Awos. 3:13 - Ebaibul

¹³ Tolimok Moses Akuj tema, “Ani bo kalot ayoŋ neni a Ŋisirael otema neni kec, ‘ekeyakuu ayoŋ Akuj atapapaa kus,’ ido ekeŋita ikes ayoŋ temasi, ‘Ŋae ekiro keŋ?’ Anukiro nai alimokini ayoŋ ikes?”

Awos. 3:13 Iomraidhean Croise

Akisy. 32:29

Kiŋit nai Yakob ekile ŋol tema, “Ŋae mono ekiro kon.” Toboŋok nai ekile ŋol tema, “Kaanukiro iŋisitor iyoŋ ekiro kaŋ?” A nen, kiterereŋ ekile ŋol Yakob.

Awos. 15:3

Erae Ekapolon ekajion; Ekapolon iŋes ekiro keŋ.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 3:14

Tema Akuj neni a Moses, “Arae Ayoŋ ŋina Arae Ayoŋ.” Torubak Akuj irworo ebala, “Tolimok iyoŋ Ŋisirael atemar ayoŋ ŋina akanyaritae ‘Ayoŋ’ iŋes ekeyakuu ayoŋ neni kus.”

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Awos. 7:16

Tema iyoŋ neni keŋ, ‘ekeyakuu ayoŋ Ekapolon Akuj a Ŋiburaniyae neni kon alimokin iyoŋ atemar kimyek ŋituŋa kaŋ toloto, ikotere ilipete neni kaŋ analoŋisat nai tari tokona iwou iyoŋ akiirar ŋakiro ŋun.’

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Isa. 52:6

Aŋun, eyenunete ŋituŋa kaŋ atemar arae ayoŋ Akuj akoloŋit ŋin eyenunete ikes atemar abu ayoŋ erwor ŋun, kire arae ayoŋ.”

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

Ŋikat. 13:17

Kiŋit nai Manoa emalaika ŋolo ke Ekapolon tema, “Ŋae ekiro kon? Ikotere ikitopolooryo isua iyoŋ akoloŋit ŋina iyookinotor ŋakiro kon,”

Ŋikat. 13:6

Abu nai aberu ŋin tolot, tolimok ekile keŋ tema, “Abu ekile ŋolo arae ituŋanan ŋini ka Akuj bu neni kaŋ etakani akuwan keŋ esibit emalaika ŋolo ka Akuj, arae iŋes ŋolo ikitubuli nooi; nyiŋita ayoŋ neni kebunio iŋes ka nyelimokina iŋes ayoŋ ekiro keŋ,