Awos. 28:3 - Ebaibul

³ Kisirwor ŋituŋa daadaŋ ŋulu epedorete akiirar ŋakiro, ŋulu adau ayoŋ ainakin aosou, tolimok ikes atemar kitiyaut ŋilowi ka Aron ŋulu ituruworere iŋes esacaradoti kaŋ.

Awos. 28:3 Iomraidhean Croise

1 Ŋirw. 7:14

Arae Iram lokoku ka apuserut a ŋina alokabila a Naputali, arae sek papa keŋ ŋolo alo Tiro, arae iŋes eketiyan ŋiboro a ŋasuwa a ŋuna a eburonis. Ayeni Iram nooi epite ŋolokitiyaet ka aos, ayeni akitiya ŋiboro a ŋasuwa a ŋuna a eburonis. Abu Iram bu neni a Solomon kitiya etic ŋolo amaikina iŋes kitiya daadaŋ.

Awos. 35:10

“Emaikina ŋituŋa daadaŋ alokidiŋ kus ŋulu epiiryaka akitiya ŋiboro potu kitiyaut ŋiboro daadaŋ ŋulu ikicik iwon Ekapolon akitiyaun lu:

Awos. 35:25

Apotu ŋaberu daadaŋ ŋuna apiiryaka akidony ŋiboro a ŋakan todonyut ŋanaŋgae nu: Ŋunapusiyek, ŋunakipura-areŋak ka ŋuna areŋak ta ŋuna amilimilak, yaut neni ke Ekapolon;

Awos. 35:30

Tema nai Moses neni a Ŋisirael, “Kiirasi, adau Ekapolon aseun Besalel lokoku a Uri, lopapaait a Ur a ŋolo alokabila a Yuda.

Awos. 35:31

Adau Ekapolon akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore,

Awos. 35:35

Elelebik neni kec apiiryanut ŋinakitiyaet ŋiticisyo daadaŋ ŋulu egelegelya, ikwapei akiciere ŋiboro, akiram ŋitorubei, akisibus ŋinapito a ŋiraŋgi a lu: A ŋolopus, a ŋolo kipurat-areŋan areŋan ka ŋolo areŋan ta ŋolo amilimilan. Ainaki ikes apiiryanut ŋina edonyioto ŋilowi, ido aruwor ikes daadaŋ ŋulu eyenete nooi akiciere ŋiboro ka akiram ŋitorubei.”

Awos. 36:1

Apotu Besalel ka Oliab ta daadaŋ ŋulu abu Ekapolon inak apiiryanut ka aosou ŋina enunet epite ŋolokitiyaet ŋiticisyo daadaŋ ŋulu edukunere akibois ŋina Asegan, kitiyata daadaŋ ŋuna ecikit Ekapolon ikes akitiya.

Awos. 36:2

Abu nai Moses tonyarau Besalel ka Oliab ta ŋituŋa daadaŋ ŋulu apiiryanak ŋulu abu Ekapolon inak apedor, ido tocamunito alotai kec aponare akitiya etic.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Isa. 11:2

Eyakaun etau ŋolo ke Ekapolon neni keŋ, eyakaun etau ŋolo ka aosou ka ayenut neni keŋ, eyakaun etau ŋolo esirworiunan ka ŋolo ka apedor neni keŋ, eyakaun etau ŋolo ka ayenut ka ŋolo ka akitopoloorit Akuj neni keŋ.

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋikis. 34:9

Kilelebun etau ŋolo ka aosou neni a Yosua a lokoku a Nun, anerae abu Moses kidokok ŋakan keŋ neni keŋ ka apotu Ŋisirael kiwuapa ŋakiro keŋ itiyaete lopite ŋolo ecikitor Ekapolon Moses.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.