Awos. 29:13 - Ebaibul

¹³ Tolemu asepwae daadaŋ ŋina a ŋiboro ka akook ŋatune ke emany ta ŋiŋalur daadaŋ ŋiarei erukito ka asepwae kec. Tope ŋul daadaŋ a Namuroet topuruut.

Awos. 29:13 Iomraidhean Croise

Ŋikiru. 22:14

Apapanu ayoŋ ka acaryoon ikwa ŋakipi ŋuna ebukoryo, nyeriŋa ŋakoyo kaŋ daadaŋ erucokina neni sek eruconokina; ali etau kaŋ ekwaanikin ka amanok ŋina elii imadakinio nakim;

Awos. 12:9

Nyinyam akiriŋ ŋin ejon, kori ipotoi, nai topeo ibore daadaŋ: Ŋakyes, ŋimolokony ka ŋiboro a akook daadaŋ.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Awos. 29:22

“Emaikina daŋ iyoŋ tolemu asepwae ŋina a emesek, asonyok, asepwae ŋina a ŋiboro ka akook, ŋatune ŋuna ke emany, ŋiŋalur ŋuluarei, kaapei ka asepwae kec ka amuro ŋina aloteten. (Erae emesek ŋol ŋolo ituruworere ituŋanan esacaradoti).

Awos. 29:25

Ani edaun ŋun, kijau aneni kec, ido tope idokokinit kidiama ainakinet ŋinace ŋina epeyo a Namuroet; ŋina emaikina epeitoe einakinio Ekapolon, ŋina ebob eure keŋ aneni ke Ekapolon.

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Isa. 34:6

Eyakar Ekapolon ekileŋ, ileleba ŋaokot lokileŋ ŋol, erapit arurak ekileŋ ŋol, ileleba ŋaokot a ŋikaalei a ŋulumesekin ka ŋuna a ŋamee lokileŋ ŋol, ileleba ŋaruraka a ŋiŋalur a ŋimeesekin lokileŋ ŋol, anerae eyakar Ekapolon amuronot Bosira, eari Ekapolon ŋituŋa ŋulu alalak alo Edom.

Isa. 43:24

Nyeyauna iyes neni kaŋ ŋakasirim ŋuna abobok kaapei ka ao, kori nyisimwonikina iyes ayoŋ a ŋasepwa a ŋamuronisya kus. Nai ikican iyes ayoŋ a ŋasecisya kus; ikituupa iyes ayoŋ a ŋaronisya kus.

Ŋilep. 1:15

Emaikina esacaradoti yau ikeny ŋin namuroet, tomojir akou totubo, ido kicuny anamuroet; ido emaikina ŋaokot a ikenyit a ŋin kitiitakinae epeiwae namuroet.

Ŋilep. 1:9

Nai emaikina ŋini elemunit ainakinet ŋin, kilota ŋiboro ka akook a ibarasit kaapei ka ŋimolokony; ido emaikina esacaradoti kicuny ibore ŋin daadaŋ alokidiama amuroet, anerae erae iŋes ainakinet ŋina epeyo, ŋina ebob eure keŋ aneni ke Ekapolon.

Ŋilep. 16:25

Emaikina daŋ iŋes kicuny alokidiama namuroet asepwae a ainakinet aŋuna ka asecit.

Ŋilep. 17:6

Emaikina esacaradoti kipakak ŋaokot namuroet ke Ekapolon ŋina eyai lopuke ke eema a ŋolo ilipere, ido kicuny asepwae erae ŋina ebob eure keŋ aneni ke Ekapolon.

Ŋilep. 4:26

Emaikina iŋes kicuny asepwae daadaŋ alokidiama namuroet lopite ŋolo ecunyia iŋes ŋina ka ainakinet a ŋina ke ekisil. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 4:31

Emaikina esacaradoti tolema asepwae daadaŋ lopite ŋolo alemanarere ŋina ka ainakinet a ŋina ke ekisil, ido emaikina kicuny alokidiama namuroet ikwapei ainakinet ŋina epeyo, ŋina ebob eure keŋ aneni ke Ekapolon. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 4:35

Emaikina esacaradoti tolemu asepwae daadaŋ lopite ŋolo alemarere ŋina ka ainakinet a ŋina ke ekisil, ido emaikina kicuny alokidiama namuroet kaapei ka ŋainakineta ŋuna epeyo aŋuna ke Ekapolon. Alopite a ŋol, emookuni esacaradoti ituŋanan ŋin anasecit keŋ a ŋina abu kitiya, ido isyonio ituŋanan ŋin.

Ŋilep. 6:12

Emaikina kiturubakinae akim enoki alokidiama namuroet; nyemaikina toduŋe. Emaikina esacaradoti kiwuanakini ŋakito nakim a ŋinataparacu, ido kinapanak nakim ainakinet ŋina epeyo, kicuny asepwae ka ainakinet a ŋina ke ekisil.

Ŋilep. 7:3

Emaikina yaarae ŋasepwa a emesek a ŋol daadaŋ erae ainakinet asonyok, asepwae ŋina ka akook,

Ŋilep. 7:31

Emaikina nai esacaradoti kicuny asepwae ŋin, nai kimyek atorobu erae ekiner ka Aron ka ŋidwe keŋ ŋulusapa.

Ŋilep. 7:4

ŋiŋalur ka asepwae kec ŋinapei alodiyete acir ka ŋatune ŋuna ke emany, emaikina tolemarae kaapei ka ŋiŋalur.

Ŋilep. 8:16

Tolemu daŋ Moses asepwae daadaŋ ŋina a ŋiboro ka akook ka ŋatune ke emany ta ŋiŋalur ka asepwae kec, kicuny alokidiama namuroet.

Ŋilep. 8:25

Tolemu asepwae, asonyok, asepwae ŋina a ŋiboro ka akook daadaŋ, ŋatune ke emany ka ŋiŋalur ka asepwae kec ta amuro ŋina aloteten.

Ŋilep. 9:10

Nai abu Aron kicuny alokidiama namuroet ŋinerin lu ŋulu ka ainakinet aŋuna ka asecit: Asepwae ka ŋiŋalur ta ŋatune ŋuna ke emany, lopite ŋolo ecikitor Ekapolon Moses.

Ŋilep. 9:19

Nai abu iŋes tolemu ŋinerin lu: Asepwae ke emoŋ, ŋina ke emesek, asonyok, asepwae a ŋiboro ka akook, ŋiŋalur ka asepwae kec ta ŋatune ŋuna ke emany.

Ekim. 18:17

Nai ikiyae ŋini ka ate, kori a amesek, kori a ameot, nyilokonyunio, erae ikes ŋulu asegak. Emaikina iyoŋ towuatak ŋaokot kec namuroet ka kicuny ŋasepwa kec erae ainakinet ŋina epeyo ŋina ebob eure keŋ aneni ka a Ekapolon,

1 Sam. 2:16

Ani nai keboŋoki ituŋanan ŋin iŋes tema, “Kimyek mono topeoi asepwae, ido nai tolema akiriŋ ŋina icamit iyoŋ daadaŋ,” apedori eketiyan ŋol aboŋokin ebe, “Mam, itemokino iyau tokona, ani kemam, alemari ayoŋ ka agogoŋu.”