Awos. 26:33 - Ebaibul

³³ Kinenek anaŋga kwap ŋikodoce, ido kiwuak Asaduku ŋina ka Acamunet yaye anaŋga ŋin. Kiwuak anaŋga ŋin kidiŋ totyak akibois ŋina Asegan ka ŋina Asegan nooi.

Awos. 26:33 Iomraidhean Croise

1 Ŋirw. 6:16

Topaka iŋes agule kwap Kai. Arae aoyau a agule a ŋin alokwap tari kidiama ŋimitae ŋikanikaomwon. Apakaritae agule ŋin a ŋakito a ŋuna a Cedar. Abu iŋes todukok agule ŋin tooma Akai ka Akuj erae akibois ŋina asegan ka akibois ŋina asegan nooi.

1 Ŋirw. 8:10

Ani elomunete ŋisacaradotin anakibois a ŋina asegan nooi, toburusiya edou Akai ke Ekapolon,

1 Ŋirw. 8:6

Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

2 Ŋakiro a ŋirwa 3:8

Todukok Solomon akibois ŋina asegan nooi, eriyan aoyau keŋ alosepyon ka aoyau ŋina ka Akai ka Akuj alokiŋaren ka neni iteotor. Arae aoyau alosepyon ka agule a ŋin alotooma ŋimitae ŋikanikaomwon, alokiŋaren ka neni iteotor, arae ŋimitae ŋikanikaomwon. Kidelesik iŋes tooma agule ŋin egolid ŋolo ajokan ŋolo arae apotis keŋ ŋakiloi ŋalipyo ŋaarei ka amiat.

Awos. 25:16

Kiwuak Nasaduku ŋin ŋamoru ŋunadapal ŋaarei ŋuna abuni ayoŋ ainakin iyoŋ.

Awos. 26:32

Kinenek anaŋga ŋin a ŋikodoce a ŋulu itiyaunitae ke egolid lopirin ŋiomwon ŋulu a ŋikito a ŋiwo, lopirin ŋul ŋulu eburusikinitae egolid, ido tosipokinitetei ŋasuwa ŋunaomwon ŋuna itiyaunitae a esilipa.

Awos. 27:10

Kitiyau ke eburonis ŋipirin a akibois a ŋin ŋatomoniarei ka ŋawoeta a ŋipirin a ŋul ŋatomoniarei, nai ŋikodoce ŋulu inenetere ŋanaŋgae lopirin kaapei ka ŋikabobooe ŋulu imoryanakinere ŋanaŋgae ŋun, emaikina kitiyau ke esilipa.

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 36:36

Kitiyau iŋes anakito ke eewoi ŋipirin ŋiomwon ŋulu inenekinio anaŋga ŋin, ido toburusikis egolid lopirin ŋul, kitiyau iŋes ke egolid ŋikodoce akodakinia anaŋga ŋin lopirin ŋul, ido tosipok ŋipirin ŋul kidiama esilipa.

Awos. 40:21

Ani kirikak ŋun, abu yau Asaduku ŋina ka Acamunet tooma Eema ŋolo iryamununoi, ido kiwuak anaŋga ŋina eteriboorit Asaduku ŋin. Aŋun, abu iŋes kiteriboiyo ka anaŋga Asaduku ŋina ka Acamunet, lopite ŋolo ecikitor Ekapolon iŋes.

Awos. 40:3

Kiwuak tooma keŋ Asaduku ŋina ka Acamunet, kiriwok anaŋga kidiŋ Eema ŋol kiteriboo Asaduku ŋina ka Acamunet.

Esek. 41:4

Abu iŋes kipim aoyau a agule a ŋin alosepyon, toryamu eriyan ŋiwaetin daadaŋ erae ŋimitae ŋitomon. Ayai agule ŋin yaye ŋina alokidiŋ ameun alopuke. Tema nai ekile ŋol neni kaŋ, “Erae Akibois na ŋina Asegan Nooi.”

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.