Awos. 28:41 - Ebaibul

⁴¹ Ekaku kitanap iyoŋ lokaato kon Aron ka ŋidwe keŋ ŋulusapa ŋilowi ŋul, kios ikes a akimyet, kitaleu, ikotere eruworosi ŋisacaradotin ŋulu eketiyanakinete ayoŋ.

Awos. 28:41 Iomraidhean Croise

Awos. 28:1

“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar.

Awos. 28:4

Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin.

Awos. 29:24

kiwuak ŋiboro ŋul daadaŋ nakan ka Aron ka nakan a ŋidwe keŋ a ŋulusapa, kikyaa kidiama iinakini ikes, toruworos ainakinet ŋina ikyaaritae alokiŋaren Ekapolon.

Awos. 29:35

“Emaikina iyoŋ kitiya neni ka Aron ka neni a ŋidwe keŋ a ŋulusapa, ŋakiro ŋun daadaŋ ikwapei ekecikia ayoŋ iyoŋ. Kituruwo ikes ŋisacaradotin alotooma ŋirwa ŋikanikaarei.

Awos. 29:7

Kidau akitanap, tolemu akimyet ŋina ke etal tobukok nakou keŋ, kitaleu iŋes.

Awos. 29:9

toenik nai nacirin kec ŋarokobae, ido kiwuak nakyes kec ŋakopiyae, toruworos ikes ŋisacaradotin. Epite ŋol iŋes ituruworya iyoŋ Aron ka ŋidwe keŋ ŋulusapa ŋisacaradotin, eruwor asacaradotonu etal a ŋiletok ka Aron ŋoloruba.

Awos. 30:35

Kinyalu ekinyate alomina a ŋul ŋolo ajokan, ŋolo ikwaan ka ŋolo inyalunit eketiyan ekinyate ejok. Kiwuak acumbi lokinyate ŋol, ikotere kitojok acumbi iŋes jik erae ŋolo italeuno.

Awos. 40:13

Kitanapik Aron ŋilowi ŋulu ke etal a nen, ido kiosak akimyet neni keŋ, kitaleu iŋes, ikotere eketiyanak ayoŋ ikwapei esacaradoti.

Awos. 40:15

ido kiosak akimyet neni kec lopite ŋolo ibunio kiosakinia neni a papa kec, ikotere ikes eketiyanakis ayoŋ ikwapei ŋisacaradotin. Akiosakino kec akimyet ŋin, ituruwori ikes ŋisacaradotin ka eruwor ŋiletok kec ananyameta daadaŋ ŋisacaradotin.”

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Esek. 43:26

Emaikina ikes alotooma ŋirwa ŋulukanikaarei ŋul tomookut, namuroet, kitaleut iŋes toruwor ŋina epedoryo akisitiya.

Ŋilep. 10:7

Nyilomasi kiŋa epuke ŋolo ke eema a ŋolo ilipere, ani kitiyata iyes ŋun, itwakete iyes, anerae ikitaleunitoe iyes ka akimyet a ŋina ke Ekapolon a ŋina iosere ŋituŋa.” Aŋun, apotu ikes kitiyata ikwapei alimokinitor Moses ikes.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 3:3

erae ŋul ŋidwe ka Aron, ŋisacaradotin ŋulu aponi inakinae etic ŋolo ka asacaradotonu.

Yoa. 3:34

Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

Ŋibur. 7:28

A Lokisila a Moses, aseununuyo ŋikilyok ŋulu apalag alotai aruwor ŋisacaradotin ŋulu Apolok nooi; nai anakiikinet a ŋina ka Akuj a ŋina elimunitoe anakikoŋiet a ŋina abuni eriŋa Ŋikisila, aponi toseunae Lokoku ka Akuj ŋolo aponi kituruworoe ŋolo iyookino kire ŋikaru ka ŋikaru.

1 Yoa. 2:20

Nai ikiinak iyes Kristo Etau ŋolo Asegan ka iyenete iyes daadaŋ ŋun.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.