Awos. 28:40 - Ebaibul

⁴⁰ “Kitiyau aŋuna a ŋidwe ka Aron a ŋulusapa ŋisatyo, ŋarokobae ka ŋakopiyae. Ituruworete ŋinapito ŋul ikes ŋulu ekerer ka itopoloorito ŋituŋa.

Awos. 28:40 Iomraidhean Croise

Awos. 28:2

Kitiyau ŋilowi ŋulu ka apolou ka akibuses ŋulu enapi lokaato kon Aron.

Awos. 28:4

Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin.

Awos. 29:8

Ani irikakini, yau ŋidwe keŋ ŋulusapa, kitanapik ŋisatyo,

Awos. 29:9

toenik nai nacirin kec ŋarokobae, ido kiwuak nakyes kec ŋakopiyae, toruworos ikes ŋisacaradotin. Epite ŋol iŋes ituruworya iyoŋ Aron ka ŋidwe keŋ ŋulusapa ŋisacaradotin, eruwor asacaradotonu etal a ŋiletok ka Aron ŋoloruba.

Awos. 39:41

Yaut ikes ŋilowi ŋulu edonyitoe ejok ŋulu itiyaere anakibois a ŋina asegan, ŋilowi ŋulu ke etal ŋulu ka Aron ke esacaradoti ka ŋulu a ŋidwe keŋ a ŋulusapa a ŋulu itiyaete ikwapei ŋisacaradotin.

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ŋilep. 8:13

Yau nai ŋidwe ka Aron ŋulusapa kiŋaren, kitanapik ŋisatyo, ŋarokobae ka ŋakopiyae, lopite ŋolo ecikitor Ekapolon iŋes.

Tito 2:10

kori nyekokoyete aneni kec. Akilo, itemokino ikes kitoodiunito atemar ejokak ka ikinyoma ikes jwi jwi, ikotere itopoloorete ikes akitatam ŋina ka Akuj a ŋina erae Akaiunan yok, anibore a daadaŋ a ŋini itiyaete ikes.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”