Awos. 3:18 - Ebaibul

¹⁸ Iirarete ikes ŋuna irworo iyoŋ, ido irukorete iyoŋ ka ŋikasikou a Ŋisirael neni a erwosit a Ijipit tolimokis iŋes ebe, ‘Adau Ekapolon Akuj a Ŋiburaniyae atakanikin neni kosi, kimyekinae isua tolotoi alosit ŋina a ŋirwa a ŋiuni naloŋisat, ikotere ikiinakini amuronot neni a Ekapolon Akuj kosi.’

Awos. 3:18 Iomraidhean Croise

Akisy. 12:1

Abu Ekapolon tolimok Aburam tema, “Toesik akwap kon ka ŋituŋa kon ta ŋulu ke ekal a papa kon; tolot nakwap ŋina eketoodikini ayoŋ iyoŋ.

Akisy. 14:13

Bu etuŋanan epei ŋolo kebucun alojie a ŋol, tolimok Aburam ŋolo arae Eburaniyat ŋakiro a ejie. Alomit Aburam diyete ŋikuyono ŋulu a Mamure a ŋolo arae Emorait, torae daŋ lokaato a Esikol ka Aner; ariito ŋuluarei ŋul ka Aburam.

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 48:3

Tema iŋes neni a Yosepu, “Abu Akuj ŋina Etiron totakanu neni kaŋ alo Lus anakwap a ŋina a Kanaan, abu eketerereŋ ayoŋ,

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 17:5

Kirwor Ekapolon neni a Moses tema, “Ape tolot kiŋaren ŋituŋa, ya ŋikasikou a Ŋisirael ŋidi torukosi ka iyoŋ; totiŋ ebela kon ŋolo ibunio toramya aŋolol Nile.

Awos. 19:1

Ani epete ŋilapyo ŋiuni kedaut Ŋisirael arotokin alo Ijipit, todolut ikes naloŋisat ŋina a Sinai erae ŋirwa a elap epei elap ŋolo a ŋiuni.

Awos. 25:22

Ikiryamun iwon nen, ido alokidiama akibois ŋina ka akisyonio ŋin, ŋina eyai kidiŋ Ŋisubuna ŋul ŋiarei ŋulu eya kidiama Asaduku ŋina ka Acamunet, akainakini ayoŋ iyoŋ Ŋakiciketa kaŋ daadaŋ aŋuna a Ŋisirael.”

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 3:16

“Ape tocunak ŋikasikou a Ŋisirael, tolimok ikes ebe, ‘Abu Ekapolon Akuj totakanu neni kaŋ, Akuj ka Aburaam, Akuj a Isaka ka Akuj a Yakob, ebala; adau ayoŋ akiŋolikin iyes ka aanyun ŋuna adaun akitiya neni kus anakwap a Ijipit.

Awos. 30:36

Kirye ekinyate ŋol ece todopirir, ido kiwuak ece kiŋaren Asaduku ŋina ka Acamunet, tooma Eema ŋolo iryamununoi, nakibois ŋina ikiryamun ayoŋ ka iyoŋ. Emaikina ekinyate ŋol erae kire jik aneni kon ŋolo italeuno.

Awos. 30:6

Kiwuak Namuroet ŋin kiŋaren anaŋga alaalo Asaduku ŋina ka Acamunet; kiŋaren akibois ŋina ka akisyonio ŋina eyai kidiama Asaduku ŋina ka Acamunet, nakibois ŋin, iŋes ikiryamun iwon.

Awos. 4:1

Tolimo nai Moses Akuj tema, “Ani bo pa kecamut Ŋisirael akinup ŋakiro kaŋ, kori pa kecamut apupokin ŋuna erworo ayoŋ, ido temasi, ‘Nyetakanuna Ekapolon neni kon.’ Anukiro itiyakin?”

Awos. 4:23

ido abu ayoŋ okolimok iyoŋ akimyekin lokoku kaŋ tolot, ikotere ilipi neni kaŋ, nai ibu iyoŋ nyicamak iŋes tolot; aŋun, aari ayoŋ lokoku kon ŋolo kiyae.’ ”

Awos. 4:24

Ani eriŋa ikes eya lorot eperete iwace, kiryamun Ekapolon ka Moses, kikatak Ekapolon akiar Moses.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Awos. 5:1

Ani ekaku, toloto Moses ka Aron neni a Parao temasi, “Ŋakiro ŋuna irworo Ekapolon Akuj a Isirael ikes nu ebe, ‘Kimyek ŋituŋa kaŋ toloto, ikotere kitiyata ŋasuban aŋuna kaŋ analoŋisat.’ ”

Awos. 5:3

Temasi ikes neni a Parao, “Adau Akuj a Ŋiburaniyae atakanun neni kosi. Kimyekinae isua tolotoi naloŋisat alosit kosi ŋina a ŋirwa a ŋiuni, ikotere einakinio ŋamuronisya neni a Ekapolon Akuj kosi; ani pa kikokis nen, epedori iŋes akiar isua a ŋidekesyo, kori a ekileŋ.”

Awos. 7:16

Tema iyoŋ neni keŋ, ‘ekeyakuu ayoŋ Ekapolon Akuj a Ŋiburaniyae neni kon alimokin iyoŋ atemar kimyek ŋituŋa kaŋ toloto, ikotere ilipete neni kaŋ analoŋisat nai tari tokona iwou iyoŋ akiirar ŋakiro ŋun.’

Awos. 8:1

Tema nai Ekapolon neni a Moses, “Ape neni a Parao tolimok iŋes atemar ŋakiro ŋuna irworo Ekapolon ikes nu, kimyek ŋituŋa kaŋ toloto, ikotere ilipete neni kaŋ.

Awos. 8:20

Tema nai Ekapolon neni a Moses, “Tonyou moi taparacu eriŋa ataparacu kitoodiyar neni a Parao apaki ŋina elomarya iŋes kiŋa nakipi a aŋolol Nile, tolimok iŋes atemar ŋakiro ŋuna irworo Ekapolon ikes nu, kimyek ŋituŋa kaŋ toloto, ikotere ilipete neni kaŋ.

Awos. 8:23

Eketaanyikini ayoŋ iyoŋ atyeketait ŋina eyai kidiŋ ŋituŋa kaŋ ka ŋulu kon. Etakanuni akujuwuanut ŋin moi taparacu.”

Awos. 9:1

Tema nai Ekapolon neni a Moses, “Ape neni a Parao, tolimok atemar ŋakiro ŋuna irworo Ekapolon Akuj a Ŋiburaniyae ikes nu, kimyek ŋituŋa kaŋ toloto, ikotere ilipete neni kaŋ.

Awos. 9:13

Tema nai Ekapolon neni a Moses, “Tonyou moi taparacu eriŋa ataparacu kitoodiyar neni a Parao, tolimok iŋes atemar ŋakiro ŋuna irworo Ekapolon Akuj a Ŋiburaniyae ikes nu: Kimyek ŋituŋa kaŋ toloto, ikotere ilipete neni kaŋ.

Isa. 64:5

Ibunene iyoŋ akiŋaranakin ŋulu itiyaete ŋuna iyookino, ŋulu etamunito akiwuapit ŋakiro kon. Nai ibu iyoŋ toŋo, ido aponi isua tosecae, aŋuna ibunio iyoŋ kiwua ereet kon, aponi isua tobilae ŋikisila.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 26:5

pa kiirasi ŋakiro a ŋiketiyak kaŋ a ŋikadwarak a ŋulu eyakuununui ayoŋ neni kus atipei, a ŋulu nyiirara iyes ŋakiro kec,

Ekim. 17:4

Kiwuak ŋibelae ŋul tooma eema diyete Asaduku ŋina ka Acamunet ke Ekapolon, neni ikiryamununor ayoŋ ka iyes.

Yos. 1:17

Ikiwuapi isua ŋakiro kon lopite ŋolo ikiponia ewuapyata ŋuna a Moses. Ŋuna bon ikigasi isua iŋes atemar bu Ekapolon ŋolo erae Akuj kon toruko ka iyoŋ lopite ŋolo arukitotor ka Moses.