Awos. 3:12 - Ebaibul

¹² Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 3:12 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Akisy. 15:8

Kiŋit Aburam Ekapolon tema, “Okoe, Ekapolon Akuj kaŋ, inyoni eketaanyuni ayoŋ atemar eruwor akwap na ŋina kaŋ?”

Akisy. 26:3

Kiboikin nakwap ŋin, ikiruki iwon, ido eketerereŋi ayoŋ iyoŋ, anerae aŋuna kon ka aŋuna a ŋiletok kon, akainakini akwap na daadaŋ, ido esiyookini akikoŋiet kaŋ ŋina abu ekoŋ neni a papa kon Aburaam.

Akisy. 31:3

Tema nai Ekapolon neni a Yakob, “Toboŋo nakwap atapapaa kon ka neni a ŋiyeneta kon, ikirukit ayoŋ ka iyoŋ.”

2 Ŋirw. 19:29

Ani iyoŋ Esekia, eruwor na akitaanyikinet a ŋakiro a ŋun: Ekaru lo imujete iyes ŋinyomen ŋulu ka ariet make. Ani ekaru ŋolo etupakini, kimuja ejojo ŋolo a ŋinyomen a ŋul. Nai ekaru ŋolo a ŋiuni toekisi lomanikorin kus tolema, todupa ŋikito a epiini, ido tonyama ŋaraito kec.

1 Ŋakiro a ŋirwa 9:20

Ekiŋaren sek, Pineas lokoku ke Eleasar iŋes apolokinit ŋulu edarito epuke, ayai Ekapolon kaapei ka iŋes.

Ŋikiru. 86:17

Kitoodikinae ayoŋ ajokis kon, ikotere ŋimoe kaŋ iŋolikinete, ido kiruma ŋileec, anerae iyoŋ, okoe Ekapolon, ikiŋarak ayoŋ ka isirworiu ayoŋ.

Awos. 18:5

Bu Yesiro lokamuran a Moses naloŋisat erukito ka ŋidwe a Moses ŋulusapa ŋul ka aberu a Moses. Potu ikes neni alomit Moses diyete emukura ŋolo ka Akuj.

Awos. 3:1

Apei koloŋit etwarit Moses ŋamesekin alokamuran keŋ a Yesiro a ŋolo arae esacaradoti anakwap a Midian, abu iŋes totwara ŋamesekin yaye aloŋisat, todolo lomukura ŋolo enyaritae Oreb, emukura ŋolo ka Akuj.

Awos. 3:13

Tolimok Moses Akuj tema, “Ani bo kalot ayoŋ neni a Ŋisirael otema neni kec, ‘ekeyakuu ayoŋ Akuj atapapaa kus,’ ido ekeŋita ikes ayoŋ temasi, ‘Ŋae ekiro keŋ?’ Anukiro nai alimokini ayoŋ ikes?”

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Awos. 4:12

Torotok tokona, ekeŋarakini ayoŋ iyoŋ topedo erwor ka akalimokini ayoŋ iyoŋ ŋuna emaikina tolimu.”

Awos. 4:15

Itemokino iyoŋ kirwor neni ka Aron, tolimok ŋakiro ŋuna emaikina iŋes kirwor. Ekeŋarakini ayoŋ iyes ka eketatami ayoŋ iyes ŋuna emaikina kitiyata.

Awos. 8:27

Emaikina isua kisyakinae alosit kosi ŋina a ŋirwa a ŋiuni analoŋisat, ido oinakisi ŋamuronisya neni a Ekapolon Akuj kosi ikwapei ikicikakinitere isua.”

Isa. 37:30

Tolimok nai Isaya erwosit Esekia tema, “Eruwor nai na akitaanyikinet a ŋakiro a nu neni kon: Ekaru lo kimuja ŋinyomen ŋulu erupete make, ani ekaru ŋolo a ŋiarei kimuja ejojo a ŋinyomen a ŋul, nai ekaru ŋolo a ŋiuni emaikina iyes toekis ŋikinyom, ido tolema, todupa ŋikito a epiini, ido tonyama ŋaraito kec.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Ekim. 16:28

Tema nai Moses, “Ŋakiro nu iŋes iyeuniata iyes atemar ekeyakuu ayoŋ Ekapolon akitiya ŋiticisyo ŋul daadaŋ, meere ayoŋ bon alemikina lotic ŋol:

Ekim. 23:21

Mam aronis eŋolik Akuj itiyaete ŋituŋa a Yakob, mam akisyanu eŋolik Akuj itiyaete ŋituŋa a Isirael. Erukito ikes ka Ekapolon Akuj kec, elimorito ikes atemar arae Akuj erwosit kec.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mar. 16:20

Toloto ŋikasyomak alimonokin Ŋakiro ŋuna Ajokak lobukui daadaŋ, kitiyata ikes ka Ekapolon kaapei, kitoodiun daŋ akitatam kec erae ŋina iyookino aŋuna a ŋakujuwuanisya a ŋuna etiyaete ikes.]

Ŋitic. 11:21

Ayai apedor ŋina ke Ekapolon neni kec, kibelekinos ka tonupa ŋituŋa ŋulu alalak Ekapolon.

Ŋitic. 7:7

Nai esicani ayoŋ ŋituŋa ŋulu ka akwap a ŋina eruworotor ikes ŋipi. Ani ekaku, elomunete ikes anakwap a ŋin, potu kilipa neni kaŋ a ne.’

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 31:23

Tolimok nai Ekapolon Yosua lokoku a Nun ŋakiro nu tema, “Togogoŋ ka totitiny, anerae iyai iyoŋ Ŋisirael nakwap ŋina abu ayoŋ eik ikes, ikiruki ayoŋ ka iyoŋ.”

Ŋibur. 13:5

Nyiraakasi ŋulu iminasi ŋisiliŋa, kimwonikina a ŋiboro a ŋulu iyakatar iyes. Anerae alimu Akuj atemar, “Nyakaesikini ayoŋ iyoŋ jik, nyakacakari ayoŋ iyoŋ jik.”

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Ŋikat. 6:12

Totakanu emalaika ŋolo ke Ekapolon neni a Gideon, tolimok iŋes tema, “Iyakasi iyoŋ ke Ekapolon, iyoŋ ekajion ŋolo etiron.”

Ŋikat. 6:16

Tolimok Ekapolon iŋes tema, “Ikiruki ayoŋ ka iyoŋ, ido iari iyoŋ Ŋimidian, iari iyoŋ ikes daadaŋ.”

Ŋikat. 6:17

Tema Gideon, “Ani kikiryamunit iyoŋ ayoŋ ajok aneni kon, kitoodikinae ayoŋ akitoodikinet adio oyenunia atemar erae iyoŋ Ekapolon ikirworo ka ayoŋ.

Ŋikat. 6:21

Tolemu nai emalaika ŋolo ke Ekapolon ebela keŋ ŋolo sek atiŋit iŋes, totapak ebela ŋol nakiriŋ ka namugati ŋuna amam ŋakinyalet, tonoku akim anataaba, tonomiya akiriŋ ka ŋamugati ŋuna amam ŋakinyalet, tosodi abu emalaika ŋolo ke Ekapolon toŋopiya alokiŋaren keŋ.

Ŋikat. 7:11

ikotere kiirasi ŋakiro ŋuna irworosi ikes, ekaku ititinyior iyoŋ ka icamuni alosit akitijikin ikes anakibois kec.” Aŋun, abu Gideon totiyaaros kaapei ka eketiyan keŋ Pura diyete neni eboiyoto ŋajorei a Ŋimidian.

1 Sam. 14:10

Nai ani ketemasi, ‘Kitipeutu laalo neni kosi,’ ikitipeiyori nai iwon neni kec; anerae adau Ekapolon ainakin ikes napedor yok. Ŋakiro kec ikes eruwor akitoodikinet neni yok.”