Awos. 29:25 - Ebaibul

²⁵ Ani edaun ŋun, kijau aneni kec, ido tope idokokinit kidiama ainakinet ŋinace ŋina epeyo a Namuroet; ŋina emaikina epeitoe einakinio Ekapolon, ŋina ebob eure keŋ aneni ke Ekapolon.

Awos. 29:25 Iomraidhean Croise

Akisy. 8:20

Todukok Noa Namuroet aŋuna ka Akuj, tolemu ŋityaŋ ka ŋikyeny ŋulu itojokitae, tope a Namuroet erae ainakinet neni ka Akuj.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Awos. 29:24

kiwuak ŋiboro ŋul daadaŋ nakan ka Aron ka nakan a ŋidwe keŋ a ŋulusapa, kikyaa kidiama iinakini ikes, toruworos ainakinet ŋina ikyaaritae alokiŋaren Ekapolon.

Awos. 29:41

Ya imesek ŋinice daŋ eboŋ, ido iya ikwapei ainakinet akimuj ŋina etya ŋina iyait iyoŋ iyai ikale ŋini ka ataparacu. Erae ŋun ŋamuja ŋuna akainakinitae ayoŋ Ekapolon, ŋamuja ŋuna epeyo akabobokinit ayoŋ eure kec eketalakarit.

Ŋilep. 1:13

nai ŋiboro ka akook a ibarasit kaapei ka ŋimolokony, emaikina kilotarae; ido emaikina esacaradoti kicuny ibore ŋin daadaŋ alokidiama namuroet, anerae erae iŋes ainakinet ŋina epeyo, ŋina emaikina ebob eure keŋ aneni ke Ekapolon.

Ŋilep. 1:9

Nai emaikina ŋini elemunit ainakinet ŋin, kilota ŋiboro ka akook a ibarasit kaapei ka ŋimolokony; ido emaikina esacaradoti kicuny ibore ŋin daadaŋ alokidiama amuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 10:13

Emaikina iyes tonyama ainakinet ŋin anakibois a ŋina asegan, anerae erae ŋina ikityakakinitae iyoŋ ka ŋidwe kon ŋulusapa, anainakinet a ŋina epeyo aŋuna ke Ekapolon; epite ŋol iŋes ekecikitor Ekapolon ayoŋ.

Ŋilep. 2:11

Mam ainakinet ŋina a ŋikinyom anainakineta a ŋuna iyaunete iyes neni ke Ekapolon ŋina emaikina iwuakinitae ŋakinyalet, anerae nyemaikina iyes kicunya ŋakinyalet ŋadi, kori ao ikwapei ainakinet neni ke Ekapolon ŋina epeyo.

Ŋilep. 2:16

Emaikina esacaradoti tolemu ŋadi a ŋaraito a ŋun ka akimyet kaapei ke ekinyate daadaŋ, ido kicuny ikwapei ainakinet ŋina ke etal neni ke Ekapolon ŋina epeyo.

Ŋilep. 2:2

ido nai yau inak ŋidwe ka Aron ŋulusapa ŋul ŋulu erae ŋisacaradotin. Emaikina esacaradoti tomuk ŋakirya ŋun ileleba akan imoriunit ka akimyet ta ekinyate daadaŋ, ido kicuny alokidiama namuroet ikwapei ainakinet ŋina epeyo ŋina etamunitae ŋina ebob eure keŋ aneni ke Ekapolon.

Ŋilep. 2:9

Elemuni nai esacaradoti adio anamuja a ŋun, ido ya kicuny alokidiama amuroet ikwapei ainakinet ŋina epeyo, ŋina emaikina ebob eure keŋ aneni ke Ekapolon.

Ŋilep. 3:11

Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Ŋilep. 3:14

Emaikina ituŋanan ŋin inak anainakinet a ŋina einakinit ituŋanan neni ke Ekapolon ikwapei ainakinet ŋina emaikina kicunyae, asepwae ŋina ka akook daadaŋ ka ŋina a ŋiboro ka akook,

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 3:3

Emaikina inakis anainakinet a ŋina ke ekisil a ŋina epeyo ka aŋuna ke Ekapolon, asepwae ŋina ka akook ka daadaŋ ŋina a ŋiboro ka akook

Ŋilep. 3:5

Emaikina nai ŋidwe ka Aron ŋulusapa kicunya ŋinerin ŋul alokidiama namuroet, kaapei ka ainakinet ŋin ŋina ikaca nakito anakim, ŋina emaikina kicunyae ikwapei ainakinet ŋina epeyo, ŋina ebob eure keŋ aneni ke Ekapolon.

Ŋilep. 3:9

Emaikina inakis ainakinet ŋina ke ekisil ŋina epeyo ka akim aŋuna ke Ekapolon, asepwae daadaŋ ka asonyok daadaŋ, etubunitoe anatorom, asepwae ŋina ka akook ka asepwae daadaŋ ŋina a ŋiboro ka akook

Ŋilep. 7:25

Ituŋanan ido ŋini enyami asepwae ŋina a ibarasit a ŋini eyaunitae erae ainakinet ŋina epeyo neni ke Ekapolon, emaikina ituŋanan ŋin kiritarae alotuŋa keŋ.

Ŋilep. 7:5

Epedori nai esacaradoti akicuny ŋinerin ŋul daadaŋ alokidiama namuroet ikwapei ainakinet ŋina einakinitae Ekapolon aŋuna ka awoun alemun ainakinet neni ke Ekapolon.

Ŋilep. 8:28

Ekaku kijaa Moses aneni kec, ido kicuny alokidiama namuroet kaapei ka ainakinet ŋinace ŋina epeyo. Arae ainakinet ŋin ŋina ituruworere ituŋanan esacaradoti, ainakinet ŋina ebob eure keŋ alokiŋaren aneni Ekapolon, ŋina epeyo aŋuna ke Ekapolon.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

1 Sam. 2:28

Abu ayoŋ oseu papaa kon alokabilae a Isirael a daadaŋ aruwor esacaradoti kaŋ, tolosenenee Namuroet kaŋ akicuny ekinyate ka tonapenenee arapet alokiŋaren kaŋ. Abu daŋ ayoŋ oinak ŋituŋa a ekal a papaa kon ŋainakineta a ŋituŋa a Isirael daadaŋ ŋuna epeyo.