Awos. 28:30 - Ebaibul

³⁰ Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”

Awos. 28:30 Iomraidhean Croise

Esir 2:63

aŋun, abu ekepukan tolimok ikes atemar nyemaikina ikes kimuja ŋamuja ŋuna itesegitae, mati kilamilam esacaradoti toyenunia ŋakiro ŋuna emaikina ikes kitiyata.

Neem. 7:65

Aŋun, abu ekepukan tolimok ikes atemar nyemaikina ikes kimuja ŋamuja ŋuna itesegitae, mati kilamilam esacaradoti toyenunia ŋakiro ŋuna emaikina ikes kitiyata.

Awos. 28:29

“Apaki daadaŋ ŋina elomarya Aron nakibois ŋina Asegan nooi alotooma Eema, emaikina iŋes tonap anatorobu keŋ eboli ŋolotubet ŋakiro ŋol, ŋolo eya ŋamoru ŋuna igiritae ŋirorwa a ŋidwe a Yakob a ŋulusapa. Erae ŋun aŋuna ka atamunitor ikes alokiŋaren Ekapolon a ŋinapaki a daadaŋ.

Ŋilep. 8:8

Kitanapik Moses Aron eboli, ido kiwuak ŋiboro lu loboli: Ibore ŋini isileereununui ŋakiro ŋini enyaritae Urim

Sakar 6:13

Erae iŋes edukokini Akai ŋina ke Ekapolon, ido einakinio iŋes apolou ŋina ailiilon, iboikin iŋes kipuka alokicoloŋ a ŋolo ka apolou. Eruwor iŋes esacaradoti anapukan keŋ. Itiyaete ikes ŋiarei kaapei alotooma ekisil ka akimorikina.’

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

2 Ŋikor. 12:15

Abuni ayoŋ alakari nooi erae kekesunyak iyes ŋinibore daadaŋ ayakar ka ojal akuwan kaŋ daŋ aŋuna ka akiŋarakin ŋitai kus. Kaanukiro ikiminatar iyes ayoŋ iwadiocici aŋuna akaminar ayoŋ iyes nooi?

2 Ŋikor. 7:3

Nyalimunit ayoŋ nu aŋuna ka atubokinia iyes; anerae ikwapei sek alimunitor ayoŋ ekiŋaren atemar ikiminae isua iyes nooi, iŋes nai ikitamunitor isua iyes jwi jwi alotai kosi, kikiyari kori kikitwaka.

Ŋikis. 33:8

Abu Moses kirwor ŋakiro nu aŋuna a ŋituŋa a ekabila a Lepi: Inak ŋiletok a Lepi ibore ŋini enyaritae Sumim, inak daŋ ikes ibore ŋini isileereununui ŋakiro ŋini enyaritae Urim, ŋiletok a Lepi ŋulu ibu iyoŋ kikatak alo Masa, ŋulu ibu iyoŋ apaki ŋina ayakatar neni aya ŋakipi ŋuna a Meriba,

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 9:12

Abu Kristo toloma loeema akitodol Nakibois ŋina Asegan nooi apeilomaret ŋina itemokino jik; pa atiŋit iŋes ŋaokot ŋuna a ŋamee ka ŋuna a ŋitak a ŋulu moŋin, nai abu toloma a ŋaokot keŋ ke elope, ido eyau alakuno yok ŋina a jik.

Ŋibur. 9:24

Anerae pa alomarit Kristo Nakibois ŋina Asegan ŋina adukunete ŋituŋa, ŋina erae iŋes bon erae akisikwaanet ka Akibois a ŋina a kire. Nai nakuj abu iŋes toloma, neni tokona ewuar iŋes alokiŋaren Akuj aŋuna yok.

Ŋikat. 1:1

Ekaku a atwanare a Yosua, apotu Ŋisirael kiŋita Akuj temasi, “Ataŋae itipeiyorete ikiŋarenikis isua akitijikin Ŋikanaani?”

Ŋikat. 20:18

Toloto Ŋisirael kiŋaren kitipeiyosi Besel neni eŋituniata ikes ŋakiro aneni ka Akuj ebasi, “Ŋae alokidiŋ kosi itipeiyori ekiŋaren akitijikin ŋituŋa a ekabila a Benjamin?” Toboŋok Ekapolon tema, “Ŋituŋa ekabila a Yuda ikes itipeiyorete ekiŋaren.”

Ŋikat. 20:23

Kitipeiyosi Ŋisirael, kigworo neni ke Ekapolon apaaran daadaŋ akitodol eboŋ, kiŋita nabo ikes Ekapolon ŋakiro temasi, “Elosyo ba nabo isua diyete akicodor akitijikin ŋiyeneta kosi ŋituŋa a ekabila a Benjamin a?” Toboŋok Ekapolon ikes tema, “Toloto kitijikisi ikes.”

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.