Awos. 29:18 - Ebaibul

¹⁸ tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Awos. 29:18 Iomraidhean Croise

Akisy. 22:13

Kikeu Aburaam ereet keŋ, toŋoleŋolek, kiŋolik emesek ikamunito ŋaten ŋuna ke elogilog anamoni ŋamomwar. Tolot Aburaam toriku emesek inak neni ka Akuj erae amuronot ŋina epeyo akilo ainakin Akuj lokoku keŋ.

Akisy. 22:2

Tema Akuj, “Ya lokoku kon Isaka ŋolo donupei ŋolo imina iyoŋ, toloto nakibois ŋina enyaritae Moria. Ani idolete nen, ikiinak iŋes ayoŋ erae amuronot ŋina epeyo alomukura a epei a nen, a ŋolo eketoodikini ayoŋ iyoŋ.”

Akisy. 22:7

Tema Isaka neni a papa keŋ, “Papa,” Tema papa keŋ, “Ayai lokoku.” Kiŋit Isaka iŋes tema, “Eyakasi akim ka ŋakito ne, nai nyaani bo imesek ŋini erae amuronot ŋina epeyo?”

Akisy. 8:20

Todukok Noa Namuroet aŋuna ka Akuj, tolemu ŋityaŋ ka ŋikyeny ŋulu itojokitae, tope a Namuroet erae ainakinet neni ka Akuj.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

1 Ŋirw. 18:38

Tocakun nai akim ke Ekapolon, tonyamuwa ainakinet ŋina epeyo ŋin, ŋakito, ŋamoru ka ŋalup, kideuwa tari ŋakipi ŋuna aya nakitelosit.

1 Ŋirw. 3:4

Akoloŋit apei, tolot erwosit Gibeon, anerae arae Gibeon aoya nooi ka neni etopoloritae nooi. Abu Solomon kiwuak Namuroet ŋina ayai nen ŋainakineta apeiliput ŋuna epeyo.

Ŋikiru. 50:8

Meere aŋuna a ŋamuronisya kus eketoŋoitor ayoŋ iyes, kori aŋuna a ŋainakineta kus a ŋuna epeyo a ŋuna iyaunenete iyes kiŋaren kaŋ jwi jwi.

Awos. 29:17

Tosodi nai kileny emesek, kilota ŋiboro ka akook ka ŋimolokony, ido kimorik ka ŋinerin ka akuwan ŋuluce;

Awos. 29:25

Ani edaun ŋun, kijau aneni kec, ido tope idokokinit kidiama ainakinet ŋinace ŋina epeyo a Namuroet; ŋina emaikina epeitoe einakinio Ekapolon, ŋina ebob eure keŋ aneni ke Ekapolon.

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Ŋilep. 1:17

Emaikina ituŋanan ŋin totero ŋabebenuk a ikenyit a ŋin, ido kibel alokuyoit, nai nyetubo ŋabebenuk. Emaikina nai esacaradoti kicuny ikenyit ŋin alokidiama namuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 1:9

Nai emaikina ŋini elemunit ainakinet ŋin, kilota ŋiboro ka akook a ibarasit kaapei ka ŋimolokony; ido emaikina esacaradoti kicuny ibore ŋin daadaŋ alokidiama amuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 4:31

Emaikina esacaradoti tolema asepwae daadaŋ lopite ŋolo alemanarere ŋina ka ainakinet a ŋina ke ekisil, ido emaikina kicuny alokidiama namuroet ikwapei ainakinet ŋina epeyo, ŋina ebob eure keŋ aneni ke Ekapolon. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 8:21

Kilot nai a ŋakipi ŋiboro ŋulu ka akook a emesek kaapei ka ŋimolokony, ido kicuny emesek daadaŋ erae ainakinet ŋina epeyo, ŋina ebob eure keŋ aneni ke Ekapolon, ŋina erae ainakinet neni ke Ekapolon ŋina epeyo, lopite ŋolo ecikitor Ekapolon iŋes.

Ŋilep. 9:24

Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

1 Sam. 7:9

Aŋun, abu Samuel tolemu imesek ŋini ariŋa enaki, inak neni ke Ekapolon erae ainakinet ŋina epeyo; kigworonok Samuel Ekapolon aŋuna a Ŋisirael, toboŋok nai Ekapolon akilip a Samuel.