Awos. 25:20 - Ebaibul

²⁰ Emaikina Ŋisubuna ŋul epetarito ŋabebenuk kec kidiama, erounito ŋabebenuk kec akibois ŋina a akisyonio. Emaikina ikes iteosi, iŋoliyarito nakibois ŋina a akisyonio.

Awos. 25:20 Iomraidhean Croise

1 Ŋakiro a ŋirwa 28:18

tolimok etyae ke egolid a ŋolo ajokan a ŋolo amaikina kitiyaunere Namuroet ŋina icunyere ekinyate ka etyae ŋolo amaikina kitiyaunere ŋagaari ŋuna a Ŋisubuna a ŋulu aya ŋabebenuk ŋuna apetara imukorito Asaduku ŋina ka Acamunet ke Ekapolon.

1 Ŋirw. 8:7

Apetarito Ŋikerubim ŋabebenuk kec alokidiama akibois ŋina ewuakinitae Asaduku, aŋun, arapuwarito Ŋikerubim kidiama Asaduku ka ŋipirin ŋulu awuar Asaduku.

Ŋibur. 9:5

Kidiama Asaduku ŋina ka Acamunet, ayakasi ŋisubuna ŋulu a ŋabebenuk ŋulu esileereunito ayakau ŋina ka Akuj, emukunito ŋabebenuk kec akibois ŋina ka akisyonio. Nai meere tokona apaki na ŋina isisyaunere ŋakiro daadaŋ ŋuna ikamunito ikes.

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.

Ŋibur. 1:14

Erae nai ŋimalaikan nyo? Erae ŋitai ŋulu itiyaete etic ŋolo ka Akuj, ŋulu iyakuunitae akiŋarakin ŋulu eiunio.

Ŋikol. 2:10

ka adaun ainakin iyes akiyar ŋina ileleba anakimorikina kus ka iŋes. Epolokinit iŋes ŋipyan daadaŋ ŋulu ipukato ka ŋikapolok daadaŋ.

Ŋiep. 3:10

ikotere nai alotooma Ŋikristo toyenut ŋikepukak ka ŋapedorosyo ŋuna anakuj aosou ŋina ka Akuj alotooma ŋiboro daadaŋ.

1 Ŋikor. 11:10

Erae ŋakiro ŋun itemokino aberu imukitor akou ka akitambara kitoodiunia apolou keŋ aŋuna a ŋimalaikan.

1 Ŋikor. 4:9

Anerae atami ayoŋ atemar adau Akuj akituruwor isua Ŋikiyakia ŋulu ikidisyak akilo daadaŋ. Ikikokini isua ŋituŋa ŋulu etubokinitae atwanare alokiŋaren ŋimalaikan ka ŋituŋa daadaŋ.

Yoa. 1:51

Kiyatak iŋes tema, “Akalimokini ayoŋ iyes kire atemar, iŋolikinete iyes nakuj eŋaara ka ŋimalaikan elosete kidiama ka eponito kwap neni a Lokoku a Ituŋanan.”

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Esek. 28:14

Abu ayoŋ ewuak emalaika ŋolo ikitubuli akitere iyoŋ; ibu iyoŋ kiboi alomukura a ŋolo asegan a ŋolo ka Akuj; itorenene iyoŋ kidiŋ ŋamoru ŋuna enepete.

Esek. 1:20

Apedorito ŋisubuna ŋul alosit neni daadaŋ acamito ikes, ido ŋiboorei ŋulu ekwaan ka ŋakejen a agaari daŋ, aloseneneete neni elosete ŋisubuna anerae ayai acamit a ŋisubuna neni a ŋiboorei a ŋulu ekwaan ka ŋakejen a agaari.

2 Ŋakiro a ŋirwa 3:10

Kiwuak Solomon ŋitorubei a ŋisubuna a ŋulu a ŋabebenuk ŋiarei nakibois ŋina asegan nooi, kidelesik egolid lotorubei ŋul.

Awos. 25:18

Kitiyau ŋitorubei a Ŋisubuna

Akisy. 28:12

Ani ejotoe iŋes, kiruja, kiŋolik adoket ewoi anyoun alokwap tari nakuj; kiŋolik ŋimalaikan ŋulu ka Akuj elosete kidiama ka eponito kwap anadoket a ŋin.

Awos. 25:19

Kiwuak epei lowae epei ka ŋoloce lowae ŋoloce a akibois a ŋina a akisyonio. Kitiyau ikes etapakina nawaetin a akibois a ŋina a akisyonio erae ibore ipei bon.

1 Ŋirw. 6:27

Abu Solomon kiwuak ŋitorubei ŋul tooma jik Akai; apetara ŋabebenuk a ŋitorubei a ŋul, adolit abebenukat ŋina ewasyan a apei narwatata apei ka ŋina ewasyan a ŋoloce daŋ adolit narwatata ŋinace; atapakina ŋabebenuk kec ŋuna alokidiŋ kec.

1 Ŋirw. 6:23

Kitiyau Solomon anakito a Olipa ŋitorubei a Ŋikerubim, kitowo ikes alotooma akibois ŋina asegan nooi. Arae aoyau a ŋolotorube a Ŋikerubim a ŋul ŋimitae ŋiomwon ka atutubet.