Awos. 29:22 - Ebaibul

²² “Emaikina daŋ iyoŋ tolemu asepwae ŋina a emesek, asonyok, asepwae ŋina a ŋiboro ka akook, ŋatune ŋuna ke emany, ŋiŋalur ŋuluarei, kaapei ka asepwae kec ka amuro ŋina aloteten. (Erae emesek ŋol ŋolo ituruworere ituŋanan esacaradoti).

Awos. 29:22 Iomraidhean Croise

Awos. 29:13

Tolemu asepwae daadaŋ ŋina a ŋiboro ka akook ŋatune ke emany ta ŋiŋalur daadaŋ ŋiarei erukito ka asepwae kec. Tope ŋul daadaŋ a Namuroet topuruut.

Awos. 29:21

Kedaun ŋun, tolemu ŋaokot ŋadi a Namuroet ka adiokimyet ŋina kiosa, towuatak neni ka Aron ka lolowi keŋ ta neni a ŋidwe keŋ a ŋulusapa ka lolowi kec. Epite ŋol iŋes eruworotor Aron ka ŋidwe keŋ ŋulusapa ta ŋilowi kec ŋulu italeuno.

Awos. 29:23

Tolemu alobukit a ŋolo a ŋamugati a ŋuna emam ŋakinyalet, a ŋolo iwuakinitae kiŋaren Ekapolon abopulo, amugati ŋina ipounitoe ka akimyet ka tolemu abisikot;

Ŋilep. 10:14

Nai atorobu ka amuro ŋinerin ŋulu ikiyaanaryo, emaikina iyoŋ ka ŋidwe kon ŋulusapa tonyama kaapei ka ŋapesur anakibois a daadaŋ a ŋina italeunitoe, anerae adaun atyakakin ŋinerin ŋul neni kon ka ŋidwe kon anainakineta a ŋuna ke ekisil a ŋuna eyaunete Ŋisirael.

Ŋilep. 14:12

Tolemu nai esacaradoti ikale ŋinimoŋ ipei, ya erae ainakinet a ikale aŋuna ka asecit, ya kaapei ka akimyet, erae ŋainakineta ŋuna ikyaanaryo alokiŋaren Ekapolon.

Ŋilep. 3:9

Emaikina inakis ainakinet ŋina ke ekisil ŋina epeyo ka akim aŋuna ke Ekapolon, asepwae daadaŋ ka asonyok daadaŋ, etubunitoe anatorom, asepwae ŋina ka akook ka asepwae daadaŋ ŋina a ŋiboro ka akook

Ŋilep. 7:3

Emaikina yaarae ŋasepwa a emesek a ŋol daadaŋ erae ainakinet asonyok, asepwae ŋina ka akook,

Ŋilep. 7:37

Erae ŋul ŋikisila ŋulu a ŋainakineta a ŋuna epeyo, a ŋuna a ŋikinyom, a ŋuna ka asecit, a ŋuna ka awoun alemun ainakinet neni ke Ekapolon, a ŋuna ka akituruworo esacaradoti ka ŋuna ka akisil ke Ekapolon.

Ŋilep. 9:19

Nai abu iŋes tolemu ŋinerin lu: Asepwae ke emoŋ, ŋina ke emesek, asonyok, asepwae a ŋiboro ka akook, ŋiŋalur ka asepwae kec ta ŋatune ŋuna ke emany.

Ŋilep. 9:21

Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.

Ekim. 18:18

nai erae akiriŋ kec ŋina kon, lopite ŋolo eraakar atorobu ka amuro ŋina aloteten a ainakinet a ŋina ikiyanaryo ŋuna kon.

1 Sam. 9:24

Tolemu nai ekepon amuro ka akiriŋ ace ŋina arukitotor, kiwuak kiŋaren Saul. Tema Samuel neni a Saul, “Kiŋolik, ewuakin kiŋaren kon akiriŋ ŋina sek eŋadaaritae. Kimuj, anerae eŋadaaritae sek iŋes a ŋuna kon, kimuj apaki na ŋina itemokinitoe, kimuja kaapei ka ŋituŋa ŋulu anyaraunit ayoŋ akimuj.” Kimuja Saul ka Samuel kaapei akoloŋit ŋin.