Awos. 3:20 - Ebaibul

²⁰ Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 3:20 Iomraidhean Croise

Akisy. 15:14

Nai esicani ayoŋ ŋituŋa ŋulu ka akwap a ŋina eruworotor ikes ŋipi. Ani ekaku, elomunete ikes anakwap a ŋin eyakatar ŋiboro ŋulu alalak nooi.

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Ŋikiru. 105:27

Apotu ŋul kitiyata ŋaumonokineta ka Akuj neni a Ŋijipitian, apotu kitiyata ŋakujuwuanisya anakibois a ŋina ka Am.

Ŋikiru. 105:38

Apotu Ŋijipitian tolakaros erotokinete Ŋisirael, anerae abu sek kiil ikes aŋuna a Ŋisirael.

Ŋikiru. 106:22

ŋina abu kitiya ŋakiro ŋuna ka aumokin anakibois a ŋina ka Am, ka kitiya ananam a ŋina Areŋan ŋiticisyo ŋulu ikitubulete.

Awos. 11:1

Tema nai Ekapolon neni a Moses, “Ayauni ayoŋ akisicanet apei nabo neni a Parao ka nakwap a Ijipit. Ekaku ka akisicanet a ŋin, ikimyekini iŋes iyes torotokis a ne, ido ani ikimyekini iŋes iyes, ikiritari iŋes iyes jik.

Awos. 12:39

Kipout ikes ŋamugati ŋuna amam ŋakinyalet anamureta a ŋuna ewokunete ikes alo Ijipit. Amam ŋakinyalet anamureta a ŋamugati a ŋun, anerae aponi ikes kibunyakinae arotokin alo Ijipit eriŋa nyiwuakina ŋakinyalet namureta ŋun, mam daŋ akimuj adio ŋina aris ikes kitemonokis aŋuna ke erot.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Awos. 4:21

Tema Ekapolon neni a Moses, “Ani iboŋori iyoŋ Ijipit, emaikina kitiya alokiŋaren a Parao ŋakujuwuanisya daadaŋ ŋuna akainak ayoŋ iyoŋ apedor akitiya. Nai eturuwori ayoŋ iŋes ŋolo egogoŋ akou, ikotere nyecamak Ŋisirael toloto anakwap keŋ.

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 9:15

Kerae ekyaarite ayoŋ akan kaŋ akiar iyoŋ ka ŋituŋa kon a ŋidekesyo, kemam tokona iyes ŋini eyai nakwap kus na.

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Esek. 20:33

Alimu Ekapolon Akuj ebe, “Ikwapei kire jik ayarya ayoŋ, ekepukae ayoŋ iyes a apedor kaŋ a ŋina apolon ka ewuakini ayoŋ agogoŋu kaŋ daadaŋ neni kus alotooma anyunyura.

Mika 7:15

Ekapolon, kitiya ŋakujuwuanisya aŋuna kosi, lopite ŋolo ibunio iyoŋ kitiyaa apaki ŋina ikiyaunia isua alo Ijipit.

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 6:22

Abu Ekapolon kitiya iteo isua ŋakiro ŋuna apolok ka ŋuna etubulok ta ŋakujuwuanisya neni a ŋituŋa a Ijipit, neni a Parao ka neni a ŋituŋa a ekal keŋ daadaŋ.

Ŋikat. 6:8

abu Ekapolon kiyakik Ŋisirael ekadwaran, tosodi ekadwaran tolimok Ŋisirael tema, “Ebala Ekapolon Akuj a Isirael ebe, ‘Abu ayoŋ okoyau iyes anakwap a Ijipit, okoyau iyes anakwap a ŋina a iraakatar iyes ŋipi;

Ŋikat. 8:16

Abu nai Gideon tolemu ŋalita ŋuna aya ŋikukwa ŋuna alemunitae analoŋisat kibuŋaere ŋikapolok a ŋituŋa a Sukos.