26:24

Nakwaare akoloŋit ŋinapei alomya Isaka nakwap ŋin, totakanu Ekapolon neni a Isaka tema, “Arae ayoŋ Akuj a papa kon Aburaam, nyikuryaniar, anerae ikiruki ayoŋ ka iyoŋ, eketerereŋi ayoŋ iyoŋ ka etalalauni ŋiletok kon nooi aŋuna a eketiyan kaŋ Aburaam.”

Akisy. 28:13

Towo Ekapolon alodiyete keŋ tema, “Arae ayoŋ Ekapolon, Akuj ŋina ka Aburaam a papaa kon, Akuj ŋina ka Isaka. Akwap na ŋina iperyo iyoŋ, akainakini ayoŋ iyoŋ ka ŋiletok kon;

Akisy. 28:17

Abulit iŋes apaki ŋin, tema, “Abe ikitubuli akibois na nooi! Erae akibois na akai ŋina ka Akuj kire ka erae epuke ŋolo elosi nakuj.”

Akisy. 31:42

Ani kerae nyikirukit ayoŋ ka Akuj a papa kaŋ, Akuj ŋina ka Aburaam ka kerae nyetopoloorit ayoŋ Isaka, kire jik, kikiritarit iyoŋ ayoŋ aneni kon eororete ŋakan. Abu Akuj ikisibura iyoŋ bien nakwaare, anerae abu kiŋolik ŋican kaŋ ka etic ŋolo etiya ayoŋ a ŋakan kaŋ.”

Akisy. 32:9

Tosodi Yakob tema, “Okoe Akuj a papa kaŋ a Aburaam, Akuj a papa kaŋ a Isaka, okoe Ekapolon ŋolo ibu itolimok ayoŋ ebe, ‘Toboŋo nakwap kon ka loyeneta kon, etiyae ayoŋ ŋuna ajokak neni kon.’

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

1 Ŋirw. 19:13

Ani iirari Eliya etoil ŋol, kimuko ereet keŋ a elou keŋ, toloma kiŋa alopuke ka aturukan. Kirworik nai neni keŋ etoil ŋolo abala, “Nyo itiyae iyoŋ a ne Eliya?”

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Esta 3:4

Ani kedaut ikes akisirwor Moridekai ŋarwa ka ŋarwa ka aŋuna awounia iŋes akiirar ŋuna alimonokinete ikes iŋes, apotu ŋiketiyak a erwosit tolimokis Aman, ikotere eyenunete ikes kepedori Moridekai arubakin itiyae ŋakiro ŋun, anerae keris sek Moridekai kelimoki ikes atemar arae iŋes Eyudayat.

Ŋikiru. 132:2

Totamu epite ŋolo abunio iŋes kikoŋio neni ke Ekapolon totamu epite ŋolo abunio iŋes kikoŋio neni ka Akuj a ŋina etiron a ŋina a Yakob tema,

Awos. 15:2

Ekapolon iŋes erae agogoŋu kaŋ ka apedor kaŋ. Ekapolon iŋes erae aiuno kaŋ. Erae iŋes Akuj kaŋ epuri ayoŋ iŋes, erae iŋes Akuj a papa kaŋ, etopoloori ayoŋ iŋes.

Awos. 29:45

Ayakaun ayoŋ neni eyakasi Ŋisirael, oruwor Akuj kec.

Awos. 3:16

“Ape tocunak ŋikasikou a Ŋisirael, tolimok ikes ebe, ‘Abu Ekapolon Akuj totakanu neni kaŋ, Akuj ka Aburaam, Akuj a Isaka ka Akuj a Yakob, ebala; adau ayoŋ akiŋolikin iyes ka aanyun ŋuna adaun akitiya neni kus anakwap a Ijipit.

Awos. 33:20

Nai tema Ekapolon neni a Moses, “Nyeketaanyuwari ayoŋ iyoŋ ereet kaŋ, anerae mam ituŋanan ŋini ani keanyuuwa ereet kaŋ, torubak eyari.”

Awos. 4:5

Tema Ekapolon, “Kitiya ŋakiro ŋun, ikes itunupete Ŋisirael atemar kebu totakanu neni kon Ekapolon Akuj atapapaa kec, Akuj a Aburaam, Akuj a Isaka ka Akuj a Yakob.”

Yer. 24:7

Ainakini ayoŋ ikes etau ŋolo eyeniata ikes atemar ayoŋ arae Ekapolon ka eruworosi ikes ŋituŋa kaŋ, ido aruwor ayoŋ Akuj kec, anerae eboŋunete ikes neni kaŋ a ŋitai kec a daadaŋ.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Esek. 11:20

ikotere nai ikes ikiwuapeta alotooma anupit ŋikisila kaŋ ka iwuapete ŋuna atubunit ayoŋ. Eruworosi ikes ŋituŋa kaŋ ka aruwor ayoŋ Akuj kec.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mat. 17:6

Ani iirarete ŋikasyomak ŋakiro ŋun, toramakinos kwap kijuuroto ebulit.

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Mar. 12:26

Nai nyesyoma iyes alokitaabo a Moses ŋuna a ŋikatwak a ŋulu eyarunete, ikwapei kirworor Akuj neni keŋ anamoni ebala, ‘Arae ayoŋ Akuj ŋina ka Aburaam ka Isaka ta ŋina a Yakobo’ a?

Luk. 20:37

Tokona ŋuna ka ayarun alokatwak itoodiunit Moses daŋ anakigireta a ŋuna ka amoni a ŋina anoki atemar eyarunete ŋikatwak, anerae enyarit iŋes Ekapolon ebe, ‘Akuj ŋina ka Aburaam, Akuj ŋina a Isaka ka ŋina a Yakobo.’

Luk. 5:8

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”

Ŋitic. 7:32

‘Ayoŋ Akuj atapapaa kon, Akuj ka Aburaam ka Isaka ta Yakobo.’ Tobul Moses tomaranik, kijuuru pa ecamit akiŋolikin.

Ŋitic. 7:34

Eŋolik ayoŋ kire epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ka abu ayoŋ aiun ikes. Kiira tokona, ekeyakiyari ayoŋ iyoŋ Ijipit.’

Ŋikis. 6:3

Aŋun, kiirasi, okoe Ŋisirael ka kiwuapa ŋakiro ka Akuj ejok, ikotere tomamukaun aneni kus ŋace ka ikotere ipitunete nooi anakwap a ŋina elelyaata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Ŋibur. 12:21

Kire, ŋuna apotu totakanikis neni kec, arae ŋuna etubulok nooi; aŋun, abu Moses tolimu tema, “Amarani ayoŋ alokabule!”

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.

Ŋikat. 13:22

Tolimok nai Manoa aberu keŋ tema, “Kire jik, ikitwaki iwon, anerae eŋolikin iwon Akuj.”