Awos. 3:14 - Ebaibul

¹⁴ Tema Akuj neni a Moses, “Arae Ayoŋ ŋina Arae Ayoŋ.” Torubak Akuj irworo ebala, “Tolimok iyoŋ Ŋisirael atemar ayoŋ ŋina akanyaritae ‘Ayoŋ’ iŋes ekeyakuu ayoŋ neni kus.”

Awos. 3:14 Iomraidhean Croise

Yob 11:7

“Ipedori mono iyoŋ aripirip ŋakiro ka Akuj ŋuna ipiyorito ŋituŋa daadaŋ a? Ipedori iyoŋ ayenun ŋakiro a ŋina etiron ŋuna nyepedorit aosou a ituŋanan akidol a?

Ŋikiru. 68:4

Toeikisi neni ka Akuj, toeikisi ipurosi ekiro keŋ, kitopoloosi iŋes ŋina edokit ŋidouwon, erae ekiro keŋ Ekapolon, tolelyana alokiŋaren keŋ.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Awos. 15:3

Erae Ekapolon ekajion; Ekapolon iŋes ekiro keŋ.

Awos. 23:21

Tomitakinito akiirar ŋakiro ŋuna irworo iŋes, nyiŋero iŋes, ani kiŋero, nyikisyoni iŋes iyes, anerae ayoŋ eyakuunit iŋes.

Awos. 3:13

Tolimok Moses Akuj tema, “Ani bo kalot ayoŋ neni a Ŋisirael otema neni kec, ‘ekeyakuu ayoŋ Akuj atapapaa kus,’ ido ekeŋita ikes ayoŋ temasi, ‘Ŋae ekiro keŋ?’ Anukiro nai alimokini ayoŋ ikes?”

Awos. 6:2

Kirwor daŋ Akuj neni a Moses tema, “Arae ayoŋ Ekapolon.

Awos. 6:3

Abu ayoŋ otakanu neni ka Aburaam, Isaka ka Yakob ikwapei Akuj ŋina Etiron, nai alokiro kaŋ a ŋolo enyaritae ‘Arae Ayoŋ ŋina Arae Ayoŋ’ abu ayoŋ nyeteyenikin ikes.

Isa. 42:8

Arae ayoŋ Ekapolon, ekiro kaŋ ŋol; nyainakini ayoŋ apolou kaŋ neni a ice, kori akipuro kaŋ neni a ŋakujo.

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Yoa. 8:24

Akalimokinit ayoŋ iyes atemar, itwakete anasecit kus. Kire itwakete anasecit kus, erae pa kinupa atemar ‘Arae Ayoŋ ŋolo Arae Ayoŋ.’”

Yoa. 8:28

Aŋun, tolimok Yesu ikes tema, “Ani kidaut iyes akikyaar Lokoku a Ituŋanan kidiama, iŋes nai iponiata iyes ayenun atemar ‘Arae Ayoŋ ŋolo Arae Ayoŋ,’ toyenutu daŋ atemar nyetiyae ayoŋ idiobore aŋuna ka apedor kaŋ bon, nai erworo ayoŋ ŋuna eketatamit Papa kaŋ alimor.

Yoa. 8:58

Tolimok Yesu ikes tema, “Akalimokini ayoŋ iyes kire atemar, tari eriŋa Aburaam nyeuruuna, Arae Ayoŋ ŋolo Arae Ayoŋ!”

2 Ŋikor. 1:20

Anerae aryamut ŋakiikineta daadaŋ ŋuna ka Akuj “Ee” kec aneni a Yesu. Iŋes nai ikilimununuyo alotooma Yesu Kristo atemar “Amen” apaki daadaŋ ŋina ipurore Akuj.

Ŋibur. 13:8

Nyiloconokin Yesu Kristo jik, ikoni nenipei ayakar bien, nakoloŋit na ka rwanu daŋ.

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,

Akis. 1:8

Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”