Awos. 28:18 - Ebaibul

¹⁸ Elain ŋolo a ŋiarei emaikina eyakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald.

Awos. 28:18 Iomraidhean Croise

Yob 28:16

Nyepedoryo akitiriyan aosou ka egolid ŋolo ka Opir, kori akitiriyan ka ŋamoru ŋuna epol egyelit ŋuna enyaritae Oniks kori Sapire.

Yob 28:6

Namoru ŋuna pei eya kwap iŋes eryamunere ŋuna enyaritae Sapire ka nalup ŋuna eya kwap iŋes eryamunere egolid.

Awos. 24:10

Kiŋolikis a nen Akuj a Ŋisirael. Kwap ŋakejen keŋ, ayai ibore ŋini enaminamakina neni pus ŋini ekwaan ka amoru ŋina enyaritae Sapire. Eleere nen epusiyana ikoni kidiama eliilii.

Awos. 28:17

Kedaun akitiyaun eboli, emaikina topetakinae kidiama ŋilaino ŋiomwon ŋulu a ŋamoru a ŋuna epol egyelit, elain ŋolo esyaunan emaikina eyakasi ŋamoru nu: Ŋuna areŋak puu ŋuna enyaritae Karinelian ka ŋuna enyaŋiyarito ŋuna enyaritae Topas ta ŋuna alibak nooi ŋuna enyaritae karisolite.

Awos. 28:19

Elain ŋolo a ŋiuni emaikina eyakasi ŋamoru nu: Ŋuna inyalal ŋiraŋgi ŋuna enyaritae Jacinis ka ŋuna egogoŋ nooi ŋuna enyaritae Agate ta ŋunapusiyek-areŋak ŋuna enyaritae Amesist.

Awos. 39:11

Elain ŋolo a ŋiarei ayakasi ŋamoru nu: Ŋuna inyalal ŋiraŋgi ŋuna enyaritae Yasiper ka ŋunapusiyek ŋuna enyaritae Sapire ta ŋuna alibak nooi ŋuna enyaritae Emerald.

Eete a Ŋie. 5:14

Ediryaka ŋakan keŋ ka enapit iŋes ŋikabobooe ŋulu eya ŋamoru ŋuna amilimilak, esulut akuwan keŋ ikwaan ka ekelae a etom, esirit iŋes akuwan keŋ a ŋinapen a ŋulu amilimilak.

Yer. 17:1

Igiritae asecit a ŋituŋa a Yudaya ka akalamu a ŋina erae asuwat, igirakinitae lotai kec a akou a akalamu a ŋina erae asuwat ŋina enyaritae diamon ka igirakinitae namomwar a ŋamuroeta kec.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 10:1

Abu nai ayoŋ eŋoliya nariwo ŋina eyai kidiama ŋakyes a ŋisubuna a ŋulu a ŋabebenuk, ayai nen ibore ŋini ekwaan ka ekicoloŋ ŋolo itiyaunitae a ŋamoru a ŋunapusiyek a ŋuna enyaritae Sapire.

Esek. 27:16

Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Esek. 28:13

Iboi iyoŋ paaran esibit iyai Eden, lomanikor ŋolo ka Akuj; apotu ŋamoru ŋuna epol egyelit daadaŋ ikisibusa iyoŋ inapit; ŋamoru ŋun ikes nu: Ŋuna areŋak puu ŋuna enyaritae Rubi, ŋuna enyaŋiyarito ŋuna enyaritae Topas, ŋuna inyalal ŋiraŋgi ŋuna enyaritae Diamon, ŋuna enyaŋiyarito ŋuna enyaritae Beril, ŋuna areŋak puu ŋuna enyaritae Oniks, ŋuna inyalal ŋiraŋgi ŋuna enyaritae Yasiper, ŋuna epusiyaka ŋuna enyaritae Sapire, ŋuna inyalal ŋiraŋgi ŋuna enyaritae Turikuoise, ŋuna alibak nooi ŋuna enyaritae Emerald ka egolid. Iyakar iyoŋ ŋinapito ŋulu enaminamitae egolid; aponi kitemonokinoe ŋinapito ŋul akoloŋit ŋina ikisubunere iyoŋ.

Akis. 4:3

Amilimili ituŋanan ŋini eboi a nen, ekwaan ka amilimil a ŋamoru a ŋuna enyaritae Yaspa ka Karanelia. Erikaunit ekicoloŋ alokakinet ŋina ekwaan ka amoru ŋina aliban nooi ŋina enyaritae Emeral.