Awos. 25:16 - Ebaibul

¹⁶ Kiwuak Nasaduku ŋin ŋamoru ŋunadapal ŋaarei ŋuna abuni ayoŋ ainakin iyoŋ.

Awos. 25:16 Iomraidhean Croise

1 Ŋirw. 8:9

Mam ibore ice ayai tooma Asaduku, ŋamoru ŋunaarei bon ŋunadapal ŋuna egiritae ŋakiciketa ŋuna kiwuakini Moses nen alomoru a ŋolo enyaritae Oreb (iŋes Sinai), neni kebunio Ekapolon tocamunotor ka Ŋisirael kedaut alomun anakwap a Ijipit.

2 Ŋirw. 11:12

Yau nai Yeoida esacaradoti, lokoku a erwosit kiŋa, kitanap ebokot, inak ŋakiro ŋuna ka acamunet aruwor erwosit, temasi ŋituŋa, “ Erae iŋes erwosit, ” Kedaut alimun kiosae Yoas a akimyet. Toramakis ŋituŋa ŋakan kec, tocelut temasi, “Ikigasi isua torubak erwosit eyari!”

2 Ŋakiro a ŋirwa 23:11

Yau nai Yeoiyada Yoas lokoku a erwosit kiŋa, kitanap, inak ŋakiro ŋuna ka Acamunet keŋ ka ŋituŋa a Yudaya, kiserata ŋituŋa atemar erae Yoas erwosit, ido apotu Yeoiyada ka ŋidwe keŋ ŋulusapa kiosa Yoas a akimyet, kituruwosi erwosit; tocelut ŋituŋa daadaŋ temasi, “Ikigasi isua torubak erwosit eyari!”

Awos. 16:34

Abu nai Aron kitiya lopite ŋolopei alimokinitor Moses iŋes, tosipok amot ŋina ayai Manna kiŋaren Asaduku ŋina a Acamunet, ikotere kidarae a nen.

Awos. 25:21

Emaikina iyoŋ kiwuak akibois ŋina a akisyonio ŋin kidiama Nasaduku, ido kiwuak tooma Asaduku ŋamoru ŋunaarei ŋuna akainakini ayoŋ iyoŋ.

Awos. 26:33

Kinenek anaŋga kwap ŋikodoce, ido kiwuak Asaduku ŋina ka Acamunet yaye anaŋga ŋin. Kiwuak anaŋga ŋin kidiŋ totyak akibois ŋina Asegan ka ŋina Asegan nooi.

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 30:36

Kirye ekinyate ŋol ece todopirir, ido kiwuak ece kiŋaren Asaduku ŋina ka Acamunet, tooma Eema ŋolo iryamununoi, nakibois ŋina ikiryamun ayoŋ ka iyoŋ. Emaikina ekinyate ŋol erae kire jik aneni kon ŋolo italeuno.

Awos. 30:6

Kiwuak Namuroet ŋin kiŋaren anaŋga alaalo Asaduku ŋina ka Acamunet; kiŋaren akibois ŋina ka akisyonio ŋina eyai kidiama Asaduku ŋina ka Acamunet, nakibois ŋin, iŋes ikiryamun iwon.

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 32:15

Abu nai Moses toboŋu, totiyaun alomoru edakit ŋamoru ŋunaarei ŋunadapal ŋuna ka Acamunet. Egiritae ŋiwaetin daadaŋ a ŋamoru a ŋun, iŋes atemar kiŋaren ka kaku.

Awos. 34:29

Ani etiyaun Moses alomoru Sinai edakit ŋamoru ŋuna ka Acamunet ŋunadapal ŋunaarei, pa ayeni iŋes atemar ecai ereet keŋ aŋuna sek kebunio iŋes kirworikinos ke Ekapolon.

Awos. 38:21

Erae lo etyae a ŋiboro a ŋulu adukere Eema ŋolo eryamununosi Ŋisirael aŋuna ke Ekapolon, eema ŋolo ewuakinitae ŋamoru ŋunaarei ŋunadapal, ŋuna egiritae Ŋakiciketa ŋunatomon. Arae Moses abu tolimu atemar kimarae ŋiboro ŋul, ido apotu ŋilepi ŋulu apolokinit Isamar lokoku ka Aron a esacaradoti kitiyata ŋun.

Awos. 40:20

Tolemu Moses ŋamoru ŋunadapal ŋunaarei; kiwuak tooma Asaduku ŋina ka Acamunet. Kirepak ŋipirin neni aorori asibit ŋikabobooe a Nasaduku, ido torapak akibois ŋina a akisyonio kidiama Asaduku ŋina ka Acamunet.

Ekim. 17:4

Kiwuak ŋibelae ŋul tooma eema diyete Asaduku ŋina ka Acamunet ke Ekapolon, neni ikiryamununor ayoŋ ka iyes.

Ŋitic. 7:44

Ayakatar atapapaa yok analoŋisat Eema ŋolo ka Akiteyenunet atemar arukito Akuj ka ikes. Etiyaunitae iŋes ikwaŋina kelimokinitor Akuj Moses akitiyaun, lopite ŋolo keris kitoodikinere iŋes.

Ŋirom. 3:2

Eyai kire epoida lowaetin daadaŋ! Ŋuna iŋarenete, abu Akuj kicikak ŋakiro keŋ neni a Ŋiyudayan akiyok.

Ŋikis. 31:26

“Yaasi ekitaabo lo ŋolo a ŋikisila, kiwuakis diyete Asaduku ŋina ka Acamunet a Ekapolon Akuj kus, emaikina iŋes eyai nen ikwapei esuuda a ŋakiro aŋuna a eŋerenu kus;

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

Yos. 4:16

“Tolimok ŋisacaradotin ŋulu edakito Asaduku ŋina ka Acamunet todokut kiŋa aŋalol Yorodan.”