Awos. 28:9 - Ebaibul

⁹ Emaikina iyoŋ tolemu ŋamoru ŋaarei ŋuna areŋak puu ŋuna enyaritae onikis, kiciek nen ŋirorwa a ŋidwe a Yakob a ŋulusapa.

Awos. 28:9 Iomraidhean Croise

Akisy. 2:12

ka ejok egolid a akwap a ŋin ka eyai nakwap ŋin eminae ŋolo akukunyon ka ŋamoru ŋuna areŋak puu ŋuna enyaritae Onikis.

1 Ŋakiro a ŋirwa 29:2

Adau ayoŋ akitemonokin ŋiboro aŋuna ka Akai ka Akuj kaŋ, alotooma epite ŋolo abunio opedorya aryamun: Egolid ŋolo itiyaunere ŋiboro ŋulu itiyaunitae a egolid, esilipa ŋolo itiyaunitae ŋiboro ŋulu itiyaunitae a esilipa, eburonis ŋolo itiyaunere ŋiboro ŋulu itiyaunitae a eburonis, ŋasuwa ŋuna itiyaunere ŋiboro ŋulu itiyaunetae a ŋasuwa, ŋakito ŋuna itiyaunere ŋiboro ŋulu itiyaunitae a ŋakito, eyakasi daŋ lu ŋulu alalak nooi: Ŋamoru ŋuna areŋak-pusiyek ŋuna enyaritae Oniks, ŋamoru ŋunakisyakinet aduketait, ŋamoru ŋuna inyalal ŋiraŋgi ŋuna enyaritae Yasiper, ŋamoru ŋuna egelegelya ŋiraŋgi ka ŋikabilae a ŋamoru a daadaŋ ta ŋamoru ŋuna alalak nooi ŋuna iceo ŋiboro.

2 Ŋakiro a ŋirwa 2:7

Aŋun, kiyakikinae ayoŋ ekile ŋolo eyeni nooi akitiya ŋiboro a egolid, a esilipa, a eburonis, a ŋasuwa ka a ŋiraŋgi a lu: A ŋolo kipurat-areŋan, a ŋolo areŋan puu ka a ŋausi a ŋunapusiyek. Ekile ŋolo itatamitae akicienakin ŋitorubei loboro, ikotere iŋes kitiyata kaapei ka ŋituŋa kaŋ ŋulu eya Yudaya ka Yerusalem, ŋulu abu papa kaŋ Daudi okoinak ayoŋ, ŋulu eyenete nooi akiciere ŋiboro.

Yob 28:16

Nyepedoryo akitiriyan aosou ka egolid ŋolo ka Opir, kori akitiriyan ka ŋamoru ŋuna epol egyelit ŋuna enyaritae Oniks kori Sapire.

Awos. 25:7

Kijaununu ikes ŋamoru ŋuna areŋak ŋuna enyaritae Onikis ka ŋinapen ŋice ŋulu iwuanakinio narapeta ka eboli ŋolo ka atorobu.

Awos. 28:10

Kiciek ŋirorwa a ŋikanikapei namoru apei ka ŋirorwa a ŋuluce a ŋulukanikapei namoru ŋinace. Kiciek ŋirorwa ŋulu nen irearit ameun a ŋolo kiyae a Yakob tari neni a ŋolo ŋoorit a Yakob.

Awos. 28:20

Elain ŋolo a ŋiomwon emaikina eyakasi ŋamoru nu: Ŋuna enyaŋiyarito ŋuna enyaritae karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Emaikina ŋamoru ŋun daadaŋ eenianakinitae iwapei, isibakitae a ŋiriko a ŋulu itiyaunitae ke egolid.

Awos. 28:36

“Kitiyau ke egolid bon akaparaparat ŋina ka akou, ido kiciek nen ŋakiro nu: ‘Itesegunitae aŋuna ke Ekapolon.’

Awos. 28:8

Kisikwaana arokoba ka arapet ŋin isibusitae a ŋiboro a ŋulu itiyaunitere arapet a lu: Egolid, ŋanaŋgae ŋunapusiyek, ŋunakipura-areŋak ka ŋuna areŋak ta ŋuna amilimilak ŋuna edonyuno ejok.

Awos. 31:5

akibet ŋamoru ŋunakirikakinet ŋaduketa, epite ŋolokiciet ŋakito ka ŋolokitiyaet ejok etic ece daadaŋ a ŋakan.

Awos. 39:13

Elain ŋolo a ŋiomwon ayakasi ŋamoru nu: Ŋuna enyaŋiyarito ŋuna enyaritae Karisolite ka ŋuna areŋak puu ŋuna enyaritae onikis ta ŋuna inyalal ŋiraŋgi ŋuna enyaritae Yasiper. Aenianakinitae ŋamoru ŋun iwapei isibakitae a ŋiriko a ŋulu etiyaunitae ke egolid.

Awos. 39:6

Kitemonok Besalel ŋamoru ŋuna areŋak puu ŋuna enyaritae onikis, toenianak loriko ŋulu ke egolid; ecienakinitae namoru ŋun ejok nooi ŋirorwa a ŋidwe a Yakob a ŋulusapa.

Eete a Ŋie. 8:6

kiwuak lotau kon amina ayoŋ bon, nyitiŋ akan a apese a ace mati ŋina kaŋ bon; anerae egogoŋ amina ikwaan ka atwanare, ededeŋ ekibure ikwaan ka akipany, erirae amina ikoni arira ŋina ka akim, mam ibore imyekini lopite ŋolo nyimyekinia akim ibore.

Isa. 49:16

Kiirasi, adau ayoŋ akigirakin iyes nenidapal a ŋakan kaŋ, ekeyoki ayoŋ iyes a ŋinapaki alotooma ŋarwatatain kus.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Sakar 9:16

“Ani edoluni akoloŋit ŋin, eiuni Ekapolon Akuj ŋituŋa keŋ lopite ŋolo eiunia ekeyokon ŋamesekin keŋ alocan. Ileereunete ikes anakwap ke Ekapolon a Akuj ikwa ŋasuwa ŋuna amilimilak ŋuna inaminamitae lobokot.