Awos. 29:2 - Ebaibul

² Tolemu ŋakirya a ŋaganoi emam ŋakinyalet kitiyau ŋabopuloe ka ŋamugati igurokinit ka akimyet. Kitiyau daŋ ŋabisikotyo kiosak akimyet. Emaikina ŋun daadaŋ itiyaunitae a ŋakirya a ŋuna a ŋaganoi a ŋuna ajokak nooi.

Awos. 29:2 Iomraidhean Croise

Awos. 12:8

Emaikina ikes tonyama akiriŋ ŋin epeitoe, tonyama imoriyarito ka ŋidyas ŋulu adwarak ta ŋamugati ŋuna emam ŋakinyalet.

Awos. 29:23

Tolemu alobukit a ŋolo a ŋamugati a ŋuna emam ŋakinyalet, a ŋolo iwuakinitae kiŋaren Ekapolon abopulo, amugati ŋina ipounitoe ka akimyet ka tolemu abisikot;

Awos. 29:3

Kiwuak ŋun daadaŋ lobukit epei, iya eyakasi nen, toramu emoŋ ka ŋimeesekin ŋul ŋiarei ikiinak ayoŋ ikwapei amuronot.

Ŋilep. 2:15

Emaikina kiwuak akimyet ka ekinyate naraito ŋun; erae ŋul ŋikinyom ŋulu erae ainakinet neni ke Ekapolon.

Ŋilep. 6:13

Emaikina akim enepi jik alokidiama namuroet; nyemaikina toduŋe.’ ”

Ŋilep. 7:10

Nai ŋainakineta a ŋikinyom ŋunace daadaŋ, iguritoe ka akimyet, kori eokito, emaikina eruwor ŋuna a ŋidwe ka Aron a ŋulusapa, totyaka ikes eriyan.

Ŋilep. 7:12

Ani keyau ituŋanan ainakinet aŋuna ka alakar keŋ neni ke Ekapolon, emaikina yau kaapei ka ŋamugati ŋuna emam ŋakinyalet, ŋuna iguritoe ka akimyet, ŋabisikotyo ŋuna emam ŋakinyalet ŋuna iositae akimyet, ŋimugati ŋulu cicik ŋulu ipounitoe anakirya a ŋuna ajokak a ŋuna itilorit akimyet.

Ŋilep. 8:2

“Ya Aron ka ŋidwe keŋ ŋulusapa, ŋilowi kec, akimyet ŋina iosere ŋituŋa, emoŋ ŋolo erae ainakinet aŋuna ka asecit ka ŋimeesekin ŋiarei ta ebukit ŋolo eya ŋamugati ŋuna emam ŋakinyalet.

Ŋilep. 8:26

Tolemu alobukit a ŋolo aya ŋamugati ŋuna emam ŋakinyalet a ŋolo ayai kiŋaren Ekapolon amugati apei ŋina amam ŋakinyalet, apei ŋina epounitoe ka akimyet ka abisikot. Kidokok ŋamugati ŋun kidiama asepwae ka amuro ŋina aloteten.

Ekim. 6:15

emaikina ikes yaut ainakinet ŋina a ŋamugati a ŋuna emam ŋakinyalet ileleba ebukit, ŋimugati ŋulu ipounitoe a ŋakirya a ŋuna ajokak nooi a ŋuna iguritoe ka akimyet ka ŋabisikotyo ŋuna emam ŋakinyalet kiwosakinitetei akimyet, emaikina daŋ ikes yaut ŋainakineta kec ŋuna a ŋikinyom ka ŋuna a ŋimaten.

Ekim. 6:19

Elemuni nai esacaradoti eseket a emesek ipotoi ka imugati ipei alobukit ŋini emam ŋakinyalet ka abisikot apei ŋina emam ŋakinyalet, kiwuak nakan a ituŋanan a ŋini italeoritae aŋuna ka akitiyanakin Ekapolon kedau ituŋanan atubor ŋitim keŋ.

1 Ŋikor. 5:7

Itemokino tolemasi ŋakinyalet ŋuna ŋorok ŋuna erae asecit, kikwaanikinos ka amurat ŋina kitete ŋina emam ŋakinyalet, ikotere tosegut nai nooi ikwapei kire ayenia ayoŋ atemar ikote iyes neni. Anerae aponi Kristo ŋolo erae imesek ŋini a Paska toarae erae amuronot yok.