Awos. 27:21 - Ebaibul

²¹ Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 27:21 Iomraidhean Croise

Akisy. 1:5

Tolimok Akuj ekiro ka akica “Apaaran” ka ekiro ka akiryonut “Akuwar.” Toyakaun ataboŋ ka toyakaun ataparacu, arae ŋin akoloŋit ŋina esyakinan.

Akisy. 1:8

Tolimok Akuj ariwo kidiama. Toyakaun ataboŋ ka toyakaun ataparacu, arae ŋin akoloŋit ŋina a ŋaarei.

2 Ŋakiro a ŋirwa 13:11

Einanakinete ikes Ekapolon a ŋinataparacu ka a ŋinataboŋ ŋainakineta ŋuna epeyo ka icunyete ekinyate. Iwuanakinete ŋamugati lomesa ŋolo asegan ŋolo ke etal ka inokanakinete ŋitaae a ŋinataboŋ anawoeta a ŋitaae aŋuna itiyaunitae ke egolid. Iwuapitae isua ŋuna ikicik Ekapolon Akuj kosi, nai imyekis iyes iŋes.

Ŋikiru. 134:1

Potu, kipuro Ekapolon, iyes ŋiketiyak ŋulu ke Ekapolon daadaŋ, kipuro iŋes, iyes ŋulu itiyaete nakwaare alo Kai keŋ.

Awos. 12:14

“Emaikina iyes torubakis itamunito akoloŋit na, kitiyaete ŋasuban aŋuna ke Ekapolon akoloŋit na ananyameta kus a daadaŋ ka itamunito ŋasuban ŋun erae etal ŋoloruba jik.

Awos. 16:34

Abu nai Aron kitiya lopite ŋolopei alimokinitor Moses iŋes, tosipok amot ŋina ayai Manna kiŋaren Asaduku ŋina a Acamunet, ikotere kidarae a nen.

Awos. 25:16

Kiwuak Nasaduku ŋin ŋamoru ŋunadapal ŋaarei ŋuna abuni ayoŋ ainakin iyoŋ.

Awos. 28:43

Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”

Awos. 29:28

Emaikina Ŋisirael inanakis Aron ka ŋidwe keŋ ŋulusapa ŋinerin ŋul ŋapakio daadaŋ. Erae ŋinerin ŋul ainakinet a Ŋisirael neni ke Ekapolon alotooma ŋiboro ŋulu einanakinete ikes Ekapolon epote akilip kaapei.

Awos. 29:42

Emaikina ainakinet na ŋina epeyo toruwor ŋina itiyaete ŋanyameta daadaŋ apaki ŋina emaikina kitiyaere. Kitiyata ŋun alopuke ke Eema a ŋolo iryamununoi alokiŋaren Ekapolon, aneni ikiryamun ayoŋ ka iyes okolimok iyes ŋakiro.

Awos. 29:44

Aŋun, etaleuni ayoŋ Eema ŋolo iryamununoi ka Namuroet. Etaleuni ayoŋ Aron ka ŋidwe keŋ ŋulusapa daŋ, eketiyanakis ayoŋ ikwapei ŋisacaradotin.

Awos. 30:21

Emaikina ikes kilotasi ŋakan ka ŋakejen kec, ikotere nyetwaka. Emaikina ŋun toruwor etal aneni ka Aron ka ŋiletok keŋ ananyameta kec a daadaŋ.”

Awos. 30:36

Kirye ekinyate ŋol ece todopirir, ido kiwuak ece kiŋaren Asaduku ŋina ka Acamunet, tooma Eema ŋolo iryamununoi, nakibois ŋina ikiryamun ayoŋ ka iyoŋ. Emaikina ekinyate ŋol erae kire jik aneni kon ŋolo italeuno.

Awos. 30:8

Emaikina Aron kicunyanak ekinyate tari eboŋ apaki ŋina ebunio iŋes akinokakin ŋitaae, ikotere ekinyate icunyakinitae a ŋinapaki a nen, alokiŋaren Ekapolon ananyameta tari a ŋuna epote.

Awos. 40:3

Kiwuak tooma keŋ Asaduku ŋina ka Acamunet, kiriwok anaŋga kidiŋ Eema ŋol kiteriboo Asaduku ŋina ka Acamunet.

Ŋilep. 10:9

“Nyemaikina iyoŋ ka ŋidwe kon ŋulusapa apaki ŋina ilomaryata loeema ŋolo ilipere tomata epiini, kori ŋagwe ŋadi ŋuna adwarak. Ani kitiyata ŋun, itwakete. Erae ŋol etal ŋolo a ŋikaru ka ŋikaru tari ananyameta a ŋuna eponito.

Ŋilep. 16:34

Emaikina iyes torubakis iwuapito ŋakiro ŋuna etubunitoe ŋun ŋikaru ka ŋikaru. Emaikina iyes tomookete Ŋisirael a ŋolokaru aŋuna a ŋasecisya kec amookunet epei.” Abu nai Moses kitiya ŋun lopite ŋolo ecikitor Ekapolon iŋes.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Ŋilep. 23:14

Nyemaikina iyes tonyama amugati adio, kori ekinyomit edio ŋolokitete epeitoe, kori ejon, akitodol akoloŋit ŋina iyauniata iyes ŋainakineta ŋun neni ka Akuj kus. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 23:21

Akoloŋin ŋin, emaikina kiserata ŋakiro ŋuna a ŋasuban, tocunakinos iwapei kilipa irae ŋulu asegak; nyilot loticisyo kus akitiya. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 24:2

“Emaikina iyoŋ tolimok Ŋisirael yaut neni kon akimyet ŋina ecuunitae alokito a ŋulu enyaritae Olipa, kinokonakinia iyoŋ etaa a ŋinakoloŋit.

Ŋilep. 24:3

Emaikina Aron kinokak etaa ŋol alotooma eema ŋolo ilipere, alokiŋa anaŋga ŋina iteriboorit Asaduku ŋina ka Acamunet. Emaikina etaa ŋol tonok alokiŋaren Ekapolon ŋarwa daadaŋ, eboŋ kiwala. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ a ŋuna eponito.

Ŋilep. 24:9

Erae ŋamugati ŋun ŋuna ka Aron ka ŋidwe keŋ ŋulusapa, emaikina ikes kimuja ŋamugati ŋun anakibois a ŋina asegan, anerae erae ŋun ainakinet kec apei ŋina asegan nooi anainakineta a ŋuna epeyo neni ke Ekapolon. Erae ŋun ŋuna emaikina ikes toryamununeete ŋikaru ka ŋikaru.”

Ŋilep. 3:17

Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Ŋilep. 3:8

Emaikina ituŋanan ŋin kidokok akan keŋ nakou ka ainakinet keŋ a ŋin, ido toar alopuke ke eema a ŋolo ilipere. Kipakakis nai ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 6:15

Emaikina esacaradoti tomuk ŋakirya ŋuna ajokak ŋadi ileleba akan, tolemu akimyet kaapei ke ekinyate ŋolo idokokinitoe nainakinet ŋin, yaasi ainakinet ŋin ŋina ke etal, kicunya alokidiama namuroet, erae ainakinet ŋina ebob eure aneni ke Ekapolon.

Ŋilep. 7:36

Abu Ekapolon kicik Ŋisirael ainanakin ŋisacaradotin ŋinerin ŋul apaki ŋina ituruworere ikes ŋisacaradotin, kituruwo ŋinerin ŋul ŋulu emaikina ikes toryamununeete ananyameta kec a daadaŋ.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Ekim. 18:23

Nai ŋilepi ikes itiyaete ŋiticisyo aloeema a ŋolokilipet, asecit daadaŋ ŋina itiyaete ikes a nen, eruwor nakyes kec; eruwor ŋun ŋakiro ŋuna etubunitoe ŋuna emaikina kiwuapae ŋikaru ka ŋikaru. Nai nyeryamunete ŋadilup alo Isirael,

Ekim. 18:5

Iyes ŋikulepek itiyaete ŋiticisyo anakibois a ŋina asegan ka anamuroet ikotere nyeyakaun nabo anyunyura neni a Ŋisirael.

Ekim. 19:21

Eruwor ŋun ŋakiro ŋuna etubunitoe, ŋuna emaikina kiwuapae ŋikaru ka ŋikaru. Ituŋanan ŋini ewuasi ŋakipi ŋunakitaleet, emaikina kilota ŋilowi keŋ, ido ituŋanan daadaŋ ŋini etapi ŋakipi ŋunakitaleet, eruwor ŋini itoroniyaritae akitodol eboŋ.

Ekim. 35:29

“Eruwor ŋakiro ŋun ŋuna etubunitoe ka ekisil aŋuna kus ka ananyameta kus a daadaŋ aneni daadaŋ iboiyoto iyes.

Ekim. 8:9

Emaikina iyoŋ yau ŋilepi kiŋaren eema ŋolokilipet, ido tocunak Ŋisirael daadaŋ.

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Luk. 12:35

“Tonyikito ŋikusilowi ejok, tonokete ŋikusitaae.

Yoa. 5:35

Ekwaan Yoana ka etaa ŋolo enepi tocai ka ipotu iyes tolakaros adiotipei anakica keŋ.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.

1 Sam. 3:3

Ariŋa apaki ŋin nyituduŋio etaa ka Akuj, ido aperi Samuel alo Kai a ŋina ke Ekapolon, aneni ayai Asaduku ŋina ka Akuj.

1 Sam. 30:25

Akisyakin anakoloŋit a ŋin, abu Daudi totub ŋun erae ekisil ŋolo amaikina kiwuapae anakwap a Isirael; eriŋa ŋun iwuapitae tari nakoloŋit na.